BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

فاستفۋدتىڭ تاعى ٴبىر زيانى تابىلدى

بونن ۋنيۆەرسيتەتىنىڭ عالىمدارى «باتىستىق ديەتا» يممۋندىق جۇيەدە ينفەكسيا كەزىندە پايدا بولاتىنداي رەاكسيا تۋعىزادى دەگەن قورىتىندى شىعاردى. ويتكەنى وندا ماي مەن كومىرسۋ كوپ. سونىڭ كەسىرىنەن سوزىلمالى قابىنۋ، ديابەت جانە ارتەريوسكلەروزدىڭ ٴقاۋپى كۇشەيەدى. بۇل تۋرالى medicalxpress سايتىندا جازىلدى، دەپ حابارلايدى ۆaq.kz اقپارات اگەنتتىگى lenta.ru باسىلىمىنا سىلتەمە جاساپ.

ماماندار تىشقاندارعا ساراپتاما جاسادى. ولارعا ٴبىر اي بويى جاسۋشاسى از، ٴبىراق كالورياسى جوعارى تاماق بەرىلدى. ناتيجەسىندە، كەمىرگىشتەردىڭ اعزاسىندا قابىنۋ پايدا بولىپ، قانىندا تۇيىرشىكتى جاسۋشا مەن اق قان جاسۋشالارى (لەيكوسيتتەر) كوبەيەدى.

سوندا كومىرسۋى مەن مايى كوپ تاماق ميداعى ٴقانتۇزۋ جاسۋشالارىنىڭ ارنايى گەندەرىن (جاسۋشالاردىڭ جەتىلۋىنە جانە ٴتىننىڭ وسۋىنە جاۋاپ بەرەتىن دنق) بەلسەندەندىرەدى. كەيىن تىشقاندارعا كادىمگى تاماعىن بەرگەندە قابىنۋ جويىلادى، ٴبىراق ٴتورت اپتادان كەيىن ٴتيىستى گەندەر تاعى بەلسەندى بولا باستايدى. ياعني، مايلى تاماقتى قويعاننان كەيىن سوزىلمالى اۋرۋمەن كۇرەس جالعاسا بەرەدى.

زەرتتەۋشىلەردىڭ ايتۋىنشا، مايى مەن كومىرسۋى از ديەتالار ارتىق سالماقتىڭ الدىن الىپ قانا قويماي، سوزىلمالى اۋرۋلاردىڭ دا ٴقاۋپىن جويادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي