BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نەلىكتەن كۇنگە قارسى لوسوندار كوپ ادامعا كومەكتەسپەيدى؟

فوتو: ВВС

زەرتتەۋ ناتيجەلەرى كورسەتكەندەي، كۇنگە كۇيۋدەن قورعايتىن لوسوندار مەن كرەمدەردىڭ ادامدارعا اسەرى از، ٴتىپتى، ولار كۇننەن دۇرىس قورعامايدى، دەپ حابارلايدى baq.kz اقپارات اگەنتتىگى bbc باسىلىمىنا سىلتەمە جاساپ.

دەگەنمەن، king's college عالىمدارىنىڭ ايتۋىنشا، بۇعان لوسونداردىڭ تيىمسىزدىگى ەمەس، حالىقتىڭ قولدانۋ تاسىلدەرى اسەر ەتكەن.

تەوريالىق تۇرعىدا كۇننەن قورعايتىن قۇرالدى، مىسالى، (spf) 15 قولدانۋ كۇننىڭ كەرى اسەرىنەن قورعاۋ ٴۇشىن جەتكىلىكتى. دەگەنمەن، زەرتتەۋ اۆتورلارىنىڭ ايتۋىنشا، قاۋىپسىزدىك ماقساتىندا spf 30 نەمەسە ٴ50-دى قولدانعان ٴجون.

زەرتتەۋ اۆتورلارى ارنايى زەرتحانالاردا ەرىكتىلەرمەن ەكسپەريمەنتتەر جۇرگىزگەن. جاۋاپتى عالىم، پروفەسسور ەنتوني يانگتىڭ ايتۋىنشا، 50 كوەففيسيەنتى بار لوسوندار قاجەتتى قورعانىستىڭ 40%-ىن بەرە الادى. ونىڭ كومانداسى زەرتتەۋ بارىسىندا ٴارتۇرلى spf كورسەتكىشى بار ٴتۇرلى لوسونداردى قولدانعان ادامداردى باقىلادى.

لوسونداردى قالاي دۇرىس پايدالانۋ كەرەك؟

كۇننەن قورعايتىن كرەمدەردى نەگىزىنەن قالىڭ قىلىپ جاعۋ كەرەك. ٴبىراق، كوپشىلىگى ولاي ىستەمەيتىن بولىپ شىقتى.

spf كورسەتكىشى 2 ميلليگرام كرەم دەنە تەرىسىنىڭ 1 شارشى سانتيمەترىنە لايىقتالعان. ياعني، ورتا جاستاعى ەرەسەك ادام كۇننەن قورعانۋ ٴۇشىن دەنەسىنە 36 گرامم، ياعني، شامامەن التى تولىق شاي قاسىق لوسون جاعۋى كەرەك. ونىڭ ىشىندە ٴار قولعا، بەت پەن مويىنعا، قۇلاقتارعا جارتى شاي قاسىق كرەمنەن كەتەدى. ال اياق پەن ىشكە، ارقاعا ٴبىر شاي قاسىق كرەمنەن جاققان ٴجون. سونىمەن قاتار كۇننەن قورعايتىن كرەمدى ۋاقىت وتكەن سوڭ قايتا جاعۋدى دا ۇمىتپاۋ ماڭىزدى.

ۇلىبريتانيانىڭ دەرماتولوگتار اسسوسياسياسىنىڭ ايتۋىنشا، كرەمدى جاققان سوڭ كۇن استىنا شىقپاي 15-30 مينۋت كۇتىپ، ونى تەرىگە ابدەن ٴسىڭىرۋ كەرەك. سونداي-اق ٴار ەكى ساعات سايىن جانە سۋعا ٴتۇسىپ شىققان سوڭ دا كرەم مەن لوسونداردى قايتا جاعۋ قاجەت.

كەيبىر لوسونداردىڭ سىرتىندا ولاردىڭ سۋعا ٴتوزىمدى ەكەنى، سۋدان شىققان سوڭ دا تەرىنى كۇننەن قورعاۋ قاسيەتىن جوعالتپايتىنى جازىلعان. دەگەنمەن، سۋدان شىققان سوڭ جانە دەنەنى قۇرعاتقان سوڭ دەنەگە جاعىلعان ٴونىمنىڭ 85%-ى جويىلىپ كەتەدى.

دەرموتولوگتاردىڭ ايتۋىنشا، كۇنگە تەز كۇيۋگە اشىق ٴتۇستى، مەڭى مەن سەكپىلى كوپ، شاشىنىڭ ٴتۇسى اشىق ادامدار بەيىم كەلەدى.

ۇلىبريتانيانىڭ دەرماتولوگتار اسسوسياسياسىنىڭ وكىلى نينا گوادتىڭ ايتۋىنشا، بۇل زەرتتەۋ كوبىنە spf30 جانە ودان دا جوعارى كوەففيسيەنتتى تاڭداۋدىڭ دۇرىس ەكەنىن كورسەتتى. «سونداي-اق ٴبىز تەك كۇننەن قورعايتىن كرەمدەرگە سەنىپ قالماۋ كەرەكپىز. كيىم مەن كولەڭكە دە وسىندايدا كومەككە كەلە الادى»، دەيدى ول.

ال انگليانىڭ دەنساۋلىق ساقتاۋ ۇيىمى كۇن ىستىقتا كولەڭكەگە بارىپ، سابىر ساقتاۋ كەرەكتىگىن ەسكەرتىپ جاتىر. «ساعات 11:00 مەن 15:00 ارالىعىندا كۇننەن قورعانىپ، بارىنشا كولەڭكەدە جۇرۋگە تىرىسۋ كەرەك. سىرتقا شىعۋ قاجەتتىلىگى تۋىنداپ جاتسا، كۇننەن قورعايتىن كرەم جاعىپ، باس كيىم كيىپ العان ٴجون. سونداي-اق وزىڭىزبەن ۇنەمى سۋ الىپ ٴجۇرىڭىز»، دەيدى ولار.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي