BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاپونيادا زەينەتكەر سارىمساقتان كوفەنىڭ جاڭا ٴتۇرىن جاساپ شىعاردى

فوتو: Getty Images

جاپونيادا ٴدامحانا قوجايىنى سارىمساقتان كوفە دايىنداۋ ٴادىسىن ويلاپ تاپتى، دەپ حابارلايدى baq.kz اقپارات اگەنتتىگى korrespondent.net-كە سىلتەمە جاساپ.

74 جاستاعى اسپازعا بۇنداي وي 30 جىل بۇرىن كەلگەن ەكەن. ول ٴوزىنىڭ الاڭعاسارلىعىنان جانە ٴدامحانادا ادامنىڭ كوپتىگىنەن ستەيكتى سارىمساق تۇزدىعىندا كوپ ۇستاپ، كۇيدىرىپ الادى. سوسىن ول كۇيگەن سارىمساقتى ىستىق سۋعا سالىپ قويادى. جاڭاعى سارىمساق قوسىلعان سۋدىڭ ٴدامى كوفەگە ۇقسايتىنىن بايقايدى، تەك اششى.

ٴبىراق ول كەزدە بۇل سۋسىنعا اسا ٴمان بەرمەيدى، تەك زەينەتكەرلىككە شىققان سوڭ عانا سارىمساق قوسىلعان سۋسىنى ەسكە تۇسەدى.

ٴقازىر ول كادىمگى كوفە سەكىلدى دايىندالاتىن ۇنتاقتالعان سارىمساق ٴوندىرىسىن قولعا العان. ٴبىرىنشى سارىمساقتى قۋىرىپ الىپ، سودان كەيىن عانا ۇنتاقتاۋ كەرەك. سۋسىننان سارىمساقتىڭ ٴيىسى شىعىپ تۇرادى، ٴبىراق سارىمساق قۋىرىلعاندىقتان ونىڭ ٴدامى بولمايتىن كورىنەدى.

«مەن ۇسىنىپ وتىرعان سۋسىننىڭ قۇرامىندا كوفەين جوق. كوفەنى جاقسى كورەتىن ادامدار ٴتىپتى تۇندە دە ىشە الادى. سونىمەن قاتار جۇكتى ايەلدەر قۇرامىندا كوفەين بار دەپ كوفەدەن باس تارتىپ جاتادى، بۇل سۋسىننىڭ قۇرامىندا كوفەين بولماعاندىقتان جۇكتى ايەلدەرگە دە ىشە بەرۋگە بولادى»، - دەيدى كاسىپكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي