BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

عالىمدار نەگە تاڭعى اسقا قۋىرىلعان جۇمىرتقا جەۋگە بولمايتىنىن ايتتى

فوتو: pixabay.com

كوپشىلىك قۋىرىلعان جۇمىرتقادا ادام اعزاسىنا قاجەتتى اقۋىز بار دەپ پايىمدايدى. ٴبىراق شەتەلدىك ديەتولوگتار تاڭعى اسقا قۋىرىلعان جۇمىرتقانى پايدالانۋدى شەكتەۋ كەرەك دەپ وتىر. بۇل تۋرالى segodnya.ua پورتالى جازدى.

ستوكگولمداعى كارولين ينستيتۋتىنىڭ عالىمدارى قۋىرىلعان ەتتىڭ دە زيان ەكەنىن ايتادى. ونى از مولشەردە كۇندەلىكتى قولدانۋ ۇيقى بەزى وبىرىنا شالدىعۋعا اكەلىپ سوعادى ەكەن.

«كۇندەلىكتى 50 گرامم قۋىرىلعان ەتتى قولدانۋ ۇيقى بەزى وبىرىنىڭ دامۋ ٴقاۋپىن 19 پايىزعا ارتتىرادى. ال وسىنداي تاعامنىڭ 100 گرامى وبىر اۋرۋىنا شالدىعۋ ٴقاۋپىن 40 پايىزعا ارتتىرادى»، - دەيدى دارىگەرلەر.

سونىمەن قاتار، گارۆارد مەديسينا ورتالىعىنىڭ زەرتتەۋشىلەرى قۋىرىلعان بەكوندى تۇراقتى تۇتىنۋ مەن ادامدارداعى ينسۋلت ٴقاۋپى اراسىنداعى بايلانىستى زەرتتەدى.

سونىمەن قاتار عالىمدار امەريكالىقتاردىڭ تاماق راسيوندارىن زەرتتەگەن. امەريكالىقتار قۋىرىلعان ەت پەن بەكوندى وتە كوپ مولشەردە پايدالاناتىنى انىقتالدى.

ساراپشىلار كۇندەلىكتى 360 گرامم قۋىرىلعان ەت (بەكون) جەگەندە ەرلەردىڭ ينسۋلتكە شالدىعۋى 28%-عا، ال ايەلدەردە 19 پايىزعا ارتاتىنىن ايتتى.

دارىگەرلەر تاڭعى اسقا بەكون، شۇجىق پەن قۋىرىلعان جۇمىرتقا جەيتىن ادامدارعا ونىڭ ورنىنا سۋعا پىسكەن جۇمىرتقا نەمەسە تاۋىقتىڭ ٴتوس ەتىن پايدانۋعا كەڭەس بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي