BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

داتا جۋرناليستيكا قازاقستاندا كەنجەلەپ قالعان - اسحات ەركىمباي

فوتو: Нұржаз Жақсыбай

قازاق جۋرناليستيكاسىندا كەنجە قالىپ كەلە جاتقان بىرنەشە سالا بار. سونىڭ ٴبىرى قازىرگى جاڭا مەديادا «داتا جۋرناليستيكا» دەگەن اتپەن بەلگىلى «ساندار ٴتىلى». بۇگىن استانادا ٴوتىپ جاتقان مەديا اپتالىعىندا تانىمال تالىمگەر اسحات ەركىمباي وڭىرلەردەن كەلگەن باق وكىلدەرىنە وسى تاقىرىپ بويىنشا سەمينار-ترەنينگ وتكىزدى، دەپ حابارلايدى baq.kz اقپارات اگەنتتىگى.

اڭگىمەگە كىرىسپەس بۇرىن «داتا جۋرناليستيكا» ۇعىمىنا قىسقاشا توقتالىپ كەتەيىك.

داتا جۋرناليستيكا دەگەنىمىز ٴتۇرلى سالاداعى، ٴتۇرلى دەڭگەيدەگى ٴتۇرلى سانداردى سويلەتۋ. ياعني ستاتيستيكادا كەزدەسەتىن ٴتۇرلى سانداردى ٴوز ماقالاڭىزدا ٴتيىمدى پايدالانا وتىرىپ، ساراپتاپ، قورىتىپ، جۇيەلەپ، وقۋشىعا تۇسىنىكتى تىلمەن جەتكىزۋ.

بۇگىنگى ترەنينگتە اسحات ەركىمباي وسى داتا جۋرناليستيكاسىنىڭ ەرەكشەلىگىنە توقتالدى.

«قازىرگى كەزدە ەلىمىزدە كەنجەلەپ قالعان سالانىڭ ٴبىرى وسى – داتا جۋرناليستيكاسى. مەملەكەت بۇل سالادا وتە اشىقتىق، مالىمەتكە قولجەتىمدىلىك جاساپ وتىر. مىسالى e-gov پورتالىندا بىزگە كەرەك مالمەتتەردىڭ بارلىعى بار، تەك سونى دۇرىس پايدالانا بىلسەك بولدى» - دەيدى ول.

كوپ جاعدايدا جۋرناليستەر ساندىق مالمەتتەردى ماقالانىڭ تۇزدىعى رەتىندە عانا قولداناتىنى جاسىرىن ەمەس. ٴبىراق سول سانداردى سويلەتە ٴبىلۋ كەرەك.

«داتا جۋرناليستيكاسىنىڭ دامىماۋىنىڭ ٴبىر سەبەبى جۋرناليستەردىڭ بۇل سانداردان شاتاسىپ كەتەمىز دەپ قورقۋىنان. جانە ەكونوميكا تاقىرىبىندا جازاتىن جۋرناليستەردىڭ ازدىعىنان دەۋگە بولادى. دەگەنمەن داتا جۋرناليستيكانىڭ تيىمدىلىگى ناقتى ساندىق مالىمەتتەردى حالىققا تۇسىنىكتى تىلمەن جەتكىزۋ» - دەيدى اسحات ەركىنباي.

وسى رەتتە داتا جۋرناليستيكانىڭ تۇرلەرى، ەرەكشەلىكتەرى، داتا جۋرناليستيكا جايلى جازۋ ٴۇشىن نەنى ەسكەرگەن دۇرىس دەگەنگە ترەنەردىڭ كوزىمەن قاراپ كورەيىك.

داتا داعدى:

  • داتانى تابۋ
  • داتانى الۋ
  • داتانى تازالاۋ
  • داتانى ساراپتاۋ
  • داتاندان تاپقان مالىمەتتى قاراپايىم تىلگە اۋدارۋ.

وسىلاي رەتتەلگەن داتانى ماقالا رەتىندە نە جوبا رەتىندە جاساپ شىعۋ وڭاي. ول ٴۇشىن داتانىڭ سەنىمدى، سەنىمسىزىن انىقتاپ، داتاعا سۇراۋ سالۋ كەرەك.

بۇدان سوڭ ٴجۋرناليستىڭ ٴوز شەبەرلىگىنە قاراي داتانى قالاي قۇبىلتامىن دەسە دە ٴوز ەركىندە. ٴبىراق ەسكەرتەتىن ٴبىر جايت، داتا جۋرناليستيكاسىندا ناقتى سانداردان قاتەلەسۋگە جول جوق.

ەسكە سالا كەتسەك، 4 قازان كۇنى استانادا ٴۇش كۇنگە جالعاساتىن مەديا اپتالىق ٴوز جۇمىسىن باستاعان بولاتىن. قر اقپارات جانە كوممۋنيكاسيالار ٴمينيسترى داۋرەن ابايەۆ astana media week جىل سايىنعى ٴداستۇرلi شاراعا اينالاتىنىنا سەنiم بiلدiردi. مەديا اپتالىققا 15 وتاندىق جانە 7 شەتەلدiك تەلەارنا قاتىسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي