كوز اۋرۋىن ەمدەگىڭىز كەلسە

قازىرگى تاڭدا الەم بويىنشا ٴاربىر ٴۇشىنشى ادام كوز اۋرۋىنا شالدىققان. ونىڭ ىشىندە الىستان كورمەۋ اۋرۋى بەلەڭ الىپ وتىر، اسىرەسە، جاسوسپىرىمدەردىڭ كوبىسى اتالمىش اۋرۋدان زارداپ شەگۋدە. ارينە، تەحنيكانىڭ مىسى باسىپ تۇرعان زاماندا كوزگە كوڭىل بولمەسە، دەرتكە قالاي كەز بولعانىڭدى وزىڭدە بىلمەي قالاسىڭ.

سوندىقتان، دەر كەزىندە اۋرۋدىڭ الدىن الۋ ٴۇشىن كوز بۇلشىقەتىن نىعايتىپ، دۇرىس تاماقتانىپ، كومپيۋتەردە وتىرۋ، تەلەديدار كورۋ،كىتاپ وقۋ ۋاقىتىن بەلگىلەۋ ٴوز الدىنا، قولدان كەلگەنشە جاقسى كورۋدى نەگىزگە الىپ جاتتىعۋلار جاساپ تۇرعان ٴجون. وسى تۇرعىدا anabol.kz سايتى كوز اۋرۋىن ەمدەۋ ٴۇشىن جاسالىناتىن جاتتىعۋلار ٴتىزىمىن ۇسىنادى.

1-جاتتىعۋ

كوزدى 5-6 سەكۋند بويى جىپىلىقتاتىپ تۇرۋ كەرەك. ازداعان ۇزىلىستەن سوڭ جاتتىعۋدى قايتالاڭىز.

2- جاتتىعۋ

كوزدى جۇمىپ، 3-5 سەكۋندتان كەيىن قايتا اشىڭىز. جاتىعۋدى 6-8 رەت قايتالاي بەرىڭىز.

3-جاتتىعۋ

تۇرىپ ورىندالاتىن جاتتىعۋ. قولىڭىزدى الدىڭىزعا سوزىپ، سۇق ساۋساعىڭىزعا قاراڭىز. ساۋساعىڭىز ەكەۋ بولىپ كورىنگەنشە كوزدى الماستان وزىڭىزگە قاراي باياۋ جاقىنداتا بەرىڭىز. جاتتىعۋدى 6-8 رەت جاساڭىز.

4-جاتتىعۋ

باستى قوزعاماي، جوعارى، تومەن قاراڭىز. 8-12 رەت قايتالانادى.

5-جاتتىعۋ

موينىڭىزدى بۇرماستان وڭعا، ودان كەيىن سولعا قاراڭىز. 8-12 رەت قايتالاڭىز.

6-جاتتىعۋ

شىنتاعىڭىزدى ۇستەلگە تىرەپ، الاقاندارىڭىزبەن كوزدەرىڭىزدى جابىڭىز. جاتتىعۋ ۇزاقتىعى-5 مينۋت. كۇنىنە 2-3 رەت جاساۋ قاجەت.

الاقانىڭىزدان تاراعان جىلۋ مەن قاراڭعىلىق كوزدىڭ شارشاعانىن باسادى.

7-جاتتىعۋ

ەكى قولىڭىزعا دا قارىنداش الىڭىز. بىرەۋىن كوزىڭىزدەن 15 سم قاشىقتىقتا تىك ۇستاڭىز. ەكىنشىسىن الدىڭعى قارىنداشتىڭ قاشىقتىعىندا ۇستاڭىز. ەندى نازارىڭىزدى ٴبىرىنشى قارىنداشقا سالىڭىز دا كوزىڭىزدى جۇمىپ-اشىڭىز، كەيىن، كوزقاراسىڭىزدى ەكىنشى قارىنداشقا اۋدارىڭىز. جاتتىعۋ كۇنىنە ەكى رەت جاسالىنادى.

8-جاتتىعۋ

ەكى اياعىڭىزدى بىر-بىرىنەن الشاق قويىپ، ٴبىر جاعىڭىزدان ەكىنشى جاعىڭىزعا قاراي بۇرىلىڭىز. الىستاۋ تۇرعان ٴبىر نارسەگە قادالا قاراپ، كىرپىكتەرىڭىزدى قاعىڭىز. جاتتىعۋدى 50 رەت قايتالاڭىز.

anabol.kz

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!