BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«7-20-25»: دەپۋتات شىمكەنتتەگى يپوتەكا مولشەرىن كوتەرۋدى سۇرادى

بۇگىن پارلامەنت ٴماجىلىسىنىڭ جالپى وتىرىسىندا دەپۋتات بەرىك دۇيسەنبينوۆ شىمكەنت قالاسىنىڭ جاڭا ستاتۋسىن ەسكەرە وتىرىپ، «7-20-25» باعدارلاماسى اياسىندا يپوتەكا سوماسىن جوعارىلاتۋ تۋرالى ساۋالدى ۇلتتىق بانك ٴتوراعاسى دانيار اقىشەۆكە جولدادى، دەپ حابارلايدى ۆaq.kz ٴتىلشىسى.

الدىمەن دەپۋتات ينفلياسيا سالدارىنان قۇرىلىس كومپانيالارى ٴۇي سالۋدان باس تارتىپ جاتقانىن اتاپ ٴوتتى.

«...كەشە ۇكىمەت وتىرىسىندا دانيار تالعات ۇلى «ينفلياسيا ٴارى قاراي وسە بەرەدى» دەگەن بولجام جاسادىڭىز. وسىعان قوسىمشا دالەل، قازاقستان قۇرىلىسشىلار وداعانىڭ اقپاراتى بويىنشا، كوپ كاسىپكەرلەر قۇرىلىس سالاسىنان شىعىپ، ساۋداعا كوشتى نەمەسە بيزنەسپەن اينالىسۋدان باس تارتۋدا»، - دەدى ول.

ٴوزى ايتقان ۋاجدەردەن كەيىن دۇيسەنبينوۆ شىمكەنتتەگى «7-20-25» باعدارلاماسى اياسىندا بەرىلەتىن يپوتەكالىق نەسيە مولشەرىن 15 ملن-نان 25 ملن-عا ٴوسىرۋدى سۇرادى.

«وسى جوعارىدا ايتىلعانداردى قورىتىندىلاي كەلە، «اقجول» فراكسياسىنىڭ دەپۋتاتتارى سىزدەن ٴبىرىنشى، شىمكەنت قالاسىنىڭ رەسپۋبليكالىق ستاتۋسىن ەسكەرە وتىرىپ، «7-20-25» باعدارلاماسى بويىنشا يپوتەكالىق قارىزدىڭ جوعارى شەكتەۋىن 15 ملن-نان 25 ملن-عا دەيىن كوتەرۋدى; ەكىنشى، العاشقى جارنانىڭ جارتىسىن، سۋبسيديالاۋ تاجىريبەسىن بۇكىل ەلىمىزگە تاراتۋدى قاراستىرۋ; ٴۇشىنشىسى، باعدارلاماعا قاتىساتىن قۇرىلىس كومپانيالارىن ينفلياسيا مەن قۇرىلىس ماتەريالدارىنا باعالاردىڭ وسۋىنەن قورعاۋ مەحانيزمدەرىن ازىرلەۋ نەمەسە قۇرىلىستىڭ ٴوزىندىڭ قۇنىن قايتا ەسەپتەۋدى سۇرايمىز»، - دەدى دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي