BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ماڭگىلىك ەلگە» بايلانىستى استانالىقتار ٴۇي قۇجاتىن اۋىستىرۋ ٴۇشىن نەشە تەڭگە تولەيدى

10 قاراشا كۇنى استانا قالاسىنىڭ ٴماسليحاتى ورىنبور كوشەسىنىڭ اتاۋىن ماڭگىلىك ەل دەپ اۋىستىرۋ تۋرالى يدەيانى ماقۇلدادى. ٴماسليحاتتىڭ شەشىمىنە ساي، ورىنبور اتاۋى ە10 كوشەسىنە بەرىلۋى كەرەك ەكەن. ٴماسليحات ورىنبور كوشەسىنەن باسقا تاعى بىرنەشە كوشەنىڭ اتىن اۋىستىرۋدى ۇيعارىپتى.

وسى رەتتە، «كوشە اتى اۋىسسا، تۇرعىندار ۇيلەرىنىڭ قۇجاتىن، ٴتىپتى، كولىكتەرىنىڭ تەحنيكالىق پاسپورتىندا جازىلعان مەكەنجايدى اۋىستىرۋى كەرەك ەمەس پە؟!» دەگەن زاڭدى ساۋال تۋىندايدى. قازاقپارات اگەنتتىگى ٴتيىستى مەملەكەتتىك ورگاندارعا حابارلاسىپ، ورىنبور كوشەسىنىڭ بويىنداعى ۇيلەردىڭ تۇرعىندارىمەن اڭگىلەمەلەسە وتىرىپ، وسى سۇراقتىڭ جاۋابىن ٴبىلدى.

جالپى، اۋەل باستا، «ەلوردا كوشەلەرىنىڭ اتى وزگەرەدى» دەگەندە، قالا اكىمدىگى حالىققا قىزمەت كورسەتۋ ورتالىقتارى زاڭدى جانە جەكە تۇلعالار ٴۇشىن ٴۇي قۇجاتتارىن اۋىستىرىپ، ٴۇيدىڭ تەحنيكالىق ٴتولقۇجاتىنا وزگەرىس ەنگىزۋ تەگىن بولادى دەپ تۇسىندىرگەن ەدى. الايدا، ەلەكتروندى ۇكىمەتتىڭ كونسۋلتانتتارى ٴبىزدىڭ قوڭىراۋعا جاۋاپ بەرە وتىرىپ، قۇجاتتاردى اۋىستىرۋ 530 تەڭگە تۇراتىنىن حابارلادى.

«الدىمەن، حالىققا قىزمەت كورسەتۋ ورتالىقتارىنان مەكەنجاي انىقتاماسىن الاسىز، مەكەنجاي انىقتاماسى تەگىن بەرىلەدى. سول انىقتامانى الىپ، ٴۇيدى ساتۋ-ساتىپ الۋ تۋرالى كەلىسىمشارتپەن بىرگە وزگەرىس ەنگىزۋ تۋرالى ٴوتىنىش بەرەسىز. ول ٴۇشىن 0.25 ايلىق ەسەپتىك كورسەتكىش كولەمىندە اقشا تولەيسىز. ٴۇيدىڭ تەحنيكالىق پاسپورتىندا دا كوشە اتاۋىن اۋىستىرۋ كەرەك. بۇل جۇمىستاردى ىستەۋ ٴۇشىن وزىڭىزبەن بىرگە جەكە كۋالىگىڭىزدى الىپ كەلەسىز»،-دەدى تۇتقانىڭ ارتىنداعى كەڭەسشى جىگىت (1414 تەلەفونىنا قوڭىراۋ شالىڭىز - اۆت.).

بۇل اقپاراتتان كەيىن اگەنتتىك تىلشىلەرى ورىنبور كوشەسىنىڭ بويىنداعى ەڭ ٴبىرىنشى تۇرعىن ٴۇي - «كوركەم» تك-نە باردى. 16 كىرەبەرىستى ٴزاۋلىم ۇيدە بارلىعى 842 پاتەر بار ەكەن. ياعني، ٴبىر عانا تۇرعىن ۇيدەگى پاتەر يەلەرى قۇجاتتارىن اۋىستىرسا، قازىناعا 446 260 تەڭگە تۇسەر ەدى.

بۇل سۇراقتى قالا اكىمدىگىنىڭ ٴباسپاسوز قىزمەتىنە قويىپ ەدىك، ەلوردا اكىمدىگى ماسەلە بويىنشا جارىتىپ اقپارات بەرە المادى. تەك قازاقستان رەسپۋبليكاسىنىڭ ادىلەت مينيسترلىگى بيلىك باستاماشى بولعاندىقتان، تۇرعىندار ٴبىر تيىن دا تولەمەۋ كەرەك دەپ ٴتۇسىندىردى.

«جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى» زاڭنىڭ 6 بابى، 2 تارماعىندا «جىلجىمايتىن مۇلىكتىڭ سايكەستەندىرۋ سيپاتتامالارىنىڭ وزگەرۋى مەملەكەتتىك ورگانداردىڭ شەشىمى بويىنشا بولعان جاعدايدا، ونىڭ ىشىندە ەلدى مەكەندەردىڭ اتاۋى، كوشەلەردىڭ اتى، سونداي-اق ۇيلەر مەن وزگە دە قۇرىلىستاردىڭ رەتتىك نومىرلەرى (مەكەنجايى) وزگەرگەن كەزدە نەمەسە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىن رەفورمالاۋعا بايلانىستى كاداسترلىق نومىرلەر وزگەرگەن كەزدە مۇنداي وزگەرىستەردى تىركەۋ قۇقىق يەلەنۋشىگە جۇكتەلە المايدى جانە وتەۋسىز جۇزەگە اسىرىلادى» دەلىنگەن. ياعني، جىلجىمايتىن مۇلىكتىڭ مەكەنجايى مەملەكەتتىك ورگانداردىڭ شەشىمى بويىنشا اۋىستىرىلسا، بۇنداي وزگەرىستەر تەگىن جۇزەگە اسۋى كەرەك جانە جەرگىلىكتى ورىننىڭ بيلىگى تاراپىنان كوشە اتاۋى اۋىسسا، مەنشىك يەسى بۇل ٴۇشىن جاۋاپتى ەمەس.

بۇل زاڭدا «اقشا تولەمەيدى» دەپ، تۋرا جازىلماسا دا، وسى باپقا سايكەس، ازامات ٴۇيدىڭ مەكەنجايىنداعى كوشە اتاۋىن اۋىستىرعانى ٴۇشىن ٴبىر تيىن دا تولەمەۋى كەرەك. ەگەر، حالىققا قىزمەت كورسەتۋ ورتالىقتارى اقشا تولەنبەسە، قۇجات اۋىستىرمايمىز دەسە، ولاردان رەسمي تۇردە بۇنىڭ جاۋابىن تالاپ ەتۋ كەرەك»،-دەدى ادىلەت مينيسترلىگىنىڭ كونسۋلتانتى. ياكي، تۇرعىندار كوشە اتىنىڭ اۋىسۋىنا بايلانىستى، تەك ۋاقىتتارىن جوعالتاتىن بولىپ شىقتى. «شىنىمدى ايتسام، كوشەمىزدىڭ اتىن اۋىستىرادى دەگەنگە مەن قاتتى قۋانعان جوقپىن. سەبەبى، مەنىڭ كىشكەنتاي بالام بار، ال قۇجات اۋىستىرۋ ٴۇشىن ٴبىزدىڭ ەلدە نەشە كۇن جۇگىرەتىنىمىز بەلگىلى.

«ماڭگىلىك ەل» دەگەن اتاۋ ارينە ادەمى-اق، ٴبىراق، قۇجات اۋىستىرۋ ٴۇشىن ارى-بەرى جۇگىرەتىنىمدى ويلاسام... ونىڭ ۇستىنە، ورىنبور اتاۋىن باسقا كوشەگە بەرەيىن دەپ جاتىر ەكەن، تۇرعىندار شاتاساتىن شىعار...»،-دەيدى ورىنبور كوشەسىنىڭ بويىندا تۇراتىن داميرا ەسىمدى ازاماتشا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي