استانا: 
2676 
0
ينتەرنەتتە جاسالاتىن قىلمىس سانى جىل سايىن ارتىپ كەلەدى. فەيسبۋكتى 2 ملرد-تان استام ادام قولداناتىندىقتان قىلمىسكەرلەر مۇندا دا كوپتەپ كەزدەسەدى. ەڭ سوراقىسى، الاياقتىقتىڭ جاڭا تۇرلەرى الەۋمەتتىك جەلىلەردە تەز تارالىپ كەتەدى!
قازىرگى تاڭدا الاياقتار جاڭا ٴايلا-تاسىلدىڭ كومەگىمەن ميلليونداعان فەيسبۋك قولدانۋشىنىڭ مالىمەتىن ۇرلاپ جاتىر. قالاي دەيسىز عوي؟ ٴسىزدىڭ پوشتاڭىزعا بازبىرەۋلەر ٴfacebook-تىڭ اتىنان حات جىبەرەدى. وندا الاياقتار ٴسىزدىڭ قاۋىپسىزدىگىڭىز ٴۇشىن دەگەن جەلەۋمەن قولدانۋشىنىڭ ٴاتى-جونى مەن قۇپيا ٴسوزىن جازىپ جىبەرۋىن وتىنەدى.
ادەتتە ول مىناداي ۇلگىدە كەلەدى
ەگەر مالىمەتتى ەنگىزسەڭىز، تۇزاققا ٴتۇستىم دەي بەرىڭىز!
ايتپاقشى، حاتتىڭ كورىنىسى ٴسال باسقاشا بولۋى دا مۇمكىن، الايدا وندا دا قۇپيا ٴسوزدى ەنگىزۋگە ارنالعان ورىن قاراستىرىلعان.
الەۋمەتتىك جەلى ەشقاشان قۇپيا ٴسوزدى قايتالاپ سۇرامايتىنىن ەستە ۇستاۋ كەرەك. الايدا ميلليونداعان ادام مۇنى بىلە بەرمەيدى.
ال ونىڭ زاردابى قانداي؟
ول ٴارتۇرلى بولۋى مۇمكىن. ەڭ جەڭىلى – ٴسىزدىڭ پاراقشاڭىزعا پورنوگرافيا جۇكتەپ تاستايدى. ٴسىزدىڭ اتىڭىزدان دوستارىڭىزعا ۆيرۋستىڭ سىلتەمەسىن تاراتىپ، بانك اۋدارىمىنا ارنالعان رەكۆيزيتتەر ارقىلى كومەك سۇراۋى دا مۇمكىن. قىسقاشا ايتقاندا قاسكۇنەم ويىندا نە بولسا سونى جۇزەگە اسىرۋعا تىرىسادى.
دەرەككوز: napozitiv.ru
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6556
0