BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

عالىمدار قورقىنىشتى ٴتۇس كورۋدەن قالاي ارىلۋعا بولاتىنىن انىقتادى

توكيو ۋنيۆەرسيتەتىنىڭ عالىمدارى تىشقانداردا تەز ۇيقىعا شومۋعا جاۋاپ بەرەتىن گەندەردى "ٴوشىرىپ تاستادى". سول ارقىلى ادام ۇيىقتاعان كەزدە ٴتۇرلى جاعدايداعى، ٴتىپتى قورقىنىشتى ٴتۇس كورۋدى بولدىرماۋدى زەرتتەپ جاتىر، دەپ حابارلايدى baq.kz اقپارات اگەنتتىگى.

daily mail باسىلىمىنا سىلتەمە جاساپ اقپارات تاراتقان sputniknews.kz سايتىنىڭ مالىمەتىنە قاراعاندا، عالىمداردىڭ اشقان جاڭالىعى بويىنشا ادام قاتتى شارشاعان كەزدە اعزاسى "ٴوشىپ قالعانداي" كۇيگە ەنىپ، ۇيقىدا جاتقاندا قانداي دا ٴبىر فيزيولوگيالىق كەدەرگىلەرسىز جاقسى دەمالىپ، تىنىعىپ تۇرادى.

دەمەك، ەندى كەز كەلگەن ٴتىرى اعزا تىپ-تىنىش ۇيقىدا جاتا الادى – ٴتىپتى ەشقانداي ٴتۇس، ونىڭ ىشىندە قورقىنىشتى تۇستەر كورىپ، مازاسى كەتپەيدى.

عالىمدار تىشقانداردىڭ chrm 1 جانە 3 گەندەرىن الىپ تاستاپ، تەز ۇيقى فازاسىن ۋاقىتشا ٴوشىرىپ تاستاۋ مۇمكىندىگىنە يە بولدى. كەي تەوريا بويىنشا بۇل فازا ادامنىڭ دەنساۋلىعىنا زيان كەلتىرۋى مۇمكىن.

بۇل گەندەردى الىپ تاستاۋ ناتيجەسىندە مي مەن بۇكىل اعزانىڭ تولىققاندى تىنىعۋى ٴۇشىن تەز ۇيقى فازاسى كەرەك ەمەس دەگەن پايىمداۋلار تۋىندايدى. عالىمداردىڭ تەورياسى راستالىپ، تىشقاندار بۇل گەندەرسىز تىرشىلىك ەتە الاتىن بولسا، پسيحولوگيالىق دەرتتەردى ەمدەۋدىڭ جاڭا ٴادىسى انىقتالۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي