BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتتا جەرگىلىكتى ٴوزىن-وزى باسقارۋ جۇيەسىن جەتىلدىرۋ تۋرالى وتىرىس ٴوتتى

استانا، baq.kz. قازاقستان رەسپۋبليكاسى پارلامەنتى سەناتىنىڭ جانىنداعى جەرگىلىكتى وكىلدى ورگاندارمەن (ماسليحاتتارمەن) ٴوزارا ٴىس-قيمىل جونىندەگى كەڭەستە «جەرگىلىكتى ٴوزىن-وزى باسقارۋ جۇيەسىن جەتىلدىرۋ تۋرالى» تاقىرىبى بويىنشا وتىرىس بولدى.

شاراعا سەنات دەپۋتاتتارى، قاراعاندى وبلىسىنداعى ٴماسليحاتتاردىڭ حاتشىلارى، اۋىلدىق وكرۋگ اكىمدەرى، مينيسترلىكتەر مەن مەكەمەلەردىڭ وكىلدەرى قاتىستى.

پارلامەنت سەناتى ٴتوراعاسىنىڭ ورىنباسارى سەرگەي گروموۆ جەرگىلىكتى ٴوزىن-وزى باسقارۋ قازىرگى زامانداعى دەموكراتيانىڭ باستى دىڭگەگى ەكەنىن اتاپ ٴوتتى. مەملەكەت باسشىسى ن.نازاربايەۆ «قازاقستان-2050» ستراتەگياسىندا مەملەكەتتىلىكتى نىعايتۋ جانە قازاقستاندىق دەموكراتيانى دامىتۋ ماقساتىندا باسقارۋدىڭ ارا-جىگىن اجىراتۋ جونىندە مىندەت قويعان بولاتىن.

س.گروموۆ التى جىل بۇرىن جەرگىلىكتى ٴوزىن-وزى باسقارۋ تۇجىرىمداماسى بەكىتىلگەنىن، وندا ەۋروپالىق جەرگىلىكتى ٴوزىن-وزى باسقارۋ حارتياسىندا بەلگىلەنگەن مۋنيسيپالدى دەموكراتيا مەن مۋنيسيپالدىق باسقارۋدىڭ جالپىعا ورتاق قۇندىلىقتارى مازمۇندالعانىن ايتتى.

تۇجىرىمدامانى ىسكە اسىرۋ ٴۇشىن پارلامەنت جەرگىلىكتى ٴوزىن-وزى باسقارۋدى دامىتۋعا، ونىڭ ىشىندە جەرگىلىكتى ٴوزىن-وزى باسقارۋ ورگاندارىنىڭ وكىلەتتىكتەرىن ايقىنداۋعا، سونداي-اق ولاردىڭ قارجىلاي دەربەستىگىن كەڭەيتۋگە باعىتتالعان ٴبىرقاتار زاڭداردى قابىلدادى.

وسى وتىرىس بارىسىندا جەرگىلىكتى ٴوزىن-وزى باسقارۋ جۇيەسىن جەتىلدىرۋ ماسەلەلەرى تالقىعا سالىندى. وندا جەرگىلىكتى ٴوزىن-وزى باسقارۋدى دامىتۋعا باعىتتالعان زاڭداردى جۇزەگە اسىرۋ بارىسىندا قاراعاندى وبلىسىندا اتقارىلعان شارالار مىسالعا الىندى.

سەنات ٴتوراعاسىنىڭ ورىنباسارى ٴوز سوزىندە 2016 جىلى قۇرىلعان قوعامدىق كەڭەستەردىڭ ەرەكشە ٴرولىن اتاپ ٴوتتى. مەملەكەتتىك ەمەس وسى ۇيىمدار قوعامنىڭ مەملەكەت ىستەرىنە ىقپال ەتۋى تۇرعىسىندا ۇيىمداستىرۋ مۇمكىندىكتەرىن جۇزەگە اسىرادى جانە قابىلداناتىن مەملەكەتتىك شەشىمدەردىڭ اشىقتىعىن قامتاماسىز ەتەتىن كونسۋلتاسيالىق-كەڭەسۋ جانە بايقاۋ ورگانى رەتىندە كورىنىس تابادى.

«مەملەكەت باسشىسىنىڭ ۇلت جوسپارى اياسىندا مەملەكەت الدىندا مەملەكەتتىك ورگاندار مەن اكىمدەر جانىنداعى قوعامدىق كەڭەستەردىڭ ٴرولىن نىعايتۋ تۋرالى مىندەت العا قويىلدى. سوندىقتان بۇگىنگى كەزدەسۋدە قوعامدىق كەڭەستەردىڭ قىزمەتىن تالقىلاۋدىڭ ماڭىزى زور، ولار مەملەكەتتىڭ جانە قوعامنىڭ نەگىزگى تالاپ-تىلەكتەرى مەن مۇددەلەرىن كورسەتەدى»، - دەدى س. گروموۆ.

جەرگىلىكتى مەملەكەتتىك باسقارۋدى دامىتۋ ماسەلەلەرىن تالقىلاي كەلىپ كەڭەس مۇشەلەرى جەرگىلىكتى ٴوزىن-وزى باسقارۋ رەفورمالارىن جۇزەگە اسىرۋ جونىندەگى جۇمىستاردى جەتىلدىرۋ جولىنداعى وزەكتى ماسەلەلەردى اتاپ ٴوتتى جانە ۇكىمەتكە، ۋاكىلەتتى ورگاندارعا جانە پارلامەنت دەپۋتاتتارىنا ۇسىنىستار ازىرلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي