BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق تۇتىنۋشىلار قانداي قاتەلىكتەر جىبەرەدى؟

فوتو: Vse-sekrety.ru

قازاقستاندىقتار كوبىنەسە تەحنيكا مەن اياق كيىم تاڭداعان كەزدە ٴارتۇرلى ماسەلەلەرمەن بەتپە-بەت كەلەدى. «ادال» تۇتىنۋشىلار قۇقىعىن قورعاۋ قوعامىنا ٴوتىنىش بەرۋ سانى 10 جىلدا جىلىنا 300-دەن 15-كە دەيىن تومەندەدى. بۇل تۋرالى ۇيىم پرەزيدەنتى ارتىق سەيتقاليەۆا مالىمدەدى، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

قوعامدىق ۇيىم باسشىسى بۇل كورسەتكىشتى قازاقستاندىق تۇتىنۋشىلاردىڭ قۇقىعى سيرەك بۇزىلاتىندىعىمەن ەمەس، ولاردىڭ ساۋاتى وسكەنىمەن بايلانىستىرادى. ونىڭ ايتۋىنشا، ساۋدانىڭ اركىم بىلە بەرمەيتىن قىر-سىرى بار، ساۋداگەرلەر سونى پايدالانادى.كەيدە وسىعان ۇقساس قيىندىقتاردىڭ تۋىنداۋىنا تۇتىنۋشىلاردىڭ وزدەرى كىنالى بولىپ جاتادى.

«تۇتىنۋشىلار تاۋاردى ساتىپ العان كەزدە ونىڭ اقاۋى بار-جوعىن دۇرىستاپ قاراپ المايدى، ال ارادا ٴبىراز ۋاقىت ٴوتىپ كەتكەننەن كەيىن ونى دالەلدەۋ قيىنعا سوعادى»، - دەپ ٴتۇسىندىردى ول.

سونداي-اق، قازاقستاندىقتار جيھاز ساپاسى مەن اياق كيىم ساپاسىنا ٴجيى شاعىمدانادى. تۇتىنۋشىلار جيھازدىڭ دا كەپىلدىك مەرزىمى بولاتىنىن ەستەرىندە ۇستاۋى كەرەك. ديۆان، توسەك-ورىن، ورىندىقتاردىڭ كەپىلدىك مەرزىمى 24 اي، ال كورپۋستىق جيھازدىڭ كەپىلدىك مەرزىمى 18 اي بولسا، اياق كيىمنىڭ كەپىلدىك مەرزىمى 30 كۇن.

بارلىق جاعدايدا تاۋاردى ساتۋشىعا بەرىپ، اشاسىن قايتارىپ الۋ ٴۇشىن العان زاتىڭىزدا باستاپقىدا اقاۋلى بولۋى كەرەك. ساتىپ العان زاتىڭىزدى مۇلدە قولدانباعان جاعدايدا عانا باسقا تاۋارمەن الماستىرىپ الۋعا قۇقىلىسىز. سەيتقاليەۆانىڭ ايتۋىنشا، قازىرگى ۋاقىتتا ساتۋشىلار ساتىپ الۋشىمەن ٴوزارا تۇسىنىستىك تاۋىپ، كەلىسىمگە كەلۋگە تىرىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي