BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

داۋىلدان قالاي قورعانۋ كەرەك

فوتو: мұрағат

استاناداعى بۇگىنگىدەي داۋىل قايتالانعان جاعدايدا قالاي قورعانۋعا بولاتىنى تۋرالى ماماندار كەڭەس بەردى. بۇل تۋرالى استانا اكىمىنىڭ ٴباسپاسوز حاتشىسى ەلۆيرا جۇرگەنبايەۆا facebook-تاعى جەكە پاراقشاسىندا جازدى، دەپ حابارلايدى baq.kz اقپارات اگەنتتىگى.

«جايسىز اۋا رايى ماماندار حالىقتى كەلەسى الدىن الۋ شارالارىن ۇستانۋدى ەسكەرتەدى. ناقتىراق ايتقاندا، قاتتى جەل سوققان جاعدايدا ۇيدە نەمەسە پاتەردە تەرەزەنى نىقتاپ تۇرىپ جابۋ كەرەك. سونىمەن بىرگە، تەرەزە سالىنباعان بالكوننان نەمەسە لودجيدان قاتتى جەل كەزىندە سىرتقا ۇشىپ كەتۋى ىقتيمال بارلىق زاتتاردى ۇيگە كىرگىزگەن ابزال»، - دەلىنگەن جازبادا.

ال ەگەر داۋىل سوققان جاعدايدا سىرتتا بولساڭىز، جارناما تاقتاشالارىنان، وزگە دە ٴىلىنىپ تۇرعان قۇرىلىمداردان، ەلەكتر جەلىلەرىنەن، اعاشتاردان قاشىقتا جۇرگەن دۇرىس. قايعىلى جاعدايدان ساقتانۋ ٴۇشىن بارىنشا قىراعى بولعان ابزال. بۇعان قوسا ۇزىلگەن سىمدارعا نەمەسە شايقالاقتاعان زاتتارعا جاقىن جۇرمەۋ كەرەك.

قاتتى جەل سوققان جاعدايدا جاقىندا ورنالاسقان عيماراتتاردىڭ بىرىندە (دۇكەن، كىتاپحانا، ساۋدا ورتالىعى، ٴۇيدىڭ پودەزى، كينوتەاتر) ساۋعالاعان دۇرىس. جەل باسىلعانشا سول جەردەن شىقپاۋ قاجەت.

سونىمەن بىرگە، ماماندار اعاشقا جاقىن كولىكتى قالدىرۋعا بولمايتىنىن ەسكەرتەدى. اسىرەسە، شىرىگەن نەمەسە جالعىز وسكەن اعاشتاردان اۋلاق جۇرگەن ابزال.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي