BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رادون كوزدەرىنىڭ پايداسى مەن زيانى تۋرالى

فوتو: ашық дереккөзден

ٴقازىر جازعى دەمالىس ۋاقىتى. كوپتەگەن وتانداستارامىز شيپاجايلاردا دەمالىپ، رادون كوزدەرىن پايدالانىپ، رادون سۋىن تۇتىنادى. وسى رەتتە، قر دسم قوعامدىق دەنساۋلىق ساقتاۋ ۇلتتىق ورتالىعى «سانيتاريالىق-ەپيدەميولوگيالىق ساراپتاما جانە مونيتورينگى عىلىمي-پراكتيكالىق ورتالىعى» فيليالىنىڭ رادياسيالىق زەرتتەۋ زەرتحاناسىنىڭ مەڭگەرۋشىسى مۋحاببات بۋرحانوۆا رادون كوزدەرىنىڭ پايداسى مەن زيانى تۋرالى كەڭەس بەرەدى، دەپ حابارلايدى baq.kz اقپارات اگەنتتىگى.

رادون – جارتىلاي بۇزىلعان راديواكتيۆتى حيميالىق ەلەمەنتتەر ٴونىمى، الفا ساۋلەسى بولىپ تابىلاتىن اۋىر جانە راديواكتيۆتى گاز.

رادون تەراپياسى – ٴداستۇرلى سۋمەن ەمدەۋ مەديسينالىق ٴتاسىلى، ونىڭ نەگىزىندە تەرى جانە وكپە ارقىلى ورگانيزمگە رادوننىڭ ٴوتۋى جاتىر.

رادون تەراپياسى نەگىزىنەن ۆاننا، ينگالياسيا ٴتاسىلى، وروشەنيە جانە اپپليكاتور تۇرىندە ۇسىنىلادى. سوڭعى جىلدارى ىشۋگە ارنالعان ەم رەتىندە تابيعي رادون سۋلارى قولدانىلۋدا. الايدا، بۇل جەردە سۋداعى رۇقسات ەتىلگەن پايدالى رادون كونسەنتراتىنىڭ ساقتالۋى ەرەكشە ماڭىزدى، ول كوپ بولعان كەزدە رادون ورگانيزمگە تەرىس اسەر ەتۋى مۇمكىن.

كەيبىر جاعدايلاردا ىستىق كوزدەر پاسيەنت اۋىرۋىنىڭ جاعدايىن اۋىرلاتىپ جىبەرۋى مۇمكىن. بۇل دياگنوزعا بايلانىستى. سوندىقتان تەرمالدىق سۋلاردى قابىلداۋدا كەيبىر قارسى كورسەتكىشتەر بار.

ولارعا ٴى جانە ٴىى دارەجەدەگى گيپەرتونيا، جۇرەكتىڭ كەمىستىگى، كوپ قان كەتۋدەن كەيىنگى جاعدايلار، تامىردىڭ سوزىلۋى، بۇيرەك اۋرۋلارى، قانت ديابەتى، تەرىنىڭ گريبوك اۋرۋلارى، ەپيلەپسيا، تۋبەركۋلەز جاتادى. اۋرۋدىڭ بارلىق فورمالارىنىڭ اسقىنۋى كەزىندە، سونداي-اق ونكولوگيا جانە قاتەرسىز ىسىكتەردىڭ جاڭادان پايدا بولۋىنىڭ بارلىق فورمالارى كەزىندە رادون ۆانناسىن قابىلداۋعا قاتاڭ تىيىم سالىنادى، سەبەبى رادون ولاردىڭ ٴوسۋ پروسەسىن تەزدەتۋى مۇمكىن، ٴارتۇرلى اللەرگيالىق اۋىرۋلار جانە رادون سۋىنىڭ جەكە ادامدارعا جاقپاۋى.

قۇرامىندا بەلگىسىز كونسەنتراتتاعى رادونى بار سۋلاردى ىشۋگە جول بەرىلمەيدى!

قانداي جاعدايدا دا رادون ۆانناسىن قابىلداۋعا، سونداي-اق ىشۋگە شەشىم قابىلدار الدىندا ماماننان كەڭەس الۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي