BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا مەن الماتى اۋەجايلارىندا 128 ەل ازاماتتارىنا ارنالعان ەلەكتروندىق ۆيزا بەرىلەدى

مادەنيەت جانە سپورت ٴمينيسترى ارىستانبەك مۇحامەدي ۇلى قر پارلامەنتى ماجىلىسىندە وتكەن «قر تۋريستىك سالاسىن دامىتۋ تۋرالى» ۇكىمەت ساعاتىندا قازاقستانعا كەلۋگە نيەتتى شەتەل ازاماتتارى ٴۇشىن ۆيزا ماسەلەسى قالاي شەشىلىپ جاتقانىن اتاپ ٴوتتى، دەپ حابارلايدى baq.kz ٴتىلشىسى.

ساياسي تۇراقتى جانە دامىعان 64 ەلدىڭ ازاماتتارى تۋريستىك جانە باسقا ماقساتتار ٴۇشىن قازاقستانعا ۆيزاسىز كەلۋگە قۇقىلى. 2018 جىلدىڭ سوڭىنا دەيىن الماتى مەن استانا قالالارىندا قىتاي مەن ٴۇندىستان ازاماتتارى ٴۇشىن 72 ساعاتتىق ۆيزاسىز ترانزيت ەنگىزىلدى. ناتيجەسىندە قازاقستاننان قىتايعا ترانزيت اعىمى 60%-كە ٴوسىپ، قالاعا 17 مىڭنان استام شەتەلدىك كەلگەن.

«جىل سوڭىنا دەيىن استانا مەن الماتى اۋەجايلارىندا پيلوتتىق رەجيمدە 128 ەلدىڭ ازاماتتارى، سونىڭ ىشىندە ٴۇندىستان، قىتاي، يران، پارسى شىعاناعى ەلدەرىنە ارنالعان ەلەكتروندىق ۆيزا مەحانيزمى ىسكە قوسىلادى. وكىنىشكە قاراي، بۇكىل دۇنيە ٴجۇزى ەلەكتروندى ۆيزامەن جۇمىس ىستەپ جاتقاندا قازاقستان ٴالى كەزەككە تۇرىپ، قولمەن ٴبارىن تولتىرىپ جاتىرمىز. بۇل ۆيزانى الۋ مەرزىمىن 5 كۇنگە قىسقارتادى جانە پروسەستى ەداۋىر جەڭىلدەتەدى»، - دەدى مينيستر.

ونىڭ ايتۋىنشا، وزبەكستانمەن شەكارالىق تۋريستىك مارشرۋتتاردى ىلگەرىلەتۋ ٴۇشىن «silk way visa» اياسىندا ۆيزالاردى ٴوزارا تانۋ مەحانيزمى تالقىلانىپ جاتىر. قازاقستان قىرعىزستان مەملەكەتتىك شەكاراسىندا ۋاقىتشا تۋريستىك وتكەلدەردىڭ اشىلۋىنا تىكۇشاق پاركىنىڭ قىزمەت كورسەتۋىنە بايلانىستى قازاقستان 17 جىل ىشىندە العاش رەت ورتالىق تيان-شاندا ستراتەگيالىق ارتىقشىلىققا يە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي