BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴومىردى ۇزارتۋدىڭ تاعى ٴبىر جولى تابىلدى

فوتو: Reuters

اۆسترالياداعى سيدنەي ۋنيۆەرسيتەتىنىڭ عالىمدارى باياۋ جۇرگەنگە قاراعاندا، تەز ٴجۇرۋ ادام ٴومىرىن ۇزارتادى دەگەن قورىتىندى جاسادى. مامانداردىڭ بۇل تۋرالى زەرتتەۋ ماقالاسى british journal of sports medicine جۋرنالىندا جاريالاندى، دەپ حابارلايدى ۆaq.kz اقپارات اگەنتتىگى lenta.ru باسىلىمىنا سىلتەمە جاساپ.

عالىمدار انگليا مەن شوتلانديانىڭ 50 225 تۇرعىنىنا 1994-2008 جىلدار ارالىعىندا جۇرگىزىلگەن تەكسەرۋدەن كەيىنگى دەرەكتەرگە ساراپتاما جاسادى. قاتىسۋشىلار جۇرگەن كەزدە قانداي جىلدامدىقپەن – باياۋ ورتاشا نەمەسە تەز ٴجۇرۋ ۇنايتىنىن ايتتى. سونىمەن قاتار، ماماندار ولاردىڭ جاسى، جىنىسى، فيزيكالىق بەلسەندىلىگى جانە دەنە سالماعىن ەسكەردى.

سوندا ورتاشا جىلدامدىقپەن ٴجۇرۋ، باياۋ جۇرۋمەن سالىستىرعاندا الدىن الا ٴولىمدى 20 پروسەنتكە تومەندەتتى. ال تەز جۇرگەندەردە 24 پروسەنت ازايعان. سونداي-اق، ورتاشا جانە جىلدام جۇرگەندەردىڭ جۇرەك-قان تامىر اۋرۋلارىنان قايتىس بولۋى 24 جانە 21 پروسەنت تومەندەدى.

سەرۋەندەۋ 60 جاستان اسقان ەگدە جاستاعى ادامدارعا وتە ٴتيىم بولىپ شىقتى. ورتاشا جىلدامدىقپەن ٴجۇرۋ جۇرەك-قان تامىر اۋرۋلارىنان قايتىس بولۋدى 46 پروسەنتكە، ال تەز ٴجۇرۋ 53 پروسەنتكە قىسقارتقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي