ۇيىڭىزدە مىسىق اسىراۋدىڭ التى ارتىقشىلىعى

امەريكا عالىمدارى كوپ زەرتتەۋدەن كەيىن ٴاربىر ۇيدە مىسىق بولۋى ٴتيىس دەگەن قورىتىندىعا كەلگەن. مىسىقتىڭ پىرىلى جانۋارعا ٴتان جاي عانا دىبىس دەرسىز، ٴبىراق ونىڭ ٴتۇرلى دەرتكە ەم ەكەنىن بىرەۋ بىلسە، بىرەۋ بىلمەس. استە، بۇل پىرىل مىناداي اۋرۋلارعا شيپا كورىنەدى:

• سىنعان سۇيەكتەردىڭ ٴبىتىپ كەتۋىنە كومەكتەسەدى جانە سۇيەكتى قاتايتا تۇسەدى
• ادامنىڭ جۇيكە جۇيەسى مەن پسيحيكاسىن قالىپقا كەلتىرەدى
• سونداي-اق مىسىقتىڭ پىرىلداعان دىبىسى ميدىڭ جانە جۇرەك قاناينالىمىن جاقسارتىپ، يممۋنيتەتتى كوتەرەدى.
• گاستريت، اسقازانداعى تاستى جويىپ، وستەوحاندروز، تۇماۋ ۇيقىسىزدىق اۋرۋلارىنان ەمدەيدى
• ىشىمدىك پەن ناشاقورلىققا دەگەن تاۋەلدىلىكتى سەيىلتەدى
• مىسىقتىڭ تىرناقتارى ينە تەراپەياسىنىڭ ورنىنا جۇرەتىن كورىنەدى

ال يسلام تاريحىندا مىسىقتاردىڭ پىرىلداعانى اللاعا زىكىر ايتۋى دەگەن تۇسىنىك بار. ٴبىز قاتارىمەن ۇشقان قۇستار، تۇرعان تاۋ-تاستار قالاي بولعانى بىزدەرگە بەيمالىم زىكىرمەن حاققا قۇلشىلىق ەتەتىنىن بىلەمىز. وسىمدىكتەردىڭ عيباداتى قيام (تىك تۇرۋ) حالىندە، جانسىز دەپ سانالعاندار دا جەرگە جابىسقان تۇردە ياعني، ساجدە كۇيىندە حاق تاعالاعا ماداقتار ايتاتىنى بەلگىلى.

اللانىڭ ٴۇيى – مەشىتكە كىرۋگە رۇقسات ەتىلگەن جالعىز جانۋار ول – مىسىق. وسىدان اق بۇل ٴۇي جانۋارىنىڭ يسلامداعى ورنىن بىلە بەرۋگە بولادى. الەمگە نۇرىن توككەن، ادامزاتتىڭ اسىل ٴتاجى پايعامبارىمىز دا مىسىقتى ەرەكشە جاقسى كورگەن. اللا ەلشىسىنىڭ مۋ’يززا ەسىمدى اپپاق مىسىعى بولعان دەسەدى. ەكى دۇنيە ساردارىنىڭ ونى جاقسى كورگەنى سونشالىق، ورنىنان تۇراردا شاپانىنىڭ ەتەگىندە ۇيىقتاپ قالعان مىسىقتى وياتىپ الماۋ ٴۇشىن كيىمىن قيىپ تاستاعان. مىسىق ىشكەن سۋمەن دارەت تە العانىن مىنا حاديستەن اڭعارۋعا بولادى: اناس يبن ماليكتەن بىرەۋ مىسىق جايىندا سۇراعاندا، ول بىلاي دەگەن ەكەن: «بىردە اللا ەلشىسىمەن (ﷺ) بىرگە بۋحتاني جەرىنە جولعا شىقتىم. پايعامبارىمىز (ﷺ) ماعان دارەت الاتىن سۋ دايىنداۋىمدى تاپسىردى. الايدا ول كەلگەنىندە دارەت سۋى قۇيىلعان ىدىستان ٴبىر مىسىق سۋ ٴىشىپ جاتتى. ارداقتى ەلشى (ﷺ) بولسا، مىسىقتىڭ ٴشولى قانعانشا كۇتىپ تۇردى. سوندا مەن سۋدى جاڭارتايىن دەگەنىمدە، پايعامبارىمىز(ﷺ): « ەي اناس، مىسىق دەگەن تازا جانۋار جانە ەشقاشان ەشتەڭەنى كىر قىلمايدى»، - دەپ جاۋاپ بەردى». (ٴات-تاباراني ٴال-مۋدجام ٴاس-ساعير 1/379، ٴال-حايسامي «مادجما ٴاز-زاۆايد» 1/216.)

سونداي-اق ولارعا ز ۇلىمدىق جاساپ قويۋدان دا ساق بولۋ كەرەك. ٴبىر ايەلدىڭ مىسىقتى بىرنەشە كۇن اس-سۋسىز قالدىرىپ، اشتان ولتىرگەنىن، اقىر سوڭىندا تىرشىلىك يەسىنە قاتىگەزدىك تانىتقان ايەلدىڭ توزاققا تۇسكەنى جايىنداعى وقيعا كوپشىلىگىمىزگە تانىس. سوندىقتان دا اللا جاراتقان جاراتىلىس يەسىنە قاشان دا مەيىرىمدىك كورسەتكەن ابزال. پايعامبارىمىزدىڭ(ﷺ): «ەگەر سەندەردىڭ جانۋارلارعا جاساعان قياناتتارىڭ كەشىرىلسە، وندا كوپ كۇنادان ارىلاتىن ەدىڭدەر»، -دەگەن ٴحاديسى كوپ نارسەنى اڭعارتاتىنى ٴسوزسىز.

ihsan.kz

تەگي
• حاديس
• پايدالى كەڭەس
• مىسىق
• پايعامبار

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!