BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قالاي اۋىرماۋعا بولادى؟ تۇماۋعا قارسى 7 ٴتاسىل

ەلىمىزدە كوپ ۇزاماي كۇن سۋىتىپ، تۇماۋ ماۋسىمى باستالادى. ادام بالاسىنىڭ تۇماۋ جانە جرۆي-مەن كۇرەسۋىنە ٴومىرىنىڭ 6 جىلى كەتەدى ەكەن. تاماعى مەن باسى اۋىرىپ، جوتەل قىسىپ، توسەك تارتىپ جاتا بەرگەن، ارينە، كىم-كىمگە دە ۇنامايدى.

جىلدىڭ وسى مەزگىلىندە ادام ٴوزىنىڭ دەنساۋلىعىنا كوڭىل ٴبولىپ، كەيبىر ماسەلەلەردى ەسكەرگەنى ٴجون.

1. مىندەتتى تۇردە ۇيقىڭىز قانىق بولسىن

تاۋلىگەنە 7 ساعاتتان از ۇيىقتايتىن ادامدار تۇماۋمەن 3 ەسە ٴجيى اۋىرادى ەكەن. جۇمىس كۇندەرى ۇيقىڭىزدى قاندىرا الماساڭىز، دەمالىس كۇندەرى ۇيىقتاڭىز. جۇمىس كۇنى اياقتالعان سوڭ، دۇرىستاپ تىنىعۋعا تىرىسىڭىز. تەك ۇيقىڭىز تىنىش بولۋ ٴۇشىن ۇيىقتاتاتىن دارىلەردىڭ كومەگىنە جۇگىنبەڭىز. بۇل تابلەتكالار - يممۋنيتەتتىڭ جاۋى. ەسەسىنە ۇيىقتار الدىندا سەرۋەندەپ كەلىڭىز نەمەسە ورتوپەديالىق جاستىق ساتىپ الىڭىز.

2. ديەتا ۇستاماڭىز

قىستا ورگانيزم سۋىقتان قورعانۋ ٴۇشىن بەلگىلى مولشەردە ماي جينايدى. ەگەر ٴسىز سول مايلاردان ارىلساڭىز، ٴبىرىنشى كەزەكتە يممۋنيتەت زارداپ شەگەدى. ليمفوسيتتەردىڭ جانە ماكروفاگتاردىڭ قابىرعالارى - ٴبىزدىڭ قورعانىش جاسۋشالارىمىز - ليپيدتەردەن، ياعني مايدان تۇرعاندىقتان، مايسىز ديەتالار زيان.

ماۋسىمدىق تۇماۋ ەپيدەمياسى كەزىندە ازىق-تۇلىكتەردەگى كالوريا مولشەرىن ٴتىپتى ارتتىرىپ، دارۋمەن-مينەرالدى كەشەندەردى الۋ قاجەت. اسىرەسە سەلەن جانە مىرىش پايدالى. بۇل ميكروەلەمەنتتەر يممۋنيتەتتى نىعايتادى.

ەستە ساقتاۋ قاجەت: قىستا تاعام قۇرامىندا اقۋىز كوپ بولۋ كەرەك. ەگەر ارىقتاعىڭىز كەلسە، وندا ناۋرىز ايىنىڭ ورتاسىنان باستاپ ديەتا ۇستاعان ٴجون.

3. ٴبىراق تىم ارتىق سالماق تا قوسپاڭىز

مايدىڭ ارتىق مولشەردە بولۋى يممۋنيتتەتتى تومەندەتىپ جىبەرەدى. اقۋىزدىڭ كوپ مولشەردە بولۋى بۇيرەك پەن اسقازان-ىشەك جولدارىنا سالماق تۇسىرەدى. قانتتىڭ كوبەيۋى سەمىزدىككە اكەپ سوعادى. اسا سەمىزدىك پەن اسا ارىقتىق يممۋنيتەتكە وتە زيان.

4. كوڭىل-كۇيىڭىز ٴاردايىم كوتەرىڭكى بولسىن

ەگەر ٴسىز كۇيزەلىستە نەمەسە كوڭىل-كۇيىڭىز بولماي جۇرسە، سۋىق تيگىزىپ الۋ، تۇماۋ جۇقتىرۋ ىقتيمالدىعى جوعارى. سونىمەن قاتار ادام جۇمىسباستى بولىپ، كۇندىز-تۇنى جۇمىسقا بەرىلىپ كەتسە دە تۇماۋدى تەز جۇقتىرادى. سوندىقتان تىنىعىڭىز، بىر-ەكى كۇن وزىڭىزگە دەمالىس جاريالاڭىز.

5. بەلسەندى بولىڭىز

ماماندار جوعارى جۇكتەمەلەر كەزەڭىندە سپورتشىلار اراسىندا كەيبىر يممۋنوگلوبۋليندەردىڭ جوعالىپ كەتەتىنىن ايتادى. ورگانيزم ٴوزىنىڭ بار كۇش-قۋاتىن جەڭىسكە جەتۋ جولىنا ارنايدى، بۇل كەزدە ورگانيزم جۇقپالى اۋرۋلاردان قورعانۋدى توقتاتادى.

سونىڭ كەسىرىنەن سپورتشىلار ٴجيى اۋىرادى.

ەستە ساقتاڭىز: ماۋسىمدىق تۇماۋ كەزىندە اۋىر جاتتىعۋلار يممۋنيتەتتى تومەندەتەدى. قىس مەزگىلىندە ترەناجەرعا بارعاننان گورى يوگا، پيلاتەس، سپورتتىق بيلەرگە قاتىسقان ٴجون.

6. شىنىعىڭىز

سالقىن دۋش پەن اياقتى سالقىن نە ىستىق سۋمەن جۋۋ دا ٴوز پايداسىن تيگىزەدى. ٴبىراق دارىگەرلەر سالقىن سۋعا تۇسۋگە تىم اۋەستەنىپ كەتكەن دە دۇرىس ەمەس دەيدى. (مۇزداي سۋمەن قۇيىنۋ، قىستا وزەنگە شومىلۋ)

7. قولىڭىزدى سابىمەن جۋىڭىز

قولىڭىزدى ٴاردايىم سابىنمەن جۋۋعا مۇمكىندىك بولماسا زارارسىزداندىرعىش مايلىقپەن ٴسۇرتىڭىز. سالقىن تيگەننەن بولاتىن اۋرۋدىڭ 90 %-ى قول ارقىلى جۇعادى ەكەن. قول الىسىپ امانداسقاندا، ەسىك اشقاندا، قوعامدىق كولىكتە تۇتقالاردان ۇستانعان كەزدە.

قول ورامالىن تاستامايتىن ادام ۆيرۋستىڭ قالدىقتارىن جۇقتىرادى. ول سول قولىمەن ٴار نارسەنى ۇستاپ، ۆيرۋس جۇقتىرۋى مۇمكىن.

ەستە ساقتاڭىز: جۇمىس ۋاقىتى كەزىندە قولىن كەمىندە 5 رەت انتيباكتەريالىق گەلمەن سۇرتكەن ادام تۇماۋمەن دە از اۋىرادى جانە كوپ جوتەلمەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي