BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل قوس ازاماتتىعى بار 15260 ادامدى تاپتىق – قاسىموۆ

استانا، baq.kz ٴتىلشىسى. بۇگىن قر پارلامەنتى ٴماجىلىسىنىڭ جالپى وتىرىسىندا دەپۋتاتتار «قر ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسىن ماقۇلدادى.

«2018 جىلى 14 ناۋرىزدا استانا قالاسىندا كەلىسىمگە قول قويىلدى. كەلىسىمدى راتيفيكاسيالاۋ كوشى-قون اعىمدارىن رەتتەۋ مەن ازاماتتار سۇراقتارىن شەشۋ ٴۇشىن قولايلى جاعدايلار جاسايدى»، - دەپ تانىستىردى ٴىىم باسشىسى.

كەلىسىم ەكى تاراپ مەملەكەتتەرىنىڭ ازاماتتارى تۋرالى ستاتيستيكالىق قۇقىق پەن عىلىمي-مەتودولوگيالىق اقپاراتپەن الماسۋدى كوزدەيدى. 2018 جىلى شىلدەدە كەلىسىم تاجىكستان پارلامەنتىمەن راتيفيكاسيالانعان. ٴمينيستردىڭ ايتۋىنشا، زاڭدى قابىلداۋ الەۋمەتتىك، ەكونوميكالىق جانە قۇقىقتىق تەرىس سالدارعا اكەپ سوقپايدى جانە قوسىمشا قاراجاتتى تالاپ ەتپەيدى.

«ٴبىز قازىرگى تاڭدا قوس ازاماتتىقتى دالەلدەمەيمىز. ٴبىز ولارعا (تاجىكستان ۇكىمەتىنە – اۆت.) ساۋال جىبەرسەك، ولار بىزگە جاۋاپ بەرمەيدى. نەگە دەسەڭىز، ارادا ونداي كەلىسىم جوق. بيىل قوس ازاماتتىعى بار 15260 ادامدى تاپتىق، سونىڭ ىشىندە ٴ555-ىن جاۋاپقا تارتتىق. 102 ادامدى ەلدەن شىعاردىق، قالعاندارى ايىپپۇل تولەپ كەتىپ قالدى. وسى كەلىسىمدى، ەڭ ٴبىرىنشى، قوس ازاماتتىق بولماسىن دەپ دايىنداپ جاتىرمىز»، - دەدى قاسىموۆ.

ول تاعى دا كەلىسىمسىز بۇل ماسەلە شەشىلمەيتىنىن، سەبەبى باسقا ەلدەرگە قوس ازاماتتىق تۋرالى ساۋال جىبەرىپ مۇنداي قۇپيا مالىمەتتەردى الۋ مۇمكىن ەمەس ەكەنىن ايتتى. مۇنداي كەلىسىم رەسەي فەدەراسياسى، ازەربايجان، تۇرىكمەنستان، قىرعىز رەسپۋبليكاسى، ارمەنيا جانە گرۋزيا ەلدەرىمەن دە دايىندالىپ جاتىر.

ٴىىم مالىمەتىنشە، 2014 جىلى قازاقستاننىڭ كوشى-قون قىزمەتى قوس ازاماتتىعى بار 4 مىڭ ازاماتتى انىقتاسا، 2015 جىلى ولاردىڭ سانى 9 مىڭعا جەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي