استانا، baq.kz ٴتىلشىسى. قر ادىلەت ٴمينيسترى مارات بەكەتايەۆ جىلجىمايتىن مۇلىكتى ۋاقىتىندا تىركەمەگەنى ٴۇشىن اكىمشىلىك جاۋاپكەرشىلىك الىپ تاستالاتىنىن دا اتاپ ٴوتتى.
قىمبات ەلتايقىزى 
2395
0 
استانا: 
2049 
0
استانا، baq.kz ٴتىلشىسى. قر ادىلەت ٴمينيسترى مارات بەكەتايەۆ جىلجىمايتىن مۇلىكتى ۋاقىتىندا تىركەمەگەنى ٴۇشىن اكىمشىلىك جاۋاپكەرشىلىك الىپ تاستالاتىنىن دا اتاپ ٴوتتى.
«بۇگىنگى تاڭدا جۇرگىزىلگەن رەفورما — بۇل قولدانىستاعى ەكى كاداستردى بىرىكتىرۋ ارقىلى ٴبىرىڭعاي كاداستردى قۇرۋعا جاسالعان العاشقى قادام. وزدەرىڭىزگە بەلگىلى، قازاقستاندا جىلجىمايتىن مۇلىك سالاسىندا ٴقازىر ەكى كاداستر بار. بۇل – جەر ۋچاسكەلەرىن ەسەپكە الۋ كاداسترى جانە قۇقىقتىق كاداستر. شوعىرلاندىرۋ، جەر ۋچاسكەلەرى مەن تىركەلگەن قۇقىقتار تۋرالى ٴبىرىڭعاي وزەكتى اقپاراتتى قالىپتاستىرۋعا، سونداي-اق بيزنەس-پروسەستەردى وڭتايلاندىرۋعا مۇمكىندىك بەرەدى»، - دەدى بەكەتايەۆ ٴماجىلىس ۇيىندە ٴوتىپ جاتقان جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى جيىندا.
ونىڭ ايتۋىنشا، ادىلەت مينيسترلىگى ٴوزىنىڭ اقپاراتتىق جۇيەسىن مەملەكەتتىك كورپوراسياعا (ازاماتتارعا ارنالعان ۇكىمەت-اۆتور ەسكەرت.) سەنىمگەرلىك باسقارۋعا بەردى.
«سونداي-اق، اۋىل شارۋاشىلىعى مينيسترلىگىنىڭ اقپاراتتىق جۇيەسىن بەرۋ ماسەلەسى پىسىقتالۋدا. ودان كەيىن، مەملەكەتتىك كورپوراسيا ەكى جۇيەنى تەحنيكالىق بىرىكتىرۋگە كىرىسەدى. كەلەسى ماسەلە — بۇل جىلجىمايتىن مۇلىكتى ۋاقىتىندا تىركەمەگەنى ٴۇشىن اكىمشىلىك جاۋاپتىلىقتى الىپ تاستاۋ. بۇل نورما 2007 جىلى سالىقتىق اكىمشىلەندىرۋ جانە حالىقتى جىلجىمايتىن مۇلىككە ٴوز قۇقىقتارىن تىركەۋگە ماجبۇرلەۋ ماقساتىندا ەنگىزىلدى»، - دەدى مارات بەكەتايەۆ.
ٴمينيستردىڭ ايتۋىنشا، ٴوز كەزەگىندە، مەملەكەت مۇلىكتى زاڭداستىرۋ بويىنشا ەكى اكسيا وتكىزدى. سونداي-اق، مەملەكەتتىك قىزمەتتەر كورسەتۋ ٴتارتىبىن وڭتايلاندىرۋ جونىندە شارالار قابىلداندى.
«ناتيجەسىندە، سوڭعى جىلدارى وسى قۇرام بويىنشا ازداعان اكىمشىلىك ٴىس قوزعالعاندىعى بايقالادى. وسىعان وراي، جىلجىمايتىن مۇلىككە قۇقىقتاردى تىركەۋ مەرزىمىن وتكىزىپ العاندىعى ٴۇشىن اكىمشىلىك جاۋاپتىلىقتى الىپ تاستاۋ تۋرالى ماسەلەنى قاراۋ ۇسىنىلادى. (...) حالىقارالىق ساراپشىلاردىڭ باعالاۋى بويىنشا قازاقستان ورتالىق ازيا وڭىرىندە بيزنەس جۇرگىزۋ ٴۇشىن ەڭ قولايلى ەل بولىپ تابىلاتىنىن اتاپ وتكىم كەلەدى»، - دەدى بەكەتايەۆ.
ۆەدومستۆو باسشىسىنىڭ مالىمەتىنشە، سوڭعى ٴتورت جىل ىشىندە قازاقستان دۇنيەجۇزىلىك بانكتىڭ «doing business» جىل سايىنعى زەرتتەۋىنىڭ «مەنشىكتى تىركەۋ» ينديكاتورى بويىنشا وزىق جيىرما ەلدىڭ قاتارىنا كىرەدى (18-ورىن «db-2019»).
«بۇل رەتتە، 2018 جىلعى رەفورمالار دۇنيەجۇزىلىك بانكتىڭ 2019 جىلعا ارنالعان ەسەبىن قالىپتاستىرۋ كەزىندە ەسەپكە الىنعان جوق. كەلەسى ەسەپتە ولار نازارعا الىنادى دەپ ۇمىتتەنەمىز. ٴبىراق، بۇل ەڭ باستى ماقسات ەمەس. ٴبىرىنشى كەزەكتە، ىسكە اسىرىلعان شارالار كورسەتىلەتىن مەملەكەتتىك قىزمەتتەردىڭ ساپاسى مەن قولجەتىمدىلىگىن ارتتىرۋعا، حالىقتىڭ قارجى جانە ۋاقىت شىعىندارىن تومەندەتۋگە باعىتتالعان. جىلجىمايتىن مۇلىككە قۇقىقتاردى مەملەكەتتىك تىركەۋ قىزمەتىن جەتىلدىرۋ بويىنشا جۇمىس ٴارى قاراي جالعاسادى»، - دەپ تۇيىندەدى مارات بەكەتايەۆ.
بۇعان دەيىن مينيستر جىل سايىن ەلىمىزدە جىلجىمايتىن مۇلىككە 1 ملن 700 مىڭنان استام قۇقىق تىركەلەتىنىن ايتقان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
