م.سۋكەربەرگ: نەعۇرلىم كوپ ادام ٴوز ارمانىن جۇزەگە اسىرسا، الەم سوعۇرلىم جاقسارا تۇسەدى

facebook كومپانياسىنىڭ نەگىزىن قالاۋشى، ميللياردەر مارك سۋكەربەرگ بيىلعى جىلدىڭ ماۋسىم ايىندا گارۆارد ۋنيۆەرسيتەتىنىڭ ارنايى شاقىرۋىمەن ۋنيۆەرسيتەتتىڭ ٴبىتىرۋ راسىمىندە ٴسوز سويلەدى. سويلەگەن سوزىندە ول تەك گارۆارد بىتىرۋشىلەرىمەن ەمەس، الەمدەگى بارلىق جاستارمەن وي تولعانارلىق كەڭەستەرىمەن ٴبولىستى، دەپ حابارلايدى baq.kz.

33 جاستاعى باس اتقارۋشى ديرەكتور ياعني ceo الەمدەگى اۋقاتتىلار تىزىمىندە 63،3 ميلليارد دوللارلىق داۋلەتىمەن التىنشى ورىندى ەنشىلەيدى.12 جىل بۇرىن ٴدال وسى گارۆارد ۋنيۆەرسيتەتىنىڭ قابىرعاسىندا وقىپ جۇرگەن كەزىندە ول، گارۆارد ۋنيۆەرسيتەتىنىڭ وقۋشىلارىن ونلاين ورتادا بايلانىستىرۋ ماقساتىندا the facebook جوباسىن باستاعان ەدى.

بۇگىنگى تاڭدا facebook 44،6 ميلليارد دوللار نارىعى بار ٴىرى الەمدىك كومپانيا. جوباسىن ارى قاراي دامىتۋ بارىسىندا ۋنيۆەرسيتەتتى تامامداماي شىعىپ كەتكەن مارك، 33 جاسىندا قايتا ورالىپ دوكتورلىق لاۋازىمعا يە بولدى.

ارينە 21 جاسىندا باستاعان كىشكەنتاي جوباسىنىڭ بۇگىنگىدەي وراسان تابىسقا جەتۋى وڭاي سوقپاعان بولار جاس كاسىپكەرگە، دەگەنمەن ول بۇل جولداعى ماقساتىندا جەتىستىككە جەتتى دەسەك قاتەلەسپەسپىز. جاس كاسىپكەر گارۆارد ۋنيۆەرسيتەتىنىڭ ٴبىتىرۋ راسىمىندە كوبىنەسە جاستاردىڭ ومىردەگى وزىندىك ماقساتتارىن تابۋلارى كەرەك ەكەندىگىنە نازار اۋداردى.

2015 جىلىندا ايەلى پريسكيللا چان ەكەۋى باستاتقان قايرىمدىلىق ۇيىمىنا; وسى عاسىردىڭ سوڭىنا دەيىن الەمدەگى بارلىق اۋرۋلارمەن كۇرەسۋ ماقساتىندا ٴوز قاراجاتتارىنان 3 ميلليارد دوللار بولگەندەرىن ايتتى.

ماركتىڭ جاستاردىڭ قۇلاعىنا التىن سىرعا بولارلىق ماڭىزى بار اقىل كەڭەستەرى تومەندەگىدەي.

• ٴار ٴبىر ادام الەمدىك دەڭگەيدە ادامزاتقا شىنايى باقىت اكەلەتىن ٴبىر ماقساتتىڭ بولىگى بولعاندى قالاۋى كەرەك.
• يدەاليستيك بولعان جاقسى ٴبىراق ٴسىزدى تەرىس ٴتۇسىنىپ، قولداۋ كورسەتپەيتىندەر دە كەزدەسەتىن بولادى.
• وزىنەن ۇلكەن ماقساتقا، ادامزاتقا قىزمەت ەتكەن، ەتەتىن، ەتەيىن دەگەن ٴار ٴبىر ادام سىنعا ۇشىرايتىنى ٴسوزسىز.
• قازىرگى قوعامدا ٴبىز قاتەلىكتەردەن قورققانىمىزدان ۇلكەن ٴىس ارەكەتتەر جاساۋدان قاشامىز. شىنداپ كەلگەندە ٴىس ارەكەت جاساماۋ ناعىز كوعامدى اپاتقا اپارىپ سوعاتىنىن ەستەن شىعارامىز.
• ٴاربىر جاقسى نيەتپەن جاساعان ٴىسىمىزدىڭ جەمىسى كەلەشەكتە الدىمىزدان شىعادى. ٴبىرىمىز بىرىمىزگە قول سوزىپ، كومەكتەسۋ ٴۇشىن ۋاقىت بولە الامىز، اركىمگە ٴوز ماقساتىنا ۇمتىلۋ ەركىندىگىن بەرەيىك جانە سول جولدا دەمەۋ كورسەتەيىك، سەبەبى نەعۇرلىم كوپ ادامدار ٴوز ارماندارىن جۇزەگە اسىرسا الەم سوعۇرلىم جاقسارا تۇسەدى.
• جاقسى وزگەرىستەر جەرگىلىكتى دەڭگەيدەن باستالادى. تىپتەن جاھاندىق وزگەرىستەردىڭ ٴوزى ٴبىز سياقتى جەكە تۇلعالاردان باستالادى. الەمدى جاقسى وزگەرىستەرگە جەتەلەيتىن ماقسات، العاشىندا تولىق قالىپتاسقان كۇيدە ويعا كەلمەس، ٴسىز سول باعىتتا جۇمىس ىستەي باستاعاندا عانا ايقىن بولادى، ەڭ باستىسى باستاي ٴبىلۋ قاجەت.
• وسى زامانداعى جاستاردىڭ ەڭ ماڭىزدى جاۋاپكەرشىلىگى ومىردە وزىندىك ماقساتىن تابۋ جانە جەر بەتىندەگى ٴار ٴبىر ادامنىڭ ماقساتىن تابۋىنا كومەكتەسۋ.

alghayat.blogspot.com

تەگي
• مارك سۋكەربەرگ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!