قاي تاماق قانشا ساعاتتا قورىتىلادى؟

ارىقتاۋعا نيەتى بار قىزداردىڭ قۇلاعىنا التىن سىرعا! جاڭا، جەڭىل ديەتامەن تانىس بولىڭىزدار.

بۇل ٴتاسىلدىڭ باستى ۇستانىمى مىناداي. اسقازانداعى تاعام تولىقتاي قورىتىلىپ بولماعانشا، باسقا تاماق جەمەۋ. ناتيجەسىندە ٴسىز شامادان تىس ارتىق تاماق جەمەيسىز.

ايتا كەتسەك، بۇل ٴادىس ارىقتاۋدى تەزدەتىپ قانا قويماي، اسقورىتۋ جۇيەسىن تولىقتاي تازالاپ، جۇمىسىن رەتكە كەلتىرەدى ەكەن. وسى ديەتانى ۇستانعان ادامنىڭ اسقازانى ۋاقىت وتە كىشىرەيەدى، ال تاماقتى ارتىق جەمەۋ ادەتى ساقتالىپ قالادى.

سونىمەن ٴتۇرلى تاعامنىڭ قانشا ۋاقىتتا قورىتىلاتىنىن ٴبىلىپ جۇرىڭىزدەر.

1-2 ساعات: سۋ، شاي، كوفە، كاكاو، سورپا، ٴسۇت، پىسكەن جۇمىرتقا، كۇرىش، پىسكەن بالىق ەتى.

2-3 ساعات: قۋىرىلعان جۇمىرتقا، پىسكەن مايلى بالىق ەتى، پىسكەن كارتوپ، نان.

3-4 ساعات: پىسكەن تاۋىق نە سيىر ەتى، قارا بيداي نانى، الما، ٴسابىز، كوكونىس تۇرلەرى، قۋىرىلعان كارتوپ.

4-5 ساعات: بۇرشاق تۇرلەرى، قۋىرىلعان ەت، مايعا قۋىرىلعان بالىق نە تاۋىق ەتى.

5-6 ساعات: ساڭىراۋقۇلاقتار، مايلى ەت.

ۇيقىعا اش قارىنمەن جاتۋدى ادەتكە اينالدىرىڭىز. ەڭ دۇرىسى ۇيقىعا 3-4 ساعات قالعاننان كەيىن مۇلدەم تاماقتانباۋ.

massaget.kz

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!