BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

راكپەن اۋىرماۋدىڭ نەگىزگى جولدارى قانداي؟

قاتەرلى ىسىكپەن اۋىرۋدىڭ جارتىسىنا جۋىعى زياندى ادەتتەردەن بولادى. امەريكا ونكولوگيالىق قوعامى ماماندارى وسىنداي قورىتىندى جاسادى. بۇل جونىندە lenta.ru باسىلىمى zmescience سايتىنا سىلتەمە جاساپ جازادى.

ماماندار ۇلتتىق راك ينستيتۋتى مەن اقش اۋرۋلاردىڭ الدىن الۋ جانە باقىلاۋ ورتالىعى ۇسىنعان مالىمەتتەردى تالدادى. زەرتتەۋ قاتەرلى ىسىككە نەگىزىنەن اكتيۆتى جانە ٴپاسسيۆتى شىلىم شەگۋ، ىشىمدىك ٴىشۋ، ەت جەۋ، سەمىزدىك جانە فيزيكالىق قيمىلدىڭ جوقتىعى سەبەپ بولاتىنىن كورسەتكەن.

ونىڭ ىشىندە شىلىم شەگۋ راكقا شالدىعۋدىڭ نەگىزگى سەبەپشىسى بولىپ شىقتى. راكپەن اۋىرۋدىڭ 19%-ى شىلىم شەگۋدەن بولادى. ال سەمىزدىككە قاتەرلى ىسىكتىڭ 6،5%-ى جانە ودان قايتىس بولۋدىڭ 6،5%-ى تيەسىلى. تەرى راگىنىڭ باسىم بولىگى كۇنگە كۇيۋدەن بولادى.

acs ماماندارىنىڭ ايتۋىنشا، زياندى ادەتتەردەن ارىلۋ، دۇرىس تاماقتانۋ، فيزيكالىق جاتتىعۋلار جاساۋ ارقىلى راك ٴقاۋپىن ايتارلىقتاي تومەندەتۋگە بولادى. مۇنىمەن قاتار اۋرۋدىڭ الدىن الۋعا تۇراقتى تۇردە سكرينينگ جاساپ تۇرۋ دا كومەكتەسەدى.

بۇدان بۇرىن دۇنيەجۇزىلىك دەنساۋلىق ساقتاۋ ۇيىمىنا قاراستى قاتەرلى ىسىكتى زەرتتەۋ اگەنتتىگى ماماندارى ىستالعان، قاقتالعان ەت ونىمدەرى ىشەك راگى ٴقاۋپىن كۇشەيتەتىنىن ايتقان بولاتىن. ونىڭ ىشىندە كولباسا مەن سوسيسكا ەڭ ٴقاۋىپتى ەت ونىمدەرى بولىپ شىقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي