BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرلان ەرمەكبايەۆ ٴدىني راسىمدەر بويىنشا نەكەگە وتىرۋ تۋرالى پىكىر ٴبىلدىردى

قر ٴدىن ىستەرى جانە ازاماتتىق قوعام ٴمينيسترى نۇرلان ەرمەكبايەۆ نەكەگە تۇرۋ بويىنشا زاڭ نورمالارىنا ەنگىزىلگەن وزگەرىستەر تۋرالى باياندادى. ونىڭ ازاماتتارعا ٴدىن بويىنشا «نەكە قييۋ» ٴراسىمىن ٴدىني مەكەمەلەردە عانا وتكىزۋگە رۇقسات ەتىلەدى، دەپ حابارلايدى baq.kz ٴتىلشىسى.

بۇل تۋرالى ول ٴ“دىني قىزمەت جانە ٴدىني بىرلەستىكتەر تۋرالى قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنا ارنالعان بريفينگتە مالىمدەدى.

«ازاماتتىق قوعام تالقىلاۋىنىڭ ناتيجەسىندە نەكە قييۋ تۋرالى زاڭعا (باپ – اۆت.) ٴبىرشاما وزگەرىستەر ەنگىزىلدى. اتاپ ايتقاندا، بۇرىن ٴدىني راسىمدەردە نەكە قييۋ جانە باسقا دا ٴراسىم بويىنشا ۇيلەنۋ راسىمدەرىنىڭ الدىندا مىندەتتى تۇردە رەسمي تىركەۋ ورگاندارىنا كەلۋ كەرەك دەگەن ۇسىنىس بولعان. ۇكىمەت مۇنداي تالاپتى الىپ تاستادى. ٴبىراق تا بۇل ٴدىني بىرلەستىكتەردىڭ ىشكى ماسەلەسى. سوندىقتان دا بۇگىنگى تاڭدا بارلىق ٴدىني بىرلەستىك وزدەرىنىڭ ٴدىني قىزمەتكەرلەرىنە وسىنداي تالاپ قويىپ جاتىر. اتاپ ايتقاندا ٴدىني راسىمدەرمەن نەكە قييۋ الدىندا مىندەتتى تۇردە رەسمي كۋالىك، رەسمي قۇجات كورسەتۋى كەرەك. جاڭا زاڭ جوباسىندا ٴدىني تالاپتارعا سايكەس نەكە قييۋ راسىمدەرى الدىندا قۇجات نەمەسە كۋالىك كەرەك جوق بولسا دا، وسىنداي نارسە ٴدىني مەكەمەلەردە اتالىپ ٴوتۋى قاجەت»، - دەدى نۇرلان ەرمەكبايەۆ.

مينيستر نەكە قييۋ تۋرالى نورمالارعا ەنگىزىلگەن وزگەرىستەردى ٴتۇسىندىرۋ جۇمىستارى جۇرگىزىلەتىنىن ايتتى.

«بۇل باعىتتا ەڭ الدىمەن ٴتۇسىندىرۋ جۇمىستارىن وتكىزىپ، ايتۋىمىز كەرەك. رەسمي تىركەلمەگەن ۇيلەنۋ نە اجىراسۋ جاس ازاماتتارعا ەشقانداي الەۋمەتتىك نەمەسە زاڭدىق سالدار اكەلمەيدى، نە ەشكىمگە مىندەتتەمەلەر جۇكتەمەيدى دەگەندى ٴتۇسىندىرۋىمىز كەرەك. بۇل ولاردىڭ جەكە شەشىمى. ولار وزدەرىنىڭ قانداي تاۋەكەلگە بارىپ وتىرعاندارىن ٴتۇسىنۋى كەرەك»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي