BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاربىز-قاۋىندى ساتىپ الۋ كەزىندە نەنى ٴبىلۋ قاجەت

فوتو: YouTube

شىلدەنىڭ سوڭى – قاربىز-قاۋىننىڭ ٴدامىن تاتۋعا ەڭ قولايلى جانە ٴقاۋىپسىز مەزگىل. دەسەك تە، نيتراتتارمەن ۋلانۋ مۇمكىندىگى جوق ەمەس. استانا قالاسى قوعامدىق دەنساۋلىق ساقتاۋ دەپارتامەنتىنىڭ تاعام نىساندارىن سانيتارلىق-گيگيەنالىق قاداعالاۋ ٴبولىمىنىڭ باسشىسى اينۇر داۋلەتبايەۆانى باقشا داقىلدارىن ساتىپ الۋ كەزىندە نازارعا الىنۋى ٴتيىس ەرەجەلەردى ايتتى، دەپ حابارلايدى baq.kz اقپارات اگەنتتىگى استانا سايتىنىڭ رەسمي سايتىنا سىلتەمە جاساپ.

قاربىزدار مەن قاۋىندار استاناعا جازعى ماۋسىمنىڭ باسىندا كەلەدى. ادەتتە، ماۋسىم ايىندا ساۋدا سورەلەرىندە العاشقى بوپ تاشكەنتتىك قابىزدار پايدا بولادى. ٴتاتتى ونىمدەردىڭ كەلەسى پارتياسى تامىز ايىندا ەلىمىزدىڭ وڭتۇستىك وبلىستارىنان اكەلىنەدى ەكەن. بۇل كەزەڭدە اتالمىش ونىمدەردىڭ نەگىزگى بولىگى جەتكىزىلەتىنىن ايتۋ كەرەك. سوڭعى كەزەكتە قىركۇيەك ايىندا استاناعا قاربىزدار مەن قاۋىندار شىعىس قازاقستان وبلىسىنان كەلەدى.

ەلوردانىڭ ٴار بازارىندا ۆەدومستۆولىق زەرتحانالار جۇمىس ىستەيدى. ساۋدا سورەلەرىنە تۇسپەس بۇرىن داقىلدار فيتوسانيتارلىق تەكسەرىستەن وتەدى. قاربىزدار مەن قاۋىنداردىڭ كارانتيندى قۇجاتتارى بولۋى كەرەك. فيتوسانيتارلىق ساراپتاما قورىتىندىلارى بويىنشا باقشا داقىلدارىنىڭ قۇرامىندا نيتراتتاردىڭ ٴتيىستى مولشەردەن اساتىن سانى انىقتالعان جاعدايدا، ٴونىم ساتىلىمعا جىبەرىلمەيدى.

2018 جىلدىڭ 6 ايىنىڭ قورىتىندىلارىنا سايكەس ەگىلەتىن وسىمدىك ونىمدەرىنىڭ قۇرامىندا نيتراتتاردىڭ بار-جوعىن انىقتاۋ ٴۇشىن بارلىعى 1381 زەرتتەۋ جاسالىپتى. ولاردىڭ 34 قاربىز-قاۋىننىڭ قۇرامىن تەكسەرۋگە باعىتتالعان. تەكسەرۋ جۇمىستارىنىڭ ناتيجەسىندە نيتراتتاردىڭ ٴتيىستى مولشەردەن اساتىن سانى انىقتالعان 5 وقيعا تىركەلدى. 2017 جىلدىڭ سايكەس كەزەڭىندە 2018 جاسالعان زەرتتەۋ ناتيجەسىندە مۇنداي 19 وقيعا انىقتالعان بولاتىن. نيتراتتاردىڭ ٴتيىستى مولشەردەن اساتىن سانى قۇلپىناي، بانان، ٴجۇزىم،ورامجاپىراق، بولگار بۇرىشى، ٴسابىز، كادى، بايالدى، شالعام سياقتى جەمىستەر مەن كوكونىستەردەن تابىلدى.

«قالالىق ينفەكسيالىق اۋرۋحانانىڭ مالىمەتتەرى بويىنشا، 2018 جىلدىڭ العاشقى جارتىجىلدىعىنىڭ قورىتىندىلارىنا سايكەس، نيتراتتارمەن ۋلانۋدىڭ 2 وقيعاسى تىركەلدى. ولار ەرتە كوكتەمگى كەزەڭدە ورىن الىپتى. قاربىزدار مەن قاۋىندارمەن ۋلانۋ وقيعالارى بولعان جوق.

بۇرىن باقشا داقىلدارىمەن ازاماتتار ٴجيى ۋلاناتىن. قازىرگى تاڭدا، مەنىڭ ويىمشا، اتالمىش ماسەلە بازارلاردىڭ وزىندە دە قاتاڭ قاداعالانادى. ساتىپ العان قاربىزدارى نەمەسە قاۋىندارىنىڭ قۇرامىنداعى نيتراتتار سانىن تەكسەرۋگە دەگەن ازاماتتاردىڭ ىنتاسى دا جوعارى. ولار بازارلارداعى زەرتحانالارعا بارىپ، ساتىپ العان ونىمدەرىن ٴجيى تەكسەرىپ تۇرادى.

بۇدان بولەك، وتكەن جىلدان باستاپ «ٴقاۋىپسىز ٴونىمدى تاڭدا» اكسياسى اياسىندا اي سايىن ٴبىزدىڭ دەپارتامەنتتىڭ ماماندارى قالانىڭ بازارلارىنا شىعىپ، ازىق-تۇلىك ونىمدەرىنىڭ قۇرامىندا زياندى زاتتاردىڭ بار-جوعىن تەگىن تەكسەرىپ تۇرادى»، - دەيدى اينۇر داۋلەتبايەۆا.

الايدا قاربىزدار مەن قاۋىنداردى بەلگىلەنبەگەن جەردە ساتاتىندار دا بار. استانا قالاسى قوعامدىق دەنساۋلىق ساقتاۋ دەپارتامەنتىنىڭ تاعام نىساندارىن سانيتارلىق-گيگيەنالىق قاداعالاۋ ٴبولىمىنىڭ باسشىسى مۇنداي جەرلەردە ساۋدا جۇرگىزەتىندەردەن باقشا داقىلدارىن ساتىپ الماۋعا شاقىرادى.

«قاربىزداردى نەمەسە قاۋىنداردى، اسىرەسە، جول بويىندا تۇرعان ساۋداگەرلەردەن الماۋعا كەڭەس بەرەمىز. اۆتوبيلدەردەن شىعاتىن زياندى گازداردىڭ اسا كوپ مولشەردە ٴبولىنۋى سالدارىنان قىسقا ۋاقىتتىڭ ىشىندە داقىلدار اۋىر مەتاللداردى ٴسىڭىرىپ الۋى ىقتيمال. مىسال ٴۇشىن، قاربىزدى بەلگىلەنبەگەن جەردە ساتىپ الۋدى ۇيعارساڭىز، ساتۋشىدان ساۋدانىڭ زاڭدىلىعىن، ٴونىم قاۋىپسىزدىگىن دالەلدەيتىن قۇجاتتاردى، ونىڭ سانيتارلىق نەمەسە مەديسينالىق كىتاپشاسىن كورسەتۋىن سۇراۋعا تولىق قۇقىعىڭىز بار»، - دەپ اتاپ ٴوتتى ٴبىزدىڭ ساراپشى.

ول، سونداي-اق، باقشا داقىلدارىن ساتۋعا ارنالعان ساۋدا ورىندارىنىڭ قانداي بولۋى كەرەكتىگىن ەسكە سالدى.

«ساۋدا ورنى قورشالىپ، كۇن ساۋلەسىنەن، جاۋىن-شاشىننان قورعالۋى قاجەت. ساتۋ ورنىن شاتىر استىندا ورنالاستىرعان ٴجون. قاربىزدار مەن قاۋىندار بيىكتىگى 20 سم-دەن كەم بولمايتىنداي، ارنايى سورەلەردە ساقتالۋى ٴتيىس»، - دەدى اينۇر داۋلەتبايەۆا.

كوپتەگەن ازاماتتار باقشا داقىلدارىن ساتىپ الماس بۇرىن، ٴتاتتى جيدەكتەن ٴدام تاتۋ ٴۇشىن ونى كەسىپ بەرۋىن سۇرايدى. ماماندار بولسا، مۇنداي ارەكەتكە قارسى. وسىلايشا ٴسىز ٴوزىڭىزدى ىشەك تاياقشاسىنان قورعاي الاسىز. قاربىز-قاۋىندى پىشاقپەن كەسۋ كەزىندە ونىڭ سىرتقى بەتىندەگى كىر ىشكى قۇرامىنا ەنۋى مۇمكىن.پىشاقتىڭ تازا ەكەندىگىنە دە ەشكىم كەپىلدىك بەرە الماس.

«ساتىپ الۋ كەزىندە جيدەك قابىعىنىڭ بۇتىندىگىنە كوڭىل ٴبولىڭىز. ول سىزاتسىز، جارىقسىز، شۇڭقىرسىز بولۋ كەرەك. سىزاتتار مەن جارىقتار كوبىنە قاربىز-قاۋىنداردى تاسىمالداۋ كەزىندە پايدا بولادى. ال قاربىزدىڭ شۇڭقىر پايدا بولعان جەرىندە ىشكى جۇمساق بولىگى اشىپ كەتەدى. سول سەبەپتى بۇل ماسەلەنى دە كوڭىلگە الۋ شارت»، - دەيدى قوعامدىق دەنساۋلىق ساقتاۋ دەپارتامەنتىنىڭ تاعام نىساندارىن سانيتارلىق-گيگيەنالىق قاداعالاۋ ٴبولىمىنىڭ باسشىسى.

اينۇر داۋلەتبايەۆانىڭ ايتۋىنا قاراعاندا، باقشا داقىلدارىمەن ۋلانۋعا ٴبىر جاسقا دەيىنگى سابيلەر بەيىم كەلەدى. وسىعان وراي، بالا ەمىزەتىن انالار ٴتاتتى داقىلداردى جەمەۋگە تىرىسۋى قاجەت. ال بالالارعا ساراپشىمىز قاربىزدى قابىعىنا دەيىن جەمەۋگە كەڭەس بەرەدى. بۇل – نيتراتتار كوپ جينالۋى مۇمكىن بولىك.

ەڭ قاراپايىم ەرەجە – قاربىز-قاۋىننان ٴدام تاتپاس بۇرىن، ونى جاقسىلاپ جۋۋ. جەكە گيگيەنا جونىندە دە ۇمىتپاڭىز! مىنە، وسى ەرەجەلەر ۋلانۋ وقيعاسىنا جول بەرە قويماس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي