BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارحەولوگيا جۇمىستارىن جۇرگىزۋ ٴتارتىبى بولماعاندىقتان ەسكەرتكىشتەر ٴۇيىندى استىندا قالىپ جاتىر – مينيستر

مادەنيەت جانە سپورت ٴمينيسترى ارىستانبەك مۇحامەدي ۇلى قر پارلامەنت ماجىلىسىندە تاريح جانە مادەنيەت ەسكەرتكىشتەرىندە ارحەولوگيا جۇمىستارىن جۇرگىزۋ ماسەلەسىن رەتتەۋ قاجەتتىگى تۋرالى ايتتى، دەپ حابارلايدى baq.kz ٴتىلشىسى.

«ارحەولوگيا جۇمىستارىن جۇرگىزۋ ٴتارتىبىنىڭ بولماۋىنان ٴار ارحەولوگ جۇمىس بارىسىن ٴوزى بەلگىلەيدى. ارحەولوگيالىق زەرتتەۋ جۇرگىزەتىن ۇيىمدار قازىلعان نىساندى قورعاۋسىز قالدىرىپ، اۋماعىنان ۇيىندىلەردى شىعارمايدى. مۇنىڭ سوڭى تاريحي-مادەني ماڭىزى بار نىساننان ايىرىلىپ قالۋعا اكەپ سوعادى. كوپتەگەن ارحەولوگيالىق ەكسپەديسيالار حالىقارالىق نورمالارعا ساي جۇمىس ىستەمەيدى. مىسالى، تۇركىستان وبلىسىنداعى وتىرار قالاشىعىنىڭ جاعدايىن ايتساق بولادى. وسىنداي جاعدايداعى ارحەولوگيالىق وبەكتىلەر كوپ»، - دەدى مۇحامەدي ۇلى.

ٴمينيستردىڭ ايتۋىنشا، بىرنەشە جىلدان بەرى جۇرگىزىلىپ كەلە جاتقان باقىلاۋسىز قازبا جۇمىستارىنان سوڭ وتىرار اۋماعى ۇيىندىلەرگە كومىلىپ، ۇيىندىلەر سول ەسكەرتكىشتەن دە بيىك بولىپ كەتەن. ونىڭ ايتۋىنشا، بيىل وتىرار قالاشىعىنان كەڭەس زامانىنان قالىپ كەتكەن 300 ماشينا ٴۇيىندىسى شىعارىلعان.

«قوجا احمەت ياساۋي ەسكەرتكىشىنىڭ ماڭايىندا ورنالاسقان كۇلتوبە قالاشىعى دا ٴدال وسىنداي جاعداي. كونسەرۆاسياعا سايكەس جۇرگىزىلمەگەن ارحەولوگيالىق قازبا جۇمىستارىنان كەيىن نىسان فيزيكالىق تۇرعىدان زارداپ شەگىپ، تاريحي كەسكىنى بۇرمالانعان. وسى ورايدا بۇل ماسەلەنى رەتتەۋ مەن قورعاۋ شارالارىن كۇشەيتۋ ماقساتىندا ۋاكىلەتتى ورگانداردىڭ قۇزىرەتىنە ارحەولوگيا جۇمىستارىن وتكىزۋ ەرەجەلەرى مەن شارتتارىن ازىرلەۋ بويىنشا نورما ەنگىزۋ ۇسىنىلىپ وتىر»، - دەدى مادەنيەت جانە سپورت ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي