اۋىل تۇرعىندارى مال ۇرلاعانداردى وزدەرى ۇستاپ، جازالاۋعا ٴمəجبۇر - بەكتاس بەكنازاروۆ - پارلامەنت|02 قاراشا 2018، 13:36
كۋرسى ۆاليۋت وبنوۆليايۋتسيا
استانا:

اۋىل تۇرعىندارى مال ۇرلاعانداردى وزدەرى ۇستاپ، جازالاۋعا ٴمəجبۇر - بەكتاس بەكنازاروۆ

استانا، baq.kz ٴتىلشىسى. بۇگىن سەناتتا "مال ۇرلاۋدىڭ الدىن الۋ، بولدىرماۋ جəنە شەشۋ جولدارى" اتتى دوڭگەلەك ۇستەل ٴوتتى. قر پارلامەنتى سەناتى ٴتوراعاسىنىڭ ورىنباسارى بەكتاس بەكنازاروۆ ەلىمىزدە مال ۇرلىعى ازايماي تۇرعانىن ايتتى.

سەناتور جاقىندا دەپۋتاتتاردىڭ وڭىرلەردى ارالاپ، حالىقپەن كەزدەسىپ كەلگەنىن ەسكە سالدى. ٴوزى دە بيىل ٴۇش وبلىستاعى اۋىل تۇرعىندارىمەن جۇزدەسكەنىن ايتتى.

"سول جەردە كوتەرىلەتىن مəسەلە، حالىقتىڭ بىزگە قوياتىن سۇراقتارىنىڭ نەگىزگى بولىگى وسى مال ۇرلىعىن توقاتۋعا بايلانىستى، مەملەكەتتىڭ ٴقازىر بۇعان əلسىزدىك كورسەتىپ وتىرعاندىعى. اۋىلدىڭ جاعدايىن ٴبىز ٴبارىمىز بىلەمىز. اۋىلدا جۇمىس جوق. بالا-شاعاسىن اسىراپ، ٴبىر بۇزاۋلى سيىرىن، 5-6 قويىن ۇستاپ وتىرعان اۋىل تۇرعىنى ٴۇشىن بۇل ۇرلىقتىڭ كەلتىرىپ جاتقان زيانى وراسان زور. سوعان قاراماي ٴقازىر بۇل ۇرلىققا كىنəلى ادامداردىڭ كوپشىلىگى بوستاندىقتا، جازاسىز قالىپ وتىر. ٴبىز بۇنىڭ الدىندا بۇل قىلمىستاردىڭ كەيبىر ٴتۇرىن گۋمانيزاسيا دەپ، ورتا دارەجەلى قىلمىستارعا اۋىستىرعان كەزدە ۇلكەن قاتەلىك جىبەرگەن سياقتىمىز"، - دەدى بەكنازاروۆ.

سەناتور گاز نە مۇناي قۇبىرى ۇرلىعى بولەك قىلمىس قۇرامى رەتىندە قىلمىستىق كودەكسكە ەنگىزىلگەنىن ايتتى.

"ال مىنا ۇلان ايماقتا جاتقان قازاقستان حالقى ٴۇشىن، كۇندەلىكتى كۇنىن كورىپ، بالا-شاعاسىن، جانۇياسىن اسىراپ وتىرعان مالدىڭ جاعدايى قانداي؟ گازدىڭ، مۇنايدىڭ ٴرولى قانداي؟ بىزدە قازاق "مال اشۋى-جان اشۋى" دەيدى. ٴقازىر وسى زاڭنىڭ ٴəلسىز بولۋىنان كەيبىر وڭىرلەردە ادامدار زاڭعا سەنۋدەن قالىپ، كىنəلىلەرگە ٴوز بەتىنشە شارالار قابىلداپ، ولاردى ۇستاپ، جازالاي باستاعان"، - دەدى بەكتاس بەكنازاروۆ.

پارلامەنت سەناتى ٴتوراعاسىنىڭ ورىنباسارى وتاندىق تەلەارنا بۇل ماسەلەنى كورسەتكەنىن ايتتى. جامبىل وبلىسى شۋ اۋدانىندا ادامدار ٴبىر توپ ۇرىنى ۇستاپ، جەرتولەگە قاماپ، ۇرىپ-سوعىپ جازالاعان.

"بۇل زاڭنىڭ əلسىزدىگىن كورسەتىپ وتىر. سوندىقتان، ٴبىز بۇل مəسەلەنى جاقسىلاپ تالقىلاپ، زەردەلەپ، قارايىق، ٴسويتىپ ەرتەڭ ەلگە بارعاندا، اۋىلعا بارعاندا ٴبىز "مەملەكەت تاراپىنان وسىنداي شارالار قولدانىلادى، ەلدى تاس كەنەدەي قيناپ جاتقان ۇرلىققا قارسى وسىنداي شارا قولدانىپ جاتىرمىز" دەپ ايتا الاتىن بولايىق. ەرتەڭ ەلگە بارعاندا ٴبىزدىڭ بەتىمىز اشىق بولسىن"، - دەدى بەكنازاروۆ.

سەناتور əدىلەت مينيسترلىگىنىڭ "مال ۇرلىعاندارعا قاتىستى جازانى كۇشەيتۋ كەرەك ەمەس، بۇل قىلمىستىق جازا قولدانىلاتىندار سانىن ۇلعايتادى" دەگەن پىكىرىمەن كەلىسپەيتىنىن ايتتى.

"ٴبىز بارىمتامەن سوناۋ زامانداردان باستاپ كۇرەسىپ كەلە جاتقان حالىقپىز. ال ەندى بۇنى وسى كۇيىندە قالدىرۋ - ٴبىزدىڭ جۇمىسىمىزدىڭ، əسىرەسە، زاڭ شىعاراتىن ورگاندار، قۇقىق قورعاۋ ورگاندارى جۇمىسىنىڭ دəيەكسىزدىگىن كورسەتەدى. ٴبىز بۇل مəسەلەنى ٴəرى قاراي سوزباي، ناقتى شەشىمگە كەلەيىك" ، - دەپ تۇيىندەدى بەكتاس بەكنازاروۆ.

بۇعان دەيىن سەناتور شەكارالاس وبلىستاردا مال ۇرلىعى ٴورشىپ تۇرعانىن جəنە ەلىمىزدە بارىمتاشىلارعا قولدانىلاتىن جازانى كۇشەيتۋ كەرەكتىگىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي