BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴورت شىققان جاعدايدا نە ىستەۋ كەرەك؟

پاتەردە، تۇرعىن ۇيلەردە ٴورت شىققان كەزدە قاۋىپسىزدىك ارەكەتىن جاساۋ مىندەت. ەگەر ساقتانباساڭىز، سوڭى ورنى تولماس قايعىعا سوقتىراتىنى ٴسوزسىز. وسى ورايدا الماتى وبلىسىنىڭ تجد اعا ينجەنەرى ازاماتتىق قورعاۋ اعا لەيتەنانتى ا.ساۋىربەكوۆا ٴورت شىققان جاعدايدا قانداي ارەكەتتەر جاساۋ كەرەكتىگىن ايتىپ بەردى، دەپ حابارلايدى baq.kz اقپارات اگەنتتىگى.

الماتى وبلىسى اۋماعىندا 2017 جىلدىڭ 9 ايىندا تۇرعىندار سەكتورىندا 935 ٴورت فاكتىسى تىركەلىپ، ناتيجەسىندە 88 ملن. 266 مىڭ تەڭگە ماتەريالدىق شىعىن كەلگەن. سالدارىنان 15 ادام قازا تاۋىپ، 25 ادامدى كۇيىك شالعان.

بۇل كورسەتكىش بىلتىرعى جىلمەن سالىستىرعاندا ٴورت سانىنىڭ 22%-عا ٴوسىپ، ماتەريالدىق شىعىننىڭ دا 51%-عا كوبەيگەنىن كورسەتەدى. ورتتەن بولعان ٴولىم 3 ەسە كوبەيسە، ادامداردى كۇيىك شالۋى دا 36 %-عا ارتقان.

«ٴورت ازاماتتاردىڭ قاراپايىم ورتكە قارسى ەرەجەلەردى ساقتاماۋىنان بولادى. ونىڭ نەگىزگى سەبەپتەرى: وتتى ابايسىز جانە ۇقىپسىز قولدانۋ، پەشتەگى اقاۋ، ۇتىك، تەلەديداردىڭ قاراۋسىز كۇيدە ەلەكتر جەلىسىنە قوسۋلى قالۋى، توسەك-ورىندا ماس بولىپ شىلىم شەگۋ جانە بالالار شالاعايلىعى بولىپ سانالادى. ەگەر ٴورت شىقسا نە ىستەۋ كەرەك؟ ەڭ باستىسى – ۇرەي تۋدىرماۋ قاجەت. ەگەر سابىرمەن جانە اقىلمەن ارەكەت ەتسەڭ قاۋىپ-قاتەردىڭ الدىن الۋ وڭايىراق بولادى. ۇرەي – ول ٴارقاشان تىعىرىقتان شىعۋدىڭ جولىن بوگەيدى. ٴورت بولعان جاعدايدا دەرەۋ ٴورت قىزمەتىنە «101/112» حابارلاڭىز. ٴورت سوندىرۋشىلەردى شاقىرعاندا، ٴورت شىققان مەكەن-جايىن، كوشە، ٴۇي ٴنومىرىن، قاي قاباتتا بولعانىن ناقتى حابارلاۋ كەرەك. پاتەر، شاتىر استى، جەر تولەسى، ٴدالىز، قويما، فەرما نەمەسە باسقا جەر جانعانىن ۇعىمدى ٴتۇسىندىرۋ قاجەت. ٴوز تەلەفون ٴنومىرىڭىزدى ايتىپ، كىم قوڭىراۋ شالعانىن ايتىڭىز. ەگەر ٴسىزدىڭ ۇيدە تەلەفون بولماسا جانە ٴسىز ۇيدەن نەمەسە پاتەردەن شىعا الماساڭىز، تەرەزەنى اشىپ «ٴورت» دەپ ايقاي سالىپ، ٴوتىپ بارا جاتقان ادامداردىڭ نازارىن اۋدارۋعا تىرىسىڭىز. ەگەر جانۋ وشاعى ۇلكەن بولماسا، انىق جانە سەنىمدى ارەكەتپەن ٴورتتى سوندىرۋگە بولادى. ەستە ساقتاڭىز: ۇيدەن ٴورتتى سوندىرۋگە مۇمكىندىك بەرەتىن قۇرالدار تابۋعا بولادى، ول - كورپە، قالىڭ ماتا، شەلەك جانە باسقا سۋعا ارنالعان سىيىمدى ىدىستار»، - دەيدى مامان.

وسى ورايدا قۇتقارۋ قىزمەتىنىڭ مامانى ٴورت كەزىندە قانداي جاعدايدا سۋ شاشۋعا بولمايتىنىن دا ٴتۇسىندىرىپ ايتتى.

«ٴورت كەزىندە تەرەزەنى جانە ەسىكتەردى اشۋعا بولمايدى، سەبەبى تازا اۋا ٴورتتى ودان سايىن ورشىتە تۇسەدى. ٴورت پايدا بولعان بولمەدە وتپە جەل جانە اۋانىڭ ەنۋىنە نەعۇرلىم جول بەرمەۋ كەرەك، ويتكەنى ٴورت قاتتى تاراۋى مۇمكىن. ەلەكتر جەلىسىنە قوسىلعان ەلەكتر قۇرالدارىن سۋمەن سوندىرۋگە بولمايدى. الدىمەن جانىپ جاتقان ەلەكتر قۇرالىن ەلەكتر جەلىسىنەن اجىراتىپ، سودان كەيىن عانا سۋ شاشۋعا بولادى. ەگەر تەلەديدار جانىپ جاتسا، سۋدى ونىڭ ارتقى جاعىنا شاشۋ كەرەك، ايتپەسە قىزىپ تۇرعان كينەسكوپ جارىلىپ، ٴوزىڭىزدى جاراقاتتاۋى مۇمكىن. جاقىن ماڭنان سۋ تاپپاساڭىز، جانىپ جاتقان نارسەنى كالىڭ كورپەمەن جاۋىپ نەمەسە قۇم توپىراق سەۋىپ، وشىرۋگە بولادى. ەگەر ٴسىز ٴوز كۇشىڭىزبەن ٴورتتى جەڭە الماساڭىز، سىرتقا شىققانىڭىز ٴجون. سونداي-اق، ورتەنۋ ايماعىنان بالالاردى، قارتتاردى جانە اۋرۋ ادامداردى تەز شىعارۋدى باستاڭىز»، - دەدى ا.ساۋىربەكوۆا.

سونىمەن قاتار، تجد اعا ينجەنەرى گازدىڭ ٴيىسى شىققان جاعدايدا قانداي ارەكەتتەر جاساۋ كەرەك ەكەنىنە توقتالدى.

«ٴۇي-جايدا گازدىڭ ٴيىسى قاتتى شىعىپ تۇرعانى ٴقاۋىپتى جاعداي بولىپ سانالادى. جانىپ جاتقان ۇيدە گاز جەلىسى بولسا، تەزىرەك گاز شۇمەگىن جاۋىپ، «104» اۆاريالىق گاز قىزمەتىن شاقىرۋ كەرەك. گاز ٴيىسى پايدا بولعاندا بولمەنىڭ اۋاسىن تازارتىپ، اۋا تەمپەراتۋراسىن كوتەرەتىن نەمەسە وت ۇشقىنداتاتىن قيمىل-ارەكەتتەردەن اباي بولىڭىز. تۇرعىن سەكتورىندا ٴورت قاۋىپسىزدىك ەرەجەلەرىن ساقتالماۋى، جالعىز ٴسىزدىڭ عانا ٴومىرىڭىزدى ەمەس، جاقىندارىڭىزدىڭ جانە كورشىلەرىڭىزدىڭ ٴومىرىن قاۋىپكە توندىرەدى. ٴورت قاۋىپسىزدىك ەرەجەلەرىن ەسكەرمەۋ جانە وزگەنىڭ بەيقامدىعى ٴۇشىن ٴومىرىن قيعان ادامدارعا ايانىشپەن قاراۋعا بولادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي