BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيرۋستىق گەپاتيتتەر تۋرالى نە ٴبىلۋ قاجەت؟

فوتو: gepatit-stop.ru

ا ۆيرۋستىق گەپاتيتى - ٴقاۋىپسىز سۋدىڭ نەمەسە تاعامنىڭ بولماۋىمەن، ٴتيىستى سانيتاريانىڭ جوقتىعىمەن جانە ناشار جەكە باس گيگيەناسىمەن تىعىز بايلانىستى، سوندىقتان ونى لاس قولدىڭ اۋرۋى دەپ تە اتايدى، دەپ حابارلايدى baq.kz اقپارات اگەنتتىگى.

قوعامدىق دەنساۋلىق ساقتاۋ ۇلتتىق ورتالىعىنىڭ ٴباسپاسوز قىزمەتىنەن حابارلاعانداي، ۆ، س، د ۆيرۋستىق گەپاتيتتەرى جۇقتىرعان ادام اعزاسىنىڭ قانىمەن نەمەسە سۇيىقتىعىمەن بايلانىسى كەزىندە بەرىلەدى: بوسانۋ كەزىندە انادان بالاعا; ٴقاۋىپسىز ەمەس ينەكسيالار مەن قان قۇيۋ ارقىلى; قورعالماعان جىنىستىق قاتىناس كەزىندە، ينەكسيالارعا ارنالعان قۇرىلعىلاردى بىرلەسە پايدالانعان كەزدە ينەكسيالىق ەسىرتكىلەردى تۇتىنۋ ناتيجەسىندە بەرىلەدى.

ە ۆيرۋستىق گەپاتيتى اۋىز سۋىنىڭ لاستانۋى ناتيجەسىندە باستى تۇردە فەكالدى-ورالدى جولمەن بەرىلەدى. ە گەپاتيتىنىڭ قاتەر فاكتورلارى ناشار سانيتاريامەن بايلانىستى، ونىڭ ناتيجەسىندە جۇقتىرىلعان ادامنىڭ ناجىسىندەگى ۆيرۋس اۋىز سۋمەن قامتاماسىز ەتۋ كوزدەرىنە تۇسەدى.

ۇسىنىمدار:

- تازا سۋدى تۇتىنىڭىز;

- ٴقاۋىپسىز ازىق-تۇلىكتەردى پايدالانىڭىز;

- جەكە باس گيگيەناسىنىڭ ەرەجەلەرىن ساقتاڭىز;

- كوسمەتيكالىق ەم-شارالاردىارنايى مەكەمەلەردە جاساڭىز;

-كۇمان تۋعىزاتىن تاتۋ، پيرسينگ-سالونىنان، شاشتارازدان، سۇلۋلىق سالونىنان، باربەرشوپتان اۋلاق بولىڭىز;

- تەك سەنىمدى ماماندارعا عانا جۇگىنىڭىز جانە بارلىق قۇرال-سايماندار ٴسىزدىڭ قاتىسۋىڭىزبەن قاپتامادان الىنىپ جانە وڭدەلگەنىن تالاپ ەتىڭىز;

- ەسىرتكى قولدانباڭىز;

- ٴقاۋىپسىز جىنىستىق قاتىناستى تاجىريبەلەڭىز;

- ا جانە ۆ گەپاتيتىنە قارسى ۋاقتىلى ۆاكسينالاۋدان ٴوتىڭىز;

- باسقا ادامداردىڭ بيولوگيالىق سۇيىقتىقتارىمەن، ونىڭ ىشىندە قانىمەن جاناسۋدان اۋلاق بولىڭىز;

ەرتە كەزەڭىندە ۆيرۋستىق گەپاتيتتى دياگنوستيكالاۋ ۆيرۋستىڭ بەرىلۋىن جانە اسقىنۋدىڭ دامۋىن الدىن الاتىنىن اتاپ وتكەن ماڭىزدى.

جىل سايىن 28 شىلدەدە الەمنىڭ كوپتەگەن ەلدەرىندە، ونىڭ ىشىندە قازاقستاندا دا پروفيلاكتيكالىق ٴىس-شارالاردى جۇرگىزۋگە، بۇل: دياگنوستيكا، گەپاتيتكە قارسى ۆاكسينالاۋ جانە ت.ب. ٴار ەل ازاماتىنىڭ قىزىعۋشىلىعىن ارتتىرۋعا باعىتتالعان، بۇكىلالەمدىك گەپاتيتپەن كۇرەس كۇنى اتاپ وتىلەدى. 2018 جىلدىڭ ۇرانى: گەپاتيتتىڭ الدىن الىڭىز. كەشەۋىلدەمەي ارەكەت ەتىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي