BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قارتايتاتىن 5 ازىق

فوتو: CosmetologyClub

بۇل تاعامدار ادام دەنساۋلىعىنا زيان بولعانى ٴوز الدىنا، جاستىعىڭىز بەن سۇلۋلىعىڭىزدى ۇرلايدى. بىردەن باس تارتىڭىز نەمەسە ٴجيى قولدانباۋعا تىرىسىڭىز.

قانت. اعزاداعى قانت مولشەرىنىڭ كوپتىگى حيميالىق رەاكسيانى توپتاستىرادى. سترەسكە توزىمدىلىكتى ازايتادى، قارتايۋ ۇدەرىسىن ۇلعايتادى. ەگەر ٴسىزدى ۇنەمى تاتتىگە تارتىپ تۇراتىن بولسا، حروم، مارگانەس، ماگنييى بار تاعامدار (داقىلدار، اسقاباق) جەڭىز. اعزاداعى ٴبىر مينەرالدىڭ جەتىسپەۋىنىڭ وزىنەن ٴسىزدىڭ تاتتىگە قۇمارلىعىڭىز ارتادى.

كوفە. تەز سەرگىتەتىن حوش ٴيىستى سۋسىن كوفە زياندى تاعامدار قاتارىندا. ول تەرىنىڭ قۇرعاۋىنا الىپ كەلىپ، ٴاجىمنىڭ ەرتە شىعۋىنا سەبەپكەر. ەگەر، ودان باس تارتا الماساڭىز، مولشەرىن ازايتۋعا تىرىسىڭىز، اعزاڭىزداعى بالانس قالپىن بۇزىپ الماۋ ٴۇشىن كوفەنى ٴار ىشكەنىڭىزدەن كەيىن 3 ستاقان سۋ ٴىشىپ وتىرىڭىز.

ٴسپيرتتى ىشىمدىكتەر. ەڭ زيان ازىقتىڭ الدىڭعى قاتارىندا الكوگول. ٴاجىم، تەرىنىڭ قۇرعاۋى، بەت تەرىسىنىڭ قارايۋى ٴبارى-بارى ىشىمدىككە دەگەن قۇمارلىقتىڭ كەسىرىنەن. ٴبىزدىڭ ورگانيزمىمىز الكوگولدى ۋ رەتىندە قابىلدايدى جانە ودان تەز قۇتىلۋعا تىرىسادى ەكەن. ٴسپيرتتى ىشمىدىكتەر دەنساۋلىققا كەرى اسەر بەرگەنىمەن قويماي، س، ە سىندى تەرىنى ساقتاپ تۇراتىن دارۋمەندەردى جويادى.

تۇز. اعزاعا تۇز كەرەك، الايدا، كۇنىنە 1،5 گر-نان كوپ ەمەس. تۇزدى مولشەردەن تىس پايدالانا وتىرىپ، سۋدىڭ اعزادا قورتىلۋىنا كەرى اسەرىن بەرەدى. سوندىقتان دا، كوزدىڭ استى ٴىسىنىپ قاپشىق ٴتارىزدى بولىپ قالادى. ونىڭ ورنىنا باسقا دا دامدەۋىشتەر پايدالانىپ كورىڭىز، ال سالاتتى ليمون سىعىندىسىمەن دە ازىرلەسەڭىز بولادى.

گريلدە ازىرلەنگەن تاعام. لوندون عالىمدارىنىڭ ايتۋىنشا، گريل تاعام تەرىنىڭ تەز قارتايۋىنا الىپ كەلەدى. گريلدە دايىندالعان تاعامدا زياندى مولەكۋلالار پايدا بولادى. ونىڭ زيانى ٴدال قۋىرىلىپ جاتقانداعىنداي بولادى ەكەن. سوندىقتان، ەگەر ورگانيزمىڭىزگە زيان بولماسىن دەسەڭىز، راسيونىڭىزدا بۇقتىرىلعان، قايناتىلعان تاعامدار بولسىن. ولاردىڭ دەنساۋلىققا پايداسى مول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي