BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبارى سىرعىپ قاشا باستادى – نىعماتۋلين ۆيسە-مينيستردىڭ جاۋابىنا قاناعاتتانبادى

بۇگىن پارلامەنت ٴماجىلىسىنىڭ جالپى وتىرىسىندا نۇرلان نىعماتۋلين قر اقپارات جانە كوممۋنيكاسيالار ۆيسە-مينيسترى دارىن تۇياقوۆتىڭ شالعاي جاتقان ەلدى مەكەندەردى ۇيالى بايلانىسپەن قامتاماسىز ەتۋگە بايلانىستى ناقتى جاۋاپ بەرۋىن قايتا-قايتا تالاپ ەتتى، دەپ حابارلايدى ۆaq.kz ٴتىلشىسى.

وتىرىستا دەپۋتات مۇرات تەمىرجانوۆ اقپارات جانە كوممۋنيكاسيالار مينيسترلىگىنىڭ وكىلدەرىنە 2019 جىلدىڭ قىركۇيەگىندە حالىق ساناعى بولعاندا شالعاي جاتقان وڭىرلەر تەلەفون نەمەسە ۇيالى بايلانىسپەن قانشالىقتى قامتاماسىز ەتىلەدى دەگەن سۇراق قويدى.

اقپارات جانە كوممۋنيكاسيالار ۆيسە-مينيسترى دارىن تۇياقوۆ «قازاقتەلەكوم» اق ارقىلى جۇرگىزۋدى جوسپارلاپ قويعانىن ايتتى.

«جەرگىلىكتى اۋىلدىق جەرلەردى بايلانىسپەن قامتاماسىز ەتۋگە «قازاقتەلەكوم» ارقىلى ىسكە اسىرىلادى. بۇل كومپانيا بارلىق ەلدى مەكەنگە بايلانىس جەتكىزەدى. ول ٴتورت جول ارقىلى جۇزەگە اسادى. ال الىس جاتقان مەكەندەرگە ٴتيىستى اقپاراتتار پلانشەت ارقىلى بەرىلەدى. ول كەيىن دەرەكتەر بازاسىنا جۇكتەلەدى. وسىلاي كەرەكتى مالىمەت الىنادى»، - دەگەن ۆيسە-مينيستردىڭ جاۋابىنا نىعماتۋلين قاناعاتتانبادى.

«مۇنىڭ بارلىعىن پرەزەنتاسيا رەتىندە ادەمى سەكىرىپ ٴوتۋ ىڭعايلى. ال ناقتى ناتيجەگە كەزەك كەلگەندە بارلىعىن بولاشاققا ىسىرىپ قويامىز. ناقتى سۇراق قويىلدى. «حالىق ساناعى جۇرگىزىلگەنگە دەيىن ەلدى مەكەندەر ۇيالى بايلانىسپەن قامتاماسىز ەتىلەدى مە؟» دەگەن سۇراققا جاۋاپ بەرىڭىز»، - دەدى ٴماجىلىس ٴتوراعاسى.

«ٴبىز جاساپ جاتقان گرافيكتەگى ەلدى مەكەندەر 3 جىل ىشىندە قامتاماسىز ەتىلەدى»، - دەپ جاۋاپ قاتقان تۇياقوۆقا نىعماتۋلين سۇراقتى تاعى قايتالادى.

«حالىق ساناعى وتكىزگەن ۋاقىتتا بارلىق ەلدى مەكەندى ينتەرنەتپەن 100% قامتاماسىز ەتىپ ۇلگەرمەۋىمىز مۇمكىن. ٴبىراق كوپ بولىگىنە جەتكىزەمىز»، - دەدى تۇياقوۆ.

«مىنە، العاش رەت باتىل جاۋاپ بەرىلدى. 100% قامتاماسىز ەتە المايسىز عوي. تاعى دا بارلىعىن پلانشەتكە اۋدارامىز. ەندى اكىمدەر تاعى پلانشەتتەرىن ارقالاپ، حالىقتى ٴتىزىپ شىعادى. سىزدەردە مەملەكەت باسشىسىنىڭ بارلىق تاپسىرماسى بار. ۆەدومستۆو باسشىسىمەن پرەزەنتاسيالارىڭىزدى ۇكىمەت الدىندا كورسەتتىڭىز. تۇرعىندارعا دا دەرەكتەردى قاشىقتىقتان بەرەسىز دەپ ايتىپ قويدىڭىز. ال، ٴقازىر جايلاپ ٴبارى سىرعىپ قاشا باستادى. ۆيسە-مينيستر بۇگىن 100% دايىن ەمەس ەكەنىن مالىمدەدى. ەندى وسىعان جاۋاپتى ادام ۇكىمەتتە نەلىكتەن تولىق قامتاماسىز ەتپەگەنى ٴۇشىن ەسەپ بەرۋى ٴتيىس»، - دەپ قورىتىندىلادى نىعماتۋلين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي