BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قالتا تەلەفونىڭىزدىڭ پايداسىنان زيانى كوپ ەكەنىن بىلەسىز بە؟

جاقىندا دۇنيەجۇزىلىك دەنساۋلىق ساقتاۋ ۇيىمىنا قاراستى قاتەرلى ىسىكتى زەرتتەۋ ورتالىعى (iarc) تۇڭعىش رەت تەلەفوننىڭ قاتەرلىك ىسىككە شالدىقتىراتىنىن جانە قاتەرلى مي وسپەسىنە دۋشار ەتەتىنى جايلى حابارلادى. وسى مالىمدەمەدەن كەيىن بۇكىل الەم جۇرتشىلىعى مەن عالىمدارى تەلەفون رادياسياسىنا وتە جوعارى دەڭگەيدە نازار اۋدارا باستادى.

ۇيىم جاۋاپتىسى كريستوفەر ۋايلدتىڭ ايتۋىنشا رادياسيا تاراتۋ دەڭگەيى بويىنشا قالتا تەلەفوندارى ەڭ الدىڭعى قاتاردا تۇر ەكەن. سول سەبەپتى، سايتىمىز مۇسىلمان قاۋىمىنىڭ دەنساۋلىعىنا پايداسى تيەر دەگەن نيەتپەن تەلەفون قولدانۋداعى باستى نازارعا الۋعا ٴتيىستى بىرنەشە مالىمەتتەردى نازارلارىڭىزعا ۇسىندى.

1) قۇلاققاپ ارقىلى سويلەسۋ; قۇلاققاپ ارقىلى تەلەفونمەن سويلەسكەندە تەلەفون رادياسياسىن تولىق جويىپ جىبەرۋگە بولماسا دا، تەلەفون ادامنىڭ باس بولىمىنەن الىستا بولعاندىقتان زياندى ايتارلىقتاي ازايتۋعا بولادى.

2) تەلەفوندى جابىق ورىنداردا قولدانۋعا بولمايدى; مىسالى، ليفت، پوەزد جانە مەترو سياقتى جابىق ورىنداردا ەڭ دۇرىسى تەلەفوندى قولدانباعانىڭىز دۇرىس. مۇنداي ورىنداردا تەلەفون جەلىسىمەن بايلانىس وتە ٴالسىز بولعاندىقتان، ونىڭ تاراتاتىن رادياسياسى دا كوپ بولادى.

3) تەلەفون جەلىسى(سەت) ٴالسىز ۋاقىتتا قولدانباۋ; تەلەفون جەلىسى ٴالسىز بولىپ تۇرعاندا نەمەسە كولىكتە كەلە جاتقاندا تەلەفونمەن سويلەسپەگەن دۇرىس. مۇنداي ۋاقىتتا رادياسيا وتە جوعارى بولادى.

4) ۇزاق ۋاقىت سويلەسپەۋ; تەلەفونمەن سويلەسۋ ۋاقىتى ەكى مينۋتتان اسقاننان كەيىن ونىڭ كەرى اسەرىنەن پايدا بولعان تولقىندى ادام ميى ٴبىر ساعات بويى رەتكە كەلتىرە المايدى ەكەن.

5) سمارتفونداردىڭ رادياسياسى ٴتىپتى دە جوعارى; قاراپايىم تەلەفون مەن سمارتفوننىڭ رادياسيا تاراتۋ مولشەرىن سالىستىرعاندا سمارتفوننىڭ زيانى كوپ بولعان. سەبەبى، ٴسىز تەلەفونمەن سويلەسىپ جاتقان ٴبىر ۋاقىتتا ٴسىزدىڭ سمارتفونىڭىز عالامتور جەلىسىمەن بايلانىسىپ تۇرادى. سمارتفونداعى ٴار-تۇرلى باعدارلامالار ٴبىر مەزەتتە اقپاراتتى الىپ نەمەسە جىبەرىپ جاتادى. بۇل جاعداي رادياسيا مولشەرىن ادەتتەگىدەن ەسەلەپ جىبەرەدى ەكەن. سوندىقتان، تەلەفوندى سويلەسۋ كەزىندە ينتەرنەت جەلىسىنەن اجىراتىپ قويۋ ٴلازىم.

6) نومەر تەرىپ بولعاننان كەيىن تەلەفوندى قۇلاقتان اۋلاق ۇستاۋ; قوڭىراۋ جالعانىپ جاتقان ساتتە ونىڭ رادياسياسى ەڭ جوعارى دەڭگەيدە بولادى. سوندىقتان، قوڭىراۋ شالعاندا نەمەسە تەلەفون قابىلداعاندا قارسى جاق تەلەفوندى كوتەرگەننەن كەيىن بارىپ تۇتقانى قۇلاققا جاقىنداتىڭىز.

7) تەلەفوندى جانقالتاعا سالماۋ; زەرتتەۋلەر ناتيجەسى بويىنشا، تەلەفوندى ۇنەمى شالبارىنىڭ قالتاسىنا سالىپ جۇرەتىن ەر ادامداردىڭ ۇرىق مولشەرى قالىپتى ەر ادامدارعا قاراعاندا 25% از بولادى ەكەن. تەلەفون رادياسياسىنىڭ ادامنىڭ ٴار ٴتۇرلى دەنە بولىكتەرىنە جاسايتىن اسەرى دە تۇرلىشە، ەر ادامداردارعا زيانى ٴتىپتى دە اۋىر ەكەنى بەلگىلى بولعان.

8) تەلەفوندى جاتىن بولمەگە قويماۋ; بۇگىنگى تاڭدا تەلەفوندا جاتىن بولمە تۇگىلى، جاستىقتىڭ استىنا قويا ادەتكە اينالعان. قاتەرلى ىسىك اۋرۋىنىڭ پايدا بولۋىن جىلدامداتاتىن سەبەپتەردىڭ ٴبىرى رەتىندە تەلەفوندى ۇيىقتاعاندا باس جاعىنا قويۋ بولىپ وتىر. ونىڭ ۇستىنە ادامنىڭ ۇيقىسى دا قالىپتى بولمايدى.

دەرەك كوز: ummet.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي