و باستا ۇيلەنگەندە كوپ جاستار ٴبىر-بىرىنىڭ مىنەز-قۇلقى مەن قابىلەتىنە ٴمان بەرىپ جاتپايدى. ٴبىر-بىرىنىڭ ٴتاتتى سوزدەرىنە عانا ەلىتكەن جاس «ۇيلەنۋ وڭاي، ٴۇي بولۋدىڭ وتە قيىن» ەكەندىگىن ۇمىتىپ، شاڭىراق كوتەرەدى دە، ۋاقىت وتە كەلە بۇرىن بايقالماعان كەمشىلىكتەرىنە شىداي الماي اجىراسىپ كەتەدى. ۇيدەگى ۇرىس-كەرىس تە كوبىنە وسىنداي كەمشىلىكتەردەن تۋىندايدى. وسىدان بارىپ «جۇرتتىڭ ىبىرايى-ىبىراي، ٴبىزدىڭ ىبىراي...» نەمەسە «قىز كەزىندە ٴبارى جاقسى»دەگەن ٴسوز تىركەستەرى ەرىكسىز اۋىزدان شىعادى. مۇمكىن، وسىنىڭ بارلىعىن ٴوزىمىز قولدان جاساپ جاتقان بولارمىز؟! ولاي بولسا تالداۋ جاساپ كورەيىك. وسىنداي جاعدايدا پايدا بولاتىن ٴتۇيىندى ماسەلەلەر مىنانداي بولماق.
ەركەك ەشتەڭەمەن اينالىسقىسى كەلمەيدى. ايەلدىڭ ايتقانىنىڭ بارلىعىن ۇيىقتاپ وتىرعان ادامشا ايدالاعا جىبەرەدى نەمەسە اشىقتان-اشىق قارسىلىق ٴبىلدىرىپ، سىرتقا شىعىپ كەتەدى. كەيدە نەنى بولسا دا ق ۇلىقسىز ىستەيدى. مۇنىڭ سەبەبى نەدە؟
1. ول بويداق كەزىندە كوپشىلىكپەن كوپ ارالاسا الماعان بولۋى كەرەك. جانە دە بارلىعىن اتا-اناسى نەمەسە وزگە دە باۋىرلارى اتقارعان بولۋى ىقتيمال.
2. ٴسىز تۇرمىسقا شىققالى بەرى كۇيەۋىڭىزدىڭ بارلىق ٴىس-قيمىلىن ٴوزىڭىز باسقارعىڭىز كەلگەن سىڭاي تانىتقان بولۋىڭىز مۇمكىن. ال ەركەكتەر ەشقاشان دا وزدەرىنە الدەكىمنىڭ بۇيرىق بەرگەنىن قالامايدى. ول ٴجۇز جەردەن «مومىن» ەركەك بولسا دا، ولاردىڭ جاراتىلىسى وسىنداي، ونى ەستەن شىعارماۋ قاجەت. ەركەككە بۇلاي قىسىم كورسەتكەن سايىن ول سىزگە «باعىنباي»، الىستاي بەرەدى.
3. ٴۇشىنشى سەبەپ وزىڭىزدە بولۋى ابدەن مۇمكىن. ەسىڭىزگە ٴتۇسىرىڭىزشى، ۇيلەنگەن ساتتەن باستاپ ونى تىپتەن ەركەلەتىپ جىبەرگەن جوقسىز با؟ ول ٴۇي شارۋاسىنا كومەكتەسكىسى كەلىپ سىزگە جاقىنعاندا «ٴوزىم ىستەي سالامىن، جانىم» دەگەن سوزبەن ماسەلىن قايتارىپ جىبەرگەن شىعارسىز.
تاڭعالماي-اق قويىڭىز، ەركەك پسيحولوگياسى وسىنداي. «جاعىمدى» نارسەلەر ولاردىڭ ساناسىنا تەز ٴسىڭىرىپ، سول بويىنا قالىپ كەتەدى. كەيبىر ايەلدەر ەرىنىڭ قوسىمشا قاراجات تابۋعا قۇلقى جوقتىعىنا دا شاعىمدانىپ جاتادى.
راس، بىرەۋلەر ارتىق قاراجات تاۋىپ، جاعدايىن جاقسارتۋعا تالپىنبايدى. بارىنا قاناعات تۇتىپ جۇرە بەرەدى. ٴبىراق وعان ەلدىڭ بارلىعى جاڭارعان ومىردەن ٴدام تاتۋعا ۇمتىلىپ جاتقاندا، ايەل قاراپ تۇرا الا ما؟ اركىمنىڭ-اق ٴساندى جيھاز بەن ۇلكەن ۇيدەن دامەسى بارىن جاسىرا المايمىز. وسىنىڭ سالدارىنان ۇرىس-كەرىس بولىپ جاتاتىنى بار.
ومىردە بەلسەندىلىگى از، قارا نانعا قارىن تويعىزىپ قانا كۇن كورەتىن ادامدار از ەمەس. وزدىگىنەن جاڭاشا ومىرگە ۇمتىلاتىندار سانى ارامىزدا از عانا. اسىرەسە، ەركەكتەر اراسىندا مۇندايلار سانى ايەلدەرگە قاراعاندا اناعۇرلىم كوپ. ەركەكتەردى تابىسقا جەتەلەيتىن بىردەن-بىر كۇش-ايەل ماحابباتى بولماق. ايەل تاراپىنان جىلى قاباق پەن ماحاببات ٴلاززاتىنا بولەنگەن ەركەكتىڭ ٴارقاشاندا ومىرگە دەگەن قۇلشىنىسى ارتا تۇسەتىنىن ۇمىتپاعان ٴجون.
تاعى ٴبىر ٴتۇيىندى ماسەلەنىڭ ٴبىرى – ۇيدە جۇمىسسىز جاتقان ەركەكتەردىڭ ىشىمدىككە اۋەس بولۋى. مۇندا دا ەڭ ٴبىرىنشى ەركەكتى كىنالاۋدان بۇرىن الدىمەن كەمشىلىكتى ٴوز بويىڭىزدان ىزدەپ كورىڭىز.
ەڭ الدىمەن ەركەكتىڭ جان-دۇنيەسى ايەلگە قاراعاندا نازىكتەۋ بولاتىنىن ەسكە سالايىق. ايەل قانشا دەگەنمەن تاعدىر قيىنشىلىقتارىنا قارسى تۇرا بىلەدى. ال كوپ ەركەكتەردە ونداي قاسيەت بولمايدى. قيىندىقپەن كۇرەسكەننەن گورى ودان قاشقاندى جاقسى كورەتىن ەركەكتەرگە تاعى دا ايەل ادامنىڭ قولداۋى وتە قاجەت.
كەيبىرەۋلەرگە ەرسى كورىنگەنمەن، ەرلى-زايىپتىلاردىڭ اراسىنداعى سۇيىسپەنشىلىك مەرزىمنىڭ بولماۋى دا ەركەكتەردىڭ ومىرگە دەگەن قۇلشىنىسىن جويىپ جىبەرەتىنىن جوققا شىعارا المايسىز.
ايەل بويىنداعى جۇمىس ىستەۋگە دەگەن قۇشتارلىق تا مۇنداي جاعدايعا سەبەپ بولادى. ۇيلەنگەننەن باستاپ ۇيدەگى قارجىلىق قاجەتتىلىكتى ەركەكپەن بىردەي كوتەرۋگە ۇمتىلۋدىڭ مۇلدە قاجەتى جوق.
مۇنان شىعاتىن قورىتىندى – ٴاۋ باستان-اق ەركەككە ٴۇي-تۇرمىس قاجەتتىلىگىنىڭ بارلىعى سونىڭ موينىندا بولۋىن قاجەت ەكەنىن ىسىڭىزبەن دە، سوزىڭىزبەن دە، ٴتىپتى قۋلىعىڭىزبەن دە تۇسىندىرە ٴبىلىڭىز. ەركەكتىڭ الدىنا ٴتۇسىپ «ٴوزىمدى اسىراي الامىن» دەگەن ەرەگىس ٴسوز قاجەت ەمەس. قايتا ەرىڭىزدىڭ بويىنداعى ومىرگە دەگەن بەلسەندىلىكتى اشا ٴتۇسىڭىز. بىلايشا ايتقاندا بارلىعى دا ايەل قولىندا بولاتىنىن ەشقاشان ەستەن شىعارماڭىز.
قر پرەزيدەنتىنىڭ حالىقارالىق «بولاشاق» باعدارلاماسى بويىنشا ستيپەنديا يەگەرى، پسيحولوگتاردىڭ قازاق اسسوسياسيا مۇشەسى، «جان شۋاعى» پسيحولوگيالىق ورتالىعىنىڭ ديرەكتورى،پسيحولوگ-پراكتيك ەلشىبايەۆا كۇلماش عالىمجانقىزى.
anabol.kz
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
2420 
0
6556
0 
