BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىستا سپورتتىڭ قاي تۇرىمەن اينالىسقان دۇرىس؟

فوتو: espanarusa.com

قىس مەزگىلىندە كوشەدە تازا، سۋىق اۋامەن تىنىستاپ، فيزيكالىق بەلسەندىلىككە ۋاقىت بولگەن وتە پايدالى. وسىنداي قىستىڭ سالقىن كۇندەرىندە ۋاقىتتى دەنساۋلىققا پايدالى ەتىپ وتكىزۋ ٴۇشىن قانداي قىسقى سپورت تۇرلەرىمەن شۇعىلدانۋعا بولادى؟

قىس مەزگىلى كەلگەندە جىلى كورپەگە ورانىپ، ۇيدە وتىرعاننان ٴبىر مەزگىل تىسقا شىعىپ، سپورتپەن شۇعىلدانعان پايدالىراق. قىستىكۇنى سپورتپەن شۇعىلدانۋ تەك كوڭىل-كۇيدى كوتەرىپ قانا قويماي، سونداي-اق دەنساۋلىققا ايتارلىقتاي جاقسى اسەر ەتەدى. اسىرەسە تازا اۋادا كوپ ٴجۇرۋ تۇماۋعا قارسى تۇرۋعا سەپتىگىن تيگىزەدى. ول ٴۇشىن تومەندە جيناقتالعان سپورت تۇرلەرىمەن شۇعىلدانعان دۇرىس:

شاڭعى

فوتو espanarusa.com

شاڭعى تەبۋ كەزىندە ادام ۇزاق ۋاقىت بويى قوزعالىس ۇستىندە بولادى. جاتتىعۋ كەزىندە تامىرلار، وكپە، جۇرەك پەن تىرەك-قيمىل جۇيەسى ٴونىمدى جۇمىس ىستەپ، يممۋنيتەت نىعايادى جانە شىدامدىلىق ارتا تۇسەدى.

شاڭعى تەبۋ ارتىق سالماقتان ارىلعىسى كەلەتىندەر ٴۇشىن دە پايدالى. سەبەبى 60 مينۋت جاتتىعۋ كەزىندە 500-600 كالوريانى جوعالتۋعا بولادى. سونىمەن قاتار اياق، قول، بوكسە جانە ٴىشتىڭ بۇلشىقەتتەرى جۇمىس ىستەپ، نىعايا تۇسەدى.

سنوۋبوردينگ

فوتو يالتا - گورود سچاستيا

سنوۋبوردينگ – تاۋ-شاڭعى سپورتىنىڭ ٴبىر ٴتۇرى. بۇل سپورت ٴتۇرى دەنساۋلىققا پايدالى. سنوۋبوردپەن اينالىسقاندا بارلىق بۇلشىقەتتەر توبى قوزعالىسقا كەلەدى، اسىرەسە اياق، جامباس، ٴىش جانە بوكسە بۇلشىق ەتتەرى. سونىمەن قاتار سنوۋبوردينگ ۆەستيبۋليارلى اپپاراتتى نىعايتادى، جۇرەك-قان تامىر جانە تىنىس الۋ جۇيەسىنىڭ جۇمىسىن قالىپقا كەلتىرەدى، قاندى وتتەگىمەن قانىقتىرادى. بۇل سپورت ٴتۇرى توزىمدىلىكتى، قوزعالىس كوورديناسياسىن دامىتادى جانە زات الماسۋ مەن تەپە-تەڭدىك سەزىمىن جاقسارتادى. ونىڭ تاعى ٴبىر ەرەكشەلىگى پسيحيكالىق دەنساۋلىققا قاجەت جاقسى اسەرلەر سىيلايدى.

دەنساۋلىقتى نىعايتۋ ٴۇشىن سنوۋبوردقا اپتاسىنا كەم دەگەندە 1–2 رەت ٴبىر ساعاتتان استام سىرعاناۋ كەرەك. 60 مينۋتتا 400 كالوريادان ارىلۋعا بولادى.

كونكي

فوتو visitljubljana.com

كونكي قوزعالىس ۇيلەسىمىن جاقسارتىپ، دەنەنى تەپە-تەڭدىكتە ۇستاۋعا جانە يكەمدىلىككە ارتتىرۋعا سەپتىگى مول. مۇنداي سپورت ٴتۇرى اياق پەن سانداعى بۇلشىقەتتەردى دامىتادى.

كونكيمەن جۇگىرۋ سپورتى يممۋنيتەتتى جاقسارتىپ، اعزانى تونۋستا ۇستاۋعا كومەكتەسەدى، سونداي-اق دەنەنى تارتىمدى ەتىپ، اياق، جامباس، سان بۇلشىقەتتەرىن نىعايتىپ، باقىت سەزىمىنە جاۋاپ بەرەتىن گورمونداردىڭ بولىنۋىنە جاعداي جاسايدى.

ەگەر اپتاسىنا 3 رەتتەن 60 مينۋتتان جاتتىقساڭىز، 400-500 كالوريا جوعالتاسىز. سونداي-اق تازا اۋادا كونكي تەپكەن كەزدە اعزا قاتايا تۇسەدى.

حوككەي

فوتو fotoobou.com

كاسىبي حوككەي جاراقات الۋ ٴقاۋپى جوعارى سپورت دەپ ەسەپتەلەدى. الايدا اۋەسقويلىق دەڭگەيدەگى ويىندار ٴقاۋىپسىز جانە دەنساۋلىققا پايدالى. جاتتىعۋ كەزىندە دەنەنىڭ جوعارعى جانە تومەنگى بولىگىندەگى بۇلشىقەتتەر جۇمىس ىستەيدى. اسىرەسە اياقتىڭ، قولدىڭ، ىشەكتىڭ، ارقانىڭ بۇلشىقەتتەرى كوپ قوزعالىستا بولادى. حوككەي يممۋندىق جۇيەنى نىعايتادى، تىرەك-قيمىل جۇيەسىنىڭ فۋنكسيالارىنا جانە ۆەستيبۋليارلىق اپپاراتقا وڭ اسەر ەتەدى.

سونداي-اق حوككەي توپتا جۇمىس ىستەۋگە، شىدامدىلىقتى ارتتىرۋعا، قوزعالىستاردى ۇيلەستىرۋگە جانە تاباندىلىققا ۇيرەتەدى. ماماندار كەم دەگەندە 60 مينۋتتاي ۋاقىت (قىسقا مەرزىمدى ٴۇزىلىستى ەسەپتەپ) حوككەي ويناۋعا كەڭەس بەرەدى. اپتاسىنا 1-2 رەت جاتتىعۋ كەرەك.

شانا

فوتو fotokto.ru

بالا كەزدە ٴبارى سايدان شانامەن سىرعانادى. بۇل سپورت ٴتۇرى تەكۋاقىتتى قىزىقتى وتكىزۋگە عانا ەمەس، سونداي-اق دەنساۋلىققا تيگىزەر پايداسى دا كوپ. سوندىقتان شانا ەرەسەك جاستاعىلار ٴۇشىن ماڭىزدى. قان قىسىمىن قالىپقا كەلتىرىپ، جۇرەك بۇلشىقەتتەرىن نىعايتادى، ارتىق سالماقتان ارىلتادى جانە كوڭىل-كۇيدى كوتەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي