BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الداعى ۋاقىتتا جۇمىس كۇشىنىڭ ساپاسىنا جاڭا تالاپتار قويىلادى – دوسايەۆ

ماجىلىستەگى جۇمىسپەن قامتۋ ماسەلەلەرىنە ارنالعان پارلامەنتتىك تىڭداۋدا قر ۇكىمەت باسشىسىنىڭ ورىنباسارى ەربولات دوسايەۆ الداعى ۋاقىتتا جۇمىس كۇشىنىڭ ساپاسىنا، بىلىكتىلىگىنە جاڭا تالاپتار قويىلاتىنىن ٴمالىم ەتتى، دەپ حابارلايدى baq.kz ٴتىلشىسى

ونىڭ ايتۋىنشا، قازاقستاننىڭ ٴۇشىنشى جاڭعىرۋى اياسىندا ەكونوميكالىق ٴوسىمنىڭ جاڭا مودەلى ايقىندالعان. ول ەكونوميكانىڭ ٴارتاراپتاندىرىلۋىنا، جەكە سەكتوردىڭ كوش باستاۋشى ٴرولى مەن ەڭبەك ونىمدىلىگىن ارتتىرۋعا نەگىزدەلگەن.

«ەكونوميكا سالالارىنداعى ەڭبەك ونىمدىلىگىن كەم دەگەندە 50%-كە ارتتىرۋ كۇتىلۋدە. سونىمەن قاتار جاڭا تەحنولوگيالاردىڭ دامۋىمەن جانە سيفرلاندىرۋمەن ۇشتاساتىن قازىرگى زامانعى جاھاندىق وزگەرىستەردى ەسكەرۋىمىز قاجەت. جاڭا جاعدايلاردا جۇمىس كۇشىنىڭ ساپاسىنا، بىلىكتىلىگىنە جاڭا تالاپتار قويىلادى. ەسكى كاسىپتەردىڭ وزگەرۋى نەمەسە ٴتىپتى جوعالىپ كەتۋى، بولاشاقتا جاڭا كاسىپتەر پايدا بولادى دەگەن بولجامدار بار. سالالار دا وزگەرىستەرگە ۇشىرايدى، ٴوندىرۋشى سالالارعا جۇمىس كۇشىنىڭ اعىنى كوبەيەدى»، - دەدى ەربولات دوسايەۆ.

سونداي-اق پرەمەر-مينيستردىڭ ورىنباسارى ەڭبەك نارىعىندا ىشكى وزگەرىستەر دە اسەر ەتەتىنىن جەتكىزدى.

«ماسەلەن، ٴومىر ٴسۇرۋ ۇزاقتىعىنىڭ ۇلعايۋىمەن قاتار، 2000-شى جىلداردىڭ ورتاسىندا بولعان baby-boom ەڭبەك نارىعىنا قوسىمشا جۇكتەمە اكەلەدى. وسىلايشا، ٴبىر جاعىنان نارىق تالاپتارىنا سايكەس كەلەتىن ٴوندىرۋشى جۇمىس ورىندارىن قۇرۋدى قامتاماسىز ەتۋ، ەكىنشى جاعىنان سۇرانىسقا يە بىلىكتى كادرلاردى دايارلاۋ قاجەت. بۇل ۇكىمەت پەن وبلىس جانە رەسپۋبليكالىق ماڭىزى بار قالالار اكىمدەرىنىڭ الدىنا قويىلعان ورتاق مىندەت. وسى مىندەتتى شەشۋدىڭ نەگىزگى قۇرالى - جاڭا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى»، - دەدى ول.

ونىڭ ايتۋىنشا، اتالعان باعدارلاما ىسكە اسىرىلا باستاعاننان بەرى 556 مىڭ ادام تۇراقتى جۇمىسقا ورنالاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي