BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

عالىمدار ارتىق تاماق جەۋدىڭ بەس سەبەبىن انىقتادى

ۇلىبريتانيادا ساسسەكس ۋنيۆەرسيتەتىنىڭ قىزمەتكەرى دجەنني مورريس ادامداردىڭ نەلىكتەن كوپ تاماق جەپ قوياتىن سەبەبىن ٴتۇسىندىردى. ماماننىڭ ماتەريالى the conversation جۋرنالىنا جاريالاندى، دەپ حابارلايدى ۆaq.kz اقپارات اگەنتتىگى ria.ru باسىلىمىنا سىلتەمە جاساپ.

ٴمورريستىڭ ايتۋىنشا، اشقاراقتىققا بەيىم ادامداردى انىقتاۋدىڭ بەس فوكتورى بار. ٴبىرىنشىسى – جەيتىن تاماعىنىڭ مولشەرى. مۇنداي قورىتىندىنى سورپا ىشۋگە ارنالعان ساراپتاماعا سۇيەنىپ جاسادى. تەستىلەۋ بارىسىندا قاتىسۋشىلاردىڭ ىدىسىنا ترۋبوچكا ارقىلى بىلدىرمەي سورپا قۇيىلىپ وتىردى. كەيبىر قاتىسۋشىلارعا 73% ارتىق سورپا قۇيىلسا دا، ولاردىڭ بارلىعى بىردەي وزدەرىن "تويدىق" دەپ ەسەپتەگەن. ياعني، از ىشكەنى دە، كوپ ىشكەنى دە بىردەي سەزىمدە بولعان.

بۇدان بولەك داستارقانداعى تاماقتىڭ تۇرلىلىگى دە اسەر ەتەدى. ادام اس ىشكەندەگى تاماقتىڭ دامىنەن ونشا قاناعاتتانباسا، سونشا تويىمدى بولىپ كەلەدى. ال، ەگەر ۇستەل ۇستىندە تاماق تولىپ تۇرسا، ادام ٴتورت ەسە كوپ تاماق جەپ قويۋى مۇمكىن.

سونداي-اق، ٴمورريستىڭ ايتۋىنشا، تاماقتى كوپ جەپ قويۋعا تەلەديدار قاراۋ، تاماق جەپ وتىرىپ، كىتاپ وقۋ، الكوگولدى ىشىمدىك ٴىشۋ جانە ۇستەل باسىندا جينالعاندار اسەر ەتەدى. ەگەر ادامنىڭ كوڭىلى باسقا جاقتا وتىرسا، ول تويعان-تويماعانىن دۇرىس سەزىنبەيدى. سوندىقتان كوپ تاماق جەپ قويادى. الكوگول دە وسىلاي ىقپال ەتەدى. ونىڭ اسەرىنەن مي قاجەتتى سيگنالدى كەش الادى.

تاعى ۇستەل باسىندا كوپشىلىك وتىرسا، ادام قاسىندا وتىرعان ادامنىڭ جەگەن تاماعىنىڭ ٴدامىن كورەيىن دەپ تە ارتىق جەپ قويادى.

مامان جوعارىدا ايتىلعان فاكتورلاردان قۇتىلۋ ٴۇشىن اس ىشكەن كەزدە تەك تاماقتى ويلاۋ كەرەك دەگەن كەڭەس بەرەدى. ٴوزىڭنىڭ جەگەن تاماعىڭدى سۋرەتكە ٴتۇسىرىپ وتىرۋعا دا بولادى. سوندا كوپ تاماق جەگەنىڭدى سۋرەتتەر ارقىلى ٴبىلىپ، كەلەسى پورسياعا كەلگەندە ٴوزىڭدى توقتاتاسىڭ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي