سارى مايدىڭ پايداسى مەن زيانى

قازىرگى تاڭدا سارىماي توڭىرەگىندە پىكىرتالاس كوپ. بىرەۋلەر ونى دەنساۋلىققا ٴقاۋىپتى تاعام دەسە، ەندى ٴبىرى سارىمايدى تاماق راسيونىنان مۇلدەم الىپ تاستاۋدىڭ ودان دا ٴقاۋىپتى ەكەندىگىن العا تارتادى.

قۇرامى

سارىماي مينەرالدى زاتتارعا باي تاعام. ونىڭ قۇرامىندا كاليي، فوسفور، كالسيي، ناتريي، سەلەن، ماگنيي، تەمىر، مىرىش، مىس جانە مارگانەس بار. وعان قوسا، كەيبىر تۇرلەرىنىڭ قۇرامىندا ا، ە جانە ك دارۋمەندەرىمەن قاتار، رر، ۆ1، ۆ2، ۆ5 جانە d دارۋمەندەرىن دە كەزدەستىرۋگە بولادى.

دەي تۇرا، سارىمايدىڭ قۇرامىنداعى ماي ۇلەسى ادام اعزاسىنا قاجەتتى شامادان 2،5 ەسە كوپ ەكەندىگىن ەسكەرۋ كەرەك. وسى جاعداي حولەستەرينگە دە قاتىستى.

زيانى:

- سارىماي دەنە سالماعى ارتىق ادامعا، البەتتە زيانىن تيگىزەتىن تاعام;

- ٴسۇت ونىمدەرىنە، سونىڭ ىشىندە سيىر سۇتىنە اللەرگياسى بار جاندارعا سارىمايدى تۇتىنباعان ابزال;

- سارىمايدان اۋلاق بولۋدىڭ تاعى ٴبىر سەبەبى - ونىڭ قۇرامىنداعى حولەستەرين مولشەرىنىڭ تىم جوعارۋ بولۋى;

پايداسى:

ايەل اعزاسىندا حولەستەرين جەتىسپەگەن كەزدە، بۇل ونى بەدەۋلىككە الىپ كەلەدى. وعان قوسا، مايدى از تۇتىنۋ - مەنوپاۋزا ۋاقىتىن جاقىنداتا تۇسەدى.

ٴوزىنىڭ تاماق راسيونىنا قاجەتتى مولشەردە سارىماي قوسقان ادامنىڭ اسقازانىنداعى كىشكەنتاي جارالار جازىلا باستايدى. سوندىقتان، اسقازانى اۋىراتىن ادامدارعا سارىمايدان باس تارتپاعان ٴجون.

كۇنىنە جەلىنگەن 50 گرامم ماي كوز بەن سۇيەك ساۋلىعىنا كەپىل بولا الادى. سارىماي ادامنىڭ يممۋنيتەتىن كۇشەيتىپ، بەلسەندىلىگىن ارتتىرا تۇسەدى.

اعزاعا قاجەتتى مولشەرى

سارىمايدىڭ زيانى مەن پايداسىن ٴبىر تارازى باسىنا قويساق، پايداسى باسىمدىراق ەكەندىگىنە كوز جەتكىزۋگە بولادى. سارىمايدان مۇلدەم باس تارتۋ، دەنساۋلىققا ايتارلىقتاي زيانىن تيگىزەدى. ٴبىراق، ەگەر ٴسىز كۇندەلىكتى تاماق راسيونىنا 30 گرامم سارىماي قوساتىن بولساڭىز، بۇل ٴسىزدىڭ سىمباتىڭىزعا ەش ٴقاۋىپ توندىرمەي، اعزاڭىزدىڭ ساۋ بولۋىنا كومەكتەسەدى.

arular.kz

تەگي
• سارى ماي، پايداسى، زيانى، راسيون، تاماق

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!