BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ باس ونكولوگى ەتتى از جەۋگە كەڭەس بەردى

ەلىمىزدىڭ باس ونكولوگى ەتتى از جەۋ كەرەكتىگىن ايتتى، دەپ حابارلايدى baq.kz اقپارات اگەنتتىگى كتك ارناسىنا سىلتەمە جاساپ.

سەناتتا وتكەن پارلامەتتىك تىڭداۋدا ماماندار ادام دەنساۋلىعىنا قاتىستى تاعى ٴبىر ۋشىعىپ تۇرعان جاعدايدى ايتتى. ەلىمىزدە قاتەرلى ىسىككە شالدىققاندار سانى ارتقان. جىلىنا 36 مىڭ ناۋقاسقا راك دەگەن دياگنوز قويىلادى دا، ونىڭ 15 مىڭى قايتىس بولادى ەكەن.

ەلىمىزدىڭ باس ونكولوگى تۇرعىندارعا جامان اۋرۋدىڭ الدىن الۋعا ٴبىرقاتار كەڭەس بەردى.

«ادامدار قىزىل ەتتەن باس تارتسا، ىشەك راگى ازايادى. ەلىمىز ايەلدەر مەن ەرلەر اراسىنداعى ىشەك راگى بويىنشا بەسىنشى ورىننان ٴۇشىنشى ورىنعا شىقتى. ال تۇزدى تۇتىنۋدى ازايتساڭىزدار، اسقازانداعى قاتەرلى ىسىكتەن قۇتىلامىز. باۋىر راگىن بولدىرماۋ ٴۇشىن ۆاكسينامەن گەپاتيت ب-نىڭ الدىن الۋ كەرەك. ايەلدەر اراسىندا ٴسۇت بەزى وبىرى كوپ تاراعان. ەرلەر كوبىنە وكپە، اسقازان راگىنە شالدىعادى. ەڭ وكىنىشتىسى، جامان دەرتكە دۋشار بولعانداردىڭ باسىم بولىگى جاستار مەن ورتا جاستاعى ازاماتتار. قاتەرلى ىسىكتەن كوز جۇمعاندار، اسىرەسە، پاۆلودار، قوستاناي، اقمولا، سولتۇستiك جانە شىعىس قازاقستان وبلىستارىندا كوپ. ال بۇل اۋرۋمەن كۇرەسەتىن ونكولوگتار جەتىسپەيدى»، - دەيدى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي