استانا: 
2021 
0
كۇن سالقىنداي باستاعاندا، كۇزدە عانا ەمەس قىستا دا ٴبىزدىڭ يممۋندىق جۇيەمىز ٴالسىز كەلەدى. ٴدال وسى كەزەڭدەردە كوكونىستى، جەمىس-جيدەكتى كوپ جەمەيمىز، ال اۋادا قالىقتاپ جۇرگەن ٴتۇرلى ۆيرۋستار اعزامىزعا كىرۋگە تىرىسادى. ۆيرۋستان ساقتانىپ، دەنىمىزدىڭ ساۋلىعىن قالاي نىعايتا الامىز؟ وسى سۇراق توڭىرەگىندە سىزدەرگە ۇسىنعالى وتىرعان بىرنەشە كەڭەسىمىز بار. نازار سالىڭىز!
دۇرىس تاماقتانۋىڭىزدى قاداعالاڭىز. سۋىق مەزگىلدە مىندەتتى تۇردە جەيتىن تاعامىڭىزدىڭ قۇرامىندا بولۋى ٴتيىس:
1. اشىتقان قىرىققابات
ۆ، س دارۋمەندەرىنە باي، ٴتىپتى جاڭا پىسكەننەن دە پايدالىراق.
2. يتمۇرىن
ٴدال وسى يتمۇرىن س دارۋمەنىنىڭ كوپ مولشەرىن جانە باسقا دا ٴتۇرلى دارۋمەندەردى قۇرامىندا ساقتايدى. سونىمەن قاتار، يتمۇرىندا تەمىر، فوسفور، كاليي، ماگنيي، مىس بار.
3. توساپ، جەمىستەن جاسالعان ٴتاتتى تاعام نەمەسە مۇزداتىلعان قارا قاراقات
ولاردىڭ كومەگىمەن اعزاڭىزدى ۆ، س، ە، د، ر، ك دارۋمەندەرىنە بايىتىڭىز. يممۋنيتەتتى جوعارىلاتىپ قانا قويماي، اعزاعا ٴتۇرلى ۆيرۋستارمەن كۇرەسۋگە كومەكتەسەدى، قان اينالىمنىڭ جۇمىسىن جاقسارتادى.
4. سيترۋس تەكتەستەر ( ليمون، اپەلسين، گرەيپفرۋت)
اسكوربين قىشقىلىن، ماگنيي، كاليي، تەمىر، فوسفور، ناتريي، كالسييدى، ا، ۆ، رر دارۋمەندەرىن سيترۋس تەكتەستەردىڭ قۇرامىنان تابۋعا بولادى.
5. قىمىزدىق پەن ساۋمالدىق
مۇزداتىلعان كۇيىندە دە پايداسى مول. جوعارىدا كورسەتىپ وتكەن ۆيتاميندەردەن باسقا مىس، سينك، مارگانەستى قۇرامىندا ساقتايدى.
6. بولگار بۇرىشى
قان تامىرلارىن نىعايتىپ، مي قاناينالىمىن دۇرىستايدى.
7. كوك جۋا
يممۋنيەتكە ەڭ كۇشتى اسەر بەرەتىن تاعام بولىپ تابىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6559
0