لوندونداعى كورولدىك كوللەدجىنىڭ ستۋدەنتتەرىنەن جاساقتالعان كوماندا ٴتىس اۋرۋىن ەمدەيتىن جاڭا ٴادىس ويلاپ تاپتى. ەندى ٴتىستىڭ زاقىمدانعان بولىكتەرىنە بىتەمە (پلومبا) سالۋدىڭ قاجەتى جوق.
6556
0 
استانا: 
6220 
1
لوندونداعى كورولدىك كوللەدجىنىڭ ستۋدەنتتەرىنەن جاساقتالعان كوماندا ٴتىس اۋرۋىن ەمدەيتىن جاڭا ٴادىس ويلاپ تاپتى. ەندى ٴتىستىڭ زاقىمدانعان بولىكتەرىنە بىتەمە (پلومبا) سالۋدىڭ قاجەتى جوق.
السگەيمەر اۋرۋىنا شالدىققان جاندارعا كومەكتەسەتىن «tideglusib» (تيدەگلۋشيب) اتتى حيميالىق ٴدارى ٴتىستىڭ قۇرتتاعان نەمەسە زاقىمدانعان جەرلەرىن قالپىنا كەلتىرىپ، تابيعي قالپىن ساقتاپ قالۋعا كومەكتەسەدى. عالىمداردىڭ زەرتتەۋى بويىنشا ٴتىستىڭ رەگەنەراسيالانۋعا مۇمكىندىگى از.
سونىمەن قاتار، اق مارجانداي ٴتىستىڭ ماڭايىنداعى ەتتەرى وتا جاساۋ كەزىندە زاقىمدانسا، ونىڭ جازىلۋى دا ۇزاققا سوزىلادى. ال، بۇعان دەيىنگى مامانداردىڭ جاساعان تاجىريبەلەرىنە ۇڭىلسەك، ٴوزىمىز-اق ۇيدە مۇنداي اۋرۋدىڭ الدىن الۋعا بولاتىنىنا كوز جەتكىزەسىز.
ٴتىستىڭ اۋىرعانىن باسىپ، ونىڭ تابيعي ٴتۇرىن ساقتاپ قالۋ ٴۇشىن مىنا ارەكەتتەردى جاساپ كورىڭىز.
ەگەر ٴتىسىڭىز شىداتپاي اۋىرىپ جاتسا، كارتوپتىڭ ٴبىر ٴتىلىمىن الىپ، الگى زاقىمدانعان جەرگە باسقىڭىز. كوكونىستىڭ قۇرامىنداعى ەلەمەنتتەر اۋرۋىڭىزدى تەز ٴارى وڭاي باسادى.
سارىمساقتىڭ دا ٴتۇرلى اۋرۋ مەن باكتەرياعا قارسى تۇراتىن كۇشى بار. ٴبىر ٴتۇپ سارىمساقتى تۇزبەن ارالاستىرىپ تىسىڭىزگە باسساڭىز، ٴاپ ساتتە اۋرۋدىڭ باسىلا باستاعانىن بايقايسىز.
سونىمەن قاتار كەيبىر ادامدار اۋرۋدان وڭاي قۇتىلۋ ٴۇشىن تىسىنە مۇز باسىپ جاتادى. ونى پايدالانۋدىڭ دا وزىندىك ٴادىسى بار. مىسالى، مۇزدى پوليەتيلەندى پاكەتكە سالىپ، ودان كەيىن شۇبەرەككە وراپ اۋىرعان ٴتىسىڭىزدىڭ ماڭايىنا باسساڭىز بولادى. ول تەك اۋىرعاندى باسىپ، جۇيكەسىن تىنىشتاندىرعانى بولماسا، ەمدەمەيدى.
كىشكەنە اۋرۋدى اسقىندىرىپ الۋىڭىز دا عاجاپ ەمەس. ال، كوپتەگەن تاجىريبيە مەن كەڭەستى نازاردا ۇستاعان ماماندار بۇگىنگى جاڭا ٴدارىنىڭ پايداسى وراسان زور ەكەنىن ايتىپ كۇللى الەمگە جار سالۋدا. الايدا، مۇنىڭ قانشالىقتى پايداسى مەن زيانى بار ەكەنى قولدانىسقا تۇسكەننەن كەيىن عانا بەلگىلى بولماق.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
