BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەنە شاققاندا نە ىستەۋ كەرەك

قر دسم قوعامدىق دەنساۋلىق ساقتاۋ كوميتەتى ەلىمىزدە كەنە ماۋسىمىنىڭ باستالعانى جايلى حابارلايدى. كوميتەت مالىمەتىنشە، قىركۇيەككە دەيىن سوزىلاتىن ەپيدەميولوگيالىق ماۋسىمنىڭ ٴبىرىنشى جارتىسىندا كەنە بەلسەندىلىگى اسا جوعارى بولادى.

ەلىمىزدە الماتى جانە شىعىس قازاقستان وبلىستارى، الماتى قالاسى مەن ونىڭ توڭىرەگى كەنە ەنسەفاليتى بويىنشا ەندەميالىق ٴوڭىر سانالادى.

«سوندىقتان، قىزمەتى كەنە ەنسەفاليتىنىڭ تابيعي وشاعىمەن بايلانىستى ادامدار (ورمانشىلار، قورىقشىلار جانە ورمان مەن انشىلىق شارۋاشىلىعىنىڭ باسقا دا قىزمەتكەرلەرى) كەنە ەنسەفاليتىنە قارسى پروفيلاكتيكالىق يممۋنداۋدان وتەدى»، - دەلىنگەن مالىمەتتە.

- جىلىنا ەكى رەت، كوكتەمدە جانە كۇزدە ەندەميالىق اۋماقتاردا;

- بالالارعا جانە ەرەسەكتەرگە ارنالعان ساۋىقتىرۋ ۇيىمدارى ورنالاسقان ورىنداردا;

- كاسىبى مەن جۇمىسى تابيعي وشاقتاعى ادامدار تۇراقتى بولاتىن ورىنداردا;

- دەمالىس جانە تۋريزم بازالارىنىڭ، باۋ-باقشا كووپەراتيۆتەرىنىڭ اۋماقتارىندا;

- ورمان القاپتارى ۋچاسكەلەرىندە;

- شارۋاشىلىق-تۇرمىستىق جانە باسقا ماقساتتاردا حالىق ٴجيى جينالاتىن جەرلەردە كەنەگە قارسى وڭدەۋ جۇمىستارى جۇرگىزىلەدى.

كەنە ەنسەفاليتىن قوزدىرعىش تومەندەگى جاعدايلاردا ادامعا جۇعادى:

- ۆيرۋس جۇقتىرعان كەنە تەرىنى سورعان كەزدە;

- كەنەنى جانشۋ نەمەسە شاققان ورنىن قاسۋ كەزىندە;

- ەشكىنىڭ، قويدىڭ، سيىردىڭ شيكى ٴسۇتىن پايدالانعان كەزدە (كەنەنىڭ جاپپاي قاپتاۋى كەزىندە سۇتتە ۆيرۋس بولۋى مۇمكىن);

كەنە ەنسەفاليتى بويىنشا قولايسىز اۋماقتاردا ٴسۇتتى قايناتقاننان كەيىن عانا پايدالانۋ قاجەت. بۇدان باسقا، شيكى ٴسۇت قانا ەمەس ودان دايىندالعان ونىمدەر: سۇزبە، قايماق، ماي جانە ت.ب. دا ٴقاۋىپتى سانالادى.

سانيتار دارىگەرلەر كەنە ەنسەفاليتىنىڭ الدىن الۋ جولدارىن اتادى.

«ارنايى قورعاۋ كوستيۋمدەرىن نەمەسە كەنەلەردىڭ كىرۋىنە جول بەرمەيتىن ىڭعايلى كيىمدەردى قولدانۋ كەرەك. جەيدەنىڭ بىلەزىك تۇسى تۇيمەلەنەتىن نەمەسە رەزەڭكەمەن قىستىرىلاتىن ۇزىن جەڭى بولۋى ٴتيىس. جەيدەنىڭ ەتەگى شالبارعا، ال شالباردىڭ بالاعى ش ۇلىققا جانە ەتىككە سالىنۋى قاجەت. باس پەن مويىندى ورامالمەن، بيىك جاعامەن، كاپيۋشونمەن نەمەسە باسقا دا ىڭعايلى كيىممەن جابۋ كەرەك. تابيعات اياسىندا بولعاندا كيىم مەن دەنەنى ٴجيى تەكسەرىپ وتىرۋ قاجەت»، - دەيدى قوعامدىق دەنساۋلىق ساقتاۋ كوميتەتى.

سونىمەن قاتار، ماماننىڭ ايتۋىنشا كەنەنى بايقاعان تۇستا تۇمسىعىن قالدىرماستان الىپ تاستاعان ٴجون.

«ەگەر جابىسقان كەنەنى بايقاساڭىز مەديسينا قىزمەتكەرىنە قارالىڭىز. ەگەر ونداي مۇمكىندىك بولماسا، كەنەنى ٴوزىڭىز الىپ تاستاڭىز. كەنەنى كىشكەنتاي تۇمسىعىن ج ۇلىپ الماي، وتە ابايلاپ الۋ كەرەك. جابىسىپ تۇرعان كەنەگە كەز كەلگەن مايدى نەمەسە كەروسيندى تامىزىپ، قىسقىشپەن نەمەسە مىقتى جىپپەن قارماپ، قوزعاي وتىرىپ اقىرىن الۋ كەرەك. ەگەر تۇمسىعى تەرىدە قالىپ قويسا، ونى تىكەن سياقتى الىپ تاستاڭىز. شاققان جەرگە يود تۇنباسىن جاعىڭىز جانە قولىڭىزدى مۇقيات جۋىڭىز»، - دەپ ەسكەرتەدى دارىگەرلەر.

كەنەلەردەن قورعانۋ ٴۇشىن ۇركىتەتىن زات – رەپەللەنتتەردى پايدالانۋعا بولادى. ونىمەن دەنەنىڭ اشىق جەرلەرىن جانە كيىمدى وڭدەۋ كەرەك. كەنە شاققان ادامدار ٴبىر تاۋلىكتىڭ ىشىندە تاياۋ اراداعى مەديسينالىق ۇيىمعا بارىپ، شۇعىل پروفيلاكتيكادان ٴوتۋى ٴتيىس.

انىقتاما ٴۇشىن:

كەنە ەنسەفاليتى – ٴارتۇرلى اعزالار مەن جۇيەلەردى، ٴبىرىنشى كەزەكتە ورتالىق جۇيكە جۇيەسىن زاقىمدايتىن ٴجىتى ينفەكسيالىق، ٴترانسميسسيۆتى، تابيعي-وشاق اۋرۋى. ىندەتتىڭ اۋىر جاعدايىندا سال اۋرۋى پايدا بولىپ، مۇگەدەكتىككە الىپ كەلۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي