BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەمەكىنى تاستاۋدىڭ ٴتيىمدى جولى تابىلدى

فوتو: REUTERS

اقش-تاعى پەنسيلۆانيا ۋنيۆەرسيتەتىندە سكوتت حالپەرن (scott halpern) جەتەكشىلىك ەتەتىن عالىمدار توبى شىلىم شەگۋدەن باس تارتۋعا ەلەكتروندىق تەمەكىلەر كومەكتەسپەيتىنىن انىقتادى. زيان ادەتتەن باس تارتۋدىڭ ٴتيىمدى جولى – اقشا ۇسىنۋ بولىپ شىقتى. مامانداردىڭ وسى ماسەلەنى زەرتتەگەن ماقالاسى new england journal of medicine جۋرنالىندا جاريالاندى، دەپ حابارلايدى ۆaq.kz اقپارات اگەنتتىگى.

cbs news باسىلىمى تاراتقان اقپاراتقا سۇيەنسەك، زەرتتەۋگە تەمەكى شەگەتىن التى مىڭعا جۋىق ادام قاتىستى. ولار دەنساۋلىعىن ساۋىقتىرۋ باعدارلاماسى اياسىندا بىرنەشە توپقا ٴبولىندى جانە ٴار توپقا تەمەكىدەن باس تارتۋ ٴادىسى تاعايىندالىپ، باقىلاۋعا الىندى.

ٴبىرىنشى توپقا سالاۋاتتى ٴومىر سالتىن ۇستانۋدىڭ پايداسى تۋرالى موتيۆاسيالىق اقپاراتتار ايتىلدى; ەكىنشىسىنە نيكوتين پلاستىرلار مەن فارماسەۆتيكالىق پرەپاراتتار، مىسالعا ۆارەنيكلين بەرىلدى; ٴۇشىنشى توپتاعىلارعا ەلەكتروندى تەمەكى ۇسىنىلدى. سوڭعى ەكى توپقا قوسىمشا 600 دوللار بەرىپ وتىردى. ەگەر التى اي بويى تەمەكىدەن ارىلماسا، وندا اقشادان ايىرىلىپ قالاسىڭ دەگەن شارت قويىلدى.

سوندا جاي كومەك ۇسىنىلعان توپتىڭ تەك 0،1 پروسەنتى عانا تەمەكىنى تاستاعان. ال باسقا توپتاردا 0،5 جانە 3 پروسەنت ارالىعىندا بولادى. ەڭ جاقسى كورسەتكىش اقشا الىپ وتىرعان قاتىسۋشىلارعا تيەسىلى. ايتا كەتەرلىگى، بۇل شىعىندى ٴوز قىزمەتكەرلەرىنىڭ تەمەكى تاستاعانىن قولدايتىن ٴىرى كومپانيالار وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي