جاقىندا جاريالانعان زەرتتەۋ كورسەتكەندەي، يت ادامنىڭ ەڭ جاقىن دوسى عانا ەمەس، سونىمەن قاتار دارىگەرى، فيتنەس جاتتىقتىرۋشىسى ەكەن. ول ادامنىڭ دەنى ساۋ بولىپ، ۇزاق ٴومىر ٴسۇرۋى ٴۇشىن بارىن سالادى.
استانا: 
1817 
0
جاقىندا جاريالانعان زەرتتەۋ كورسەتكەندەي، يت ادامنىڭ ەڭ جاقىن دوسى عانا ەمەس، سونىمەن قاتار دارىگەرى، فيتنەس جاتتىقتىرۋشىسى ەكەن. ول ادامنىڭ دەنى ساۋ بولىپ، ۇزاق ٴومىر ٴسۇرۋى ٴۇشىن بارىن سالادى.
يت اسىرايتىن ۇيدە ۇلكەندەر دە، بالالار دا سترەسكە كوپ شالدىقپايدى. جانە بالالار دەمىكپەسىنىڭ الدىن الىپ، قان قىسىمىن قالىپتى جاعدايدا ۇستاپ تۇرادى. ٴيتىن قىدىرتۋ، ويناتۋ ارقىلى يەسى كوپ قوزعالىپ، دەنە جاتتىعۋلارىن جاسايدى.
ٴيتى بار ادام باسقالارعا قاراعاندا كۇنىنە 2760 قادام ارتىق جاساپ، قوسىمشا 23 مينۋت دەنە جاتتىعۋىن جاسايتىنى بەلگىلى بولدى. ٴتىپتى قىستا سۋىق كۇندە باسقالار جىلى ديۆاننان تۇرعىسى كەلمەي جاتقاندا، يت يەسى قوزعالىستا بولادى.
ناقتى مالىمەت الۋ ٴۇشىن تەكسەرۋدەن وتكەن ادامدار اياقتارىنا ٴبىر اپتا بويى قوزعالىس داتچيگىن تاعىپ جۇرگەن. ناتيجەسىندە ٴيتى جوقتار، ٴيتى بارلارعا قاراعاندا 30 مينۋت ارتىق وتىرعانى بەلگىلى بولدى.
ٴيتى بارلار دا، ٴيتى جوقتار دا قىستا جانە جاۋىندا از قوزعالعان، ٴبىراق ٴيتى بارلار اۋا رايىنا قاراماستان دالاعا شىعىپ تۇرعان.
ٴتىپتى وسىنداي كۇندەرى كەيبىر ٴيتى بار كىسىلەر ٴيتى جوقتاردىڭ كۇن اشىق كەزدەگى قوزعالىسىنان دا كوپ قوزعالعان.
بۇدان شىعاتىن قورىتىندى، ادامعا قارتايعان سايىن قوزعالىس ماڭىزدى بولا ٴتۇسىپ، يت وعان كوپ كومەگىن تيگىزەتىنىن تۇسىنەسىڭ. وزىڭنەن باسقا تاعى بىرەۋگە قامقورلىق جاساۋ كوبىرەك قوزعالۋعا سەبەپ بولادى دەيدى زەرتتەۋشىلەر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6556
0