BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۋ تاسقىنى بولعان كەزدە قالاي ارەكەت ەتۋ كەرەك

قازاقستان رەسپۋبليكاسى ٴىىم توتەنشە جاعدايلار كوميتەتى سۋ تاسقىنى ورىن العان كەزدە قانداي ارەكەت جاساۋ كەرەك ەكەنىن ۇسىنادى، دەپ حابارلايدى baq.kz اقپارات اگەنتتىگى كوميتەتتىڭ ٴباسپاسوز قىزمەتىنە سىلتەمە جاساپ.

سۋ تاسقىنى دەپ – قاردىڭ ەرۋىنەن، تولاسسىز جاڭبىر سالدارىنان، ەسكەك جەل سوعىپ، وزەن سۋىنىڭ كوتەرىلىپ، ارناسىنان اسۋى نەمەسە سەل ٴجۇرۋ كەزىندە كەيبىر ەلدى مەكەندەردى سۋ باسۋدى ايتادى.

سۋ تاسقىنىنىڭ كەلتىرەر زارداپتارىنىڭ قاتارىنا، ۇيلەر مەن عيماراتتاردىڭ، كوپىرلەردىڭ قيراۋىن، تەمىر جولدار مەن اۆتاكولىك جولدارىن سۋ شايىپ، ينجەنەرلىك جەلىلەردەگى اپات، تۇرعىندار اراسىنداعى زارداپ شەگۋشىلەر مەن جان-جانۋاردىڭ قىرىلۋى سىندى فاكتورلاردى جاتقىزۋعا بولادى.

"ۇيلەر مەن جەر وپىرىلىپ، بارلىعى قوزعالىپ قيراپ جاتقان بولسا، سۋ تاسقىنىنىڭ بەلگىسى دەپ بىلسەڭىز بولادى. سۋ تاسقىنى كەزىندە جۇمىس ورىندارى مەن پاتەرلەردە راديو جەلىسى تاۋلىك بويى جۇمىس اتقارىپ تۇرۋعا ٴتيىستى، سەبەبى، تۇرعىندار الدىن الا حاباردار بولۋى كەرەك. ەسكەرتۋ سيگنالدارىمەن تانىسىڭىز، كوشىرۋدىڭ ەرەجەلەرى مەن شارالارىمەن تانىسىڭىز دا سوعان الدىن الا دايىن بولىڭىز" - دەپ ەسكەرتەدى ٴباسپاسوز قىزمەتى.

سۋ تاسقىنى ٴقاۋپى بولعان كەزدەگى ارەكەتتەر:

توتەنشە جاعدايلار مەن ىس-ارەكەت جونىندەگى نۇسقاۋلىقتار مەن اقپاراتتاردى مۇقيات تىڭداڭىز، تەلەفون جەلىسىن قاجەتىنسىز قولدانباڭىز، سىزبەن بايلانىسار كەزىندە جەلى بوس بولۋى كەرەك.

سابىرلىق ساقتاپ، كورشىلەرگە ەسكەرتىڭىز، مۇگەدەكتەرگە، بالالارعا جانە دە ەگدە جاستاعى ادامدارعا كومەك كورسەتىڭىز. جەرگىلىكتى بيلىك ورىندارىنان ەۆاكۋاسيا ٴۇشىن تۇرعىنداردى جيناۋ ورنىن انىقتاپ، سوعان دايىندالىڭىز.

قۇجاتتارىڭىزدى، كيىم، قاجەت زاتتارىڭىزدى، بىرنەشە كۇنگە ارنالعان تاماقتار مەن دارى-دارمەكتەردى دايىنداڭىز. بارلىعىن ٴبىر شابادانعا جيناڭىز. قۇجاتتاردى سۋ وتكىزبەيتىن پاكەتتەردە ساقتاڭىز.

ەلەكترلىك توقتاردى توق كوزىنەن اجىراتىپ، گازدى ٴسوندىرىڭىز.

باعالى زاتتارىڭىز بەن ازىق-تۇلىك ونىمدەرىن ۇستىڭگى قاباتتارعا نەمەسە جوعارى بولىككە كوتەرىپ قويىڭىز.

شاماڭىز كەلسە سۋ باسقان ايماقتان كەتىپ قالىڭىز.

ەسىك تەرەزەنى جابىڭىز، ۋاقىتىڭىز بولسا، ٴبىرىنشى قاباتتاعى ەسىك تەرەزەلەردى تاقتايمەن بىتەپ كەتۋگە تىرىسىڭىز.

جوعارعى قاباتقا كوتەرىلىڭىز. ەگەر ٴبىر قابات ٴۇي بولسا، توبەسىنە شىعىپ الىڭىز.

كومەك كەلگەنشە جوعارعى قاباتتا، ٴۇيدىڭ توبەسىندە نەمەسە اعاش باسىندا بولىڭىز، قۇتقارۋشىلارعا بەلگى بەرىڭىز، ٴسىزدى تەزىرەك تاۋىپ الۋىنا مۇمكىندىك جاساڭىز.

اينالاڭىزدا زارداپ شەگۋشىلەر جوعىنا كوز جەتكىزىڭىز، بولعان جاعدايدا شاماڭىز كەلگەنشە كومەك قولىن سوزۋعا تىرىسىڭىز. سۋدىڭ بەتىندەگى ادامدارعا قۇرعاق، جىلى كيىم كيگىزىپ، تىنىشتاندىراتىن ٴدارى بەرۋ ارقىلى العاشقى كومەك كورسەتۋ كەرەك. سۋدىڭ استىنان شىققان ادامدارعا جاساندى تىنىس الۋ جاساۋ قاجەت. سۋدىڭ استىندا قالىپ قويعان جاعدايدا ۇستىڭىزدەگى اۋىر كيىمدەر مەن اياق كيىمدى شەشىپ، جاقىن ماڭنان كومەك كەلگەنشە پايدالانا تۇراتىن زات تاۋىپ الىڭىز. قۇتقارۋ قۇرالدارىن تولتىرماڭىز (كاتەرلەر، قايىقتار، قۇدىقتار)

ەگەر ٴسىز كولىكتە بولساڭىز:

سۋ باسقان جولدارمەن جۇرمەڭىز اعىس الىپ كەتۋى مۇمكىن.

سۋ باسقان ايماققا تاپ بولساڭىز، ال كولىگىڭىز ىستەن شىقسا، دەرەۋ كومەك شاقىرىپ، كولىكتەن شىعىپ كەتىڭىز.

اۋماقتى سۋ باسۋ ٴقاۋپىن بايقاعان كەزدە تج قىزمەتىنىڭ 112 نومىرىنە حابارلاۋ قاجەت.

ەسىڭىزدە بولسىن، قاۋىپسىزدىك ەرەجەلەرىن ساقتاۋ ارقىلى ٴوزىڭىز بەن جاقىندارىڭىزدىڭ ٴومىرىن اراشالاپ قالۋ مۇمكىندىگىڭىز بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي