BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سالماق تاستاۋدىڭ وڭاي جولى انىقتالدى

فوتو: livetradingnews.com

اقش-تىڭ مايو كلينيكاسىنىڭ عالىمدارى كۇندە 6 ساعات بويى قوزعالىستا جۇرەتىن ادامداردىڭ از قوزعالاتىندارعا قاراعاندا ارتىق سالماقتان تەز ارىلاتىنىن انىقتادى، دەپ حابارلايدى baq.kz اقپارات اگەنتتىگى lenta.ru-عا سىلتەمە جاساپ.

ماماندار 1184 ادام قاتىسقان 46 تاجىريبەنىڭ ناتيجەلەرىن تالدادى. تاجىريبەگە قاتىسقانداردىڭ ورتاشا جاسى – 33، ال سالماعى – 65 كگ بولعان.

تاجىريبە بارىسىندا ادام اياقتا تۇرعاندا مينۋتىنا 0،15 كيلوكالورياسىنان ارىلاتىنى انىقتالعان. سايكەسىنشە، التى ساعاتتا 54 كيلوكالوريا جوعالادى. زەرتتەۋشىلەردىڭ ايتۋىنشا، ياعني ٴتورت جىلدا ادام ون كەلى سالماقتان ارىلا الادى.

از قوزعالۋ سەمىرۋدىڭ جانە قوسالقى اۋرۋلاردىڭ دامۋىنىڭ نەگىزگى فاكتورلارىنىڭ ٴبىرى، ياعني مۇنداي جاعداي كوبىنەسە ديابەت، جۇرەك-قان تامىرلارى جۇيەسىنىڭ بۇزىلۋىنا اكەلىپ سوقتىرۋى مۇمكىن. باتىس ەلدەرىندە ادامدار كۇنىنە 7-12 ساعاتىن كوپ جاعدايدا وتىرىپ وتكىزەدى.

دەگەنمەن، ديەتا فيزيكالىق جاتتىعۋلارمەن سالىستىرعاندا سالماقتى تاستاۋعا كوبىرەك كومەكتەسەدى. بۇل تۋرالى تەحاس ۋنيۆەرسيتەتىنىڭ سپورتتىق مەديسينا سالاسىنىڭ پروفەسسورى فيليپپ ستەنفورت science alert باسىلىمىنا بەرگەن سۇحباتىندا ايتقان. عالىمنىڭ پىكىرىنشە، فيزيكالىق جاتتىعۋلار از عانا سالماق تاستاۋ ٴۇشىن كوپ ۋاقىت پەن كۇشتى قاجەت ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي