BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇستەن كەيىنگى ۇيقى وتە پايدالى – دارىگەرلەر

فوتو: beritatrendz.com

امەريكان فيزيولوگتارى كۇندىزگى ۇيقى ادام اعزاسىنا پايدالى دەگەن قورىتىندىعا كەلدى، دەپ حابارلايدى baq.kz اقپارات اگەنتتىگى menslife.com-عا سىلتەمە جاساپ.

عالىمداردىڭ ايتۋىنشا، 30 مينۋتتىق ۇيقى كۇشتىڭ قايتا قالپىنا كەلۋىنە جانە مي جۇمىسى بيوىرعاعىنىڭ جاقسارۋىنا مۇمكىندىك بەرەدى. سونداي-اق، دارىگەرلەر ٴدال تۇستەن كەيىنگى ۇيقى پايدالى دەپ ەسەپتەيدى. ويتكەنى قىسقا دەمالىستان كەيىن جۇمىس ونىمدىرەك بولادى. ادام تەز كۇش جيناپ، جۇمىس كۇنىنىڭ سوڭىنا دەيىن سەرگەك جۇرەدى.

ايتا كەتەيىك، سينگاپۋر فيرمالارىنىڭ باسشىلارى قىزمەتكەرلەرىنە تۇستەن كەيىن وتىز مينۋت ۇيىقتاپ الۋعا مۇمكىندىك بەرەدى ەكەن. جانە ول تۇسكى ٴۇزىلىس دەپ ەسەپتەلەدى. بۇل جاعداي قىتايدا دا قالىپتاسقان. ميللياردتار ەلىندە تۇسكى ٴۇزىلىستىڭ ٴوزىن قىسقى جانە جازعى دەپ ٴبولىپ، كەمىندە 1 جارىم ساعات تۇستەنۋگە ۋاقىت بەرەتىن كورىنەدى. ال ونىڭ جارتى ساعاتى مىزعۋعا ارنالادى ەكەن. ٴتىپتى، وندا تۇسكى ۇيقى وقۋشىلار مەن ستۋدەنتتەرگە مىندەتتەلگەن. سونداي-اق، بۇل جاپونيا مەن اقش كومپانيالارى دا قىزمەتكەرلەرى ٴۇشىن تاجىريبەدەن وتكىزۋدە. ال يسپانيا مەن لاتىنامەريكالىق ەلدەردە «سيەستا» (تۇسكى ٴۇزىلىس) دەگەن تۇسىنىك بار. ياعني ولار كۇننىڭ ەڭ ىستىق ۋاقىتىندا جارتى كۇن دەمالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي