BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كيىمگە جابىسقان ساعىزدى قالاي كەتىرۋگە بولادى؟

كيىمگە جابىسقان ساعىزدى قالاي كەتىرۋگە بولادى؟ مۇنداي قولايسىز جاعدايعا تاپ بولعان جان ارالارىڭىزدان مىندەتتى تۇردە تابىلارىنا ەش كۇمان جوق. اسىرەسە، قوعامدىق ورىنداردا كيىمىنە ساعىز جابىستىرىپ الىپ، ودان قالاي «قۇتىلۋدىڭ» جولىن تاپپاي جاتاتىندار كوپ كەزدەسەدى. ەندەشە، كيىمگە جابىسقان ساعىزدى تازالاۋدىڭ جولدارىن قاراستىرىپ كورەلىك.

جالپى، ساعىزدى كيىمنەن تازالاۋ ٴۇشىن ول كيىمنىڭ ماتەريالىنا، تۇر-تۇسىنە، ساپاسىنا اسا ٴمان بەرگەن ٴجون. مىسالى، ٴتۇسى كەتەتىن ماتالارعا ساعىز جابىسقان جاعدايدا اسەتون نەمەسە سپيرت، سونداي-اق ىستىق سۋدى دا قولدانباعان ٴجون.

1. توڭازىتقىشقا سالۋ

ەڭ وڭاي، ٴارى ٴتيىمدى ٴتاسىل ساعىز جابىسقان كيىمدى پوليەتيلەن قاپقا (پاكەت) سالىپ، توڭازىتقىشقا 1 ساعاتقا قويۋ. وسى ۋاقىت ىشىندە ساعىز قاتىپ، ٴوزى ٴتۇسىپ قالادى.

2. مۇز باسۋ

ٴ1-تاسىل كومەكتەسپەسە، ەگەر كيىم ۇلكەن، توڭازىتقىشقا سىيمايتىن بولسا، وندا ساعىز جابىسقان جەرگە مۇز قويىڭىز. ساعىز قاتقان ۋاقىتتا قاتتى ششەتكامەن تازالاڭىز. كىلەم مەن توسەنىشتەرگە، پالتو مەن تونعا ساعىز جابىسقاندا دا وسى ٴتاسىلدى قولدانىڭىز.

3. ىستىق سۋ قۇيۋ

ول ٴۇشىن جانىڭىزدا كومەكشىڭىز بولعانى دۇرىس. بىرەۋىڭىز ىستىق سۋدى ساعىز جابىسقان جەرگە قۇيىپ، ەكىنشىڭىز ونى دەرەۋ ششەتكامەن تازالاپ تۇرۋلارىڭىز كەرەك. ول ٴۇشىن ەسكى ٴتىس ششەتكاسىن پايدالانۋىڭىزعا بولادى. ەگەر كومەكشىڭىز بولماسا، ىدىسقا ىستىق سۋدى قۇيىپ، كيىمنىڭ ساعىز جابىسقان جەرىن سۋعا باتىرىپ سالىڭىز. سۋدان شىعارماي تۇرىپ، ساعىزدى ۇشكىر زاتپەن تازالاپ الىڭىز. ودان كەيىن كيىمدى قاتتى ىسقىلاپ جىبەرىڭىز. تازالانعان كيىمدى جۋىپ، جايىڭىز. ەگەر ساعىز تولىق تازالانباسا، پروسەستى قايتالاڭىز.

4. ۇتىكتى قولدانىپ

ساعىز جابىسقان جەردىڭ ۇستىنەن دىمقىل داكە قويىپ، ۇستىنەن ۇتىكتەڭىز. ساعىزدى تازالاۋدىڭ بۇل ٴادىسىنىڭ كەمشىلىگى كيىمگە جابىسقان ساعىزدى تازالاعانمەن، ودان داق قالۋى مۇمكىن. ال ونى داق تازارتاتىن ارنايى قۇرالدارمەن تازالاي الاسىزدار.

5. فەن (شاش كەپتىرگىش)

كيىمنىڭ ساعىز جابىسقان جەرىن شاش كەپتىرگىشپەن ٴبىراز ۇرلەڭىز. سودان كەيىن ەسكى ٴتىس ششەتكاسىمەن ساعىزدى تازالاپ تاستاڭىز.

6. سىركەسۋى

ساعىزدى تازالاۋدىڭ ەڭ وڭاي ٴتاسىلى – سىركەسۋىن قولدانۋ. ول ٴۇشىن ازداعان سىركەسۋىن كىشكەنە قىزدىرىپ الىپ، وعان ەسكى ٴتىس ششەتكاسىن باتىرىپ، سىركەسۋى سۋىپ قالماي تۇرىپ، تەزىرەك ساعىزدى ٴسۇرتىپ جىبەرىڭىز.

دەرەككوز: anabol.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي