BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالار مۋلتفيلمدەردى تەك ورىسشا كورىپ ٴجۇر – دەپۋتات

قر پارلامەنتى ٴماجىلىسىنىڭ دەپۋتاتى اباي تاسبولاتوۆ ەلىمىزدە بالالاردىڭ مۋلتفيلمدەردى تەك ورىسشا كورىپ جۇرگەنىن ايتىپ، اتالعان ماسەلەگە نازار اۋدارۋدى تالاپ ەتتى، دەپ حابارلايدى baq.kz ٴتىلشىسى.

بۇگىن ماجىلىستە قر مادەنيەت جانە سپورت ٴمينيسترى ارىستانبەك مۇحامەدي ۇلى «كينەماتوگرافيا تۋرالى» زاڭ جوباسىن تانىستىردى.

جيىن بارىسىندا اباي تاسبولاتوۆ مينيسترگە بۇگىنگى تاڭدا بالالاردىڭ مۋلتفيلمدەردى تەك ورىسشا كورىپ جۇرگەنىن اشىنا ايتتى.

“ارىستانبەك مۇحامەدي ۇلى، ٴبىز جاستارعا قاشان كوڭىل بولەمىز؟ ٴسىز مەملەكەت اقشا بولەدى، بارلىعى جاقسى بولىپ جاتىر دەدىڭىز. كەلەشەگىمىزگە كوڭىل ٴبولۋىمىز كەرەك. جەكسەنبى كۇنى (بالالار ٴۇشىن - اۆتور) “بالاپان” تەلەارناسىنان باسقا ەشكىم قازاقشا حابار بەرمەيدى”، - دەدى دەپۋتات.

سونىمەن قاتار ول اتالعان ماسەلەنى بۇگىن شەشۋ قاجەتتىگىن اتاپ ٴوتتى.

“جارايدى، اقشا جەتپەي جاتىر، ماماندار جوق” دەيسىزدەر. “ماشا ي مەدۆەد” ٴمۋلتفيلمىن نەگە قازاقشاعا اۋدارمايمىز؟ ەرتەگىلەر دە بار عوي. بالالار ىلعي سولاردى كورەدى. ولار بالاباقشادان نەمەسە مەكتەپتەن كەلەدى دە مۋلتفيلمدەردى ورىسشا كورەدى. ال مەكتەپتە قازاقشا وقيدى. مەنىڭ ويىمشا، وسى ماسەلەگە دۇرىستاپ كوڭىل ٴبولۋ كەرەك. 2-3 جىلدان سوڭ، بۇل ماسەلەنى شەشۋ كەش بولادى”، - دەپ تۇيىندەدى ٴسوزىن اباي تاسبولاتوۆ.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى جانە وتاندىق كينوتەاترلاردىڭ جۇمىسىن باقىلاۋعا الۋ كەرەكتىگىن جەتكىزدى.

سونداي-اق ماجىلىستە بايانداما جاساعان قر مادەنيەت جانە سپورت ٴمينيسترى ارىستانبەك مۇحامەدي ۇلى «قازاقفيلم» كينوستۋدياسىنىڭ تەحنيكالىق جابدىقتالۋى تومەن ەكەنىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي