BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الاقانىڭىزداعى سىزىقتار ومىرىڭىزدەن سىر شەرتەدى

الاقانىڭىزداعى سىزىقتارعا قاراپ وتكەنىڭىز بەن بولاشاعىڭىزدى بولجاۋ ٴۇندىستاندىقتار مەن سىعانداردان قالعان ٴداستۇر. سول بويىنشا ٴسىزدىڭ الاقانىڭىزدا باسقالارىنان وزگەشە نەگىزگى ٴۇش سىزىق بولۋعا ٴتيىستى.

ايەل ادامنىڭ وڭ قولىنىڭ سىزىقتارى تۋا سالىسىمەن وزگەرىسسىز بولادى. كەرىسىنشە سول الاقانىنىڭ سىزىقتارى ومىرلىك ۇستانىمدارى مەن تاعدىر تالەيىنە وراي وزگەرىسكە ۇشىراپ وتىرۋى مۇمكىن. ال ەر ادامداردا بۇل كەرىسىنشە. سوعان بايلانىستى ٴسىز ٴوزىڭىزدىڭ ٴتۋابىتتى تاعدىرىڭىزدى بىلگىڭىز كەلە مە، الدە ٴاربىر كۇنىڭىزدىڭ قالاي وتەتىنىن بىلگىڭىز كەلە مە، ٴوز تاڭداۋىڭىزبەن وڭ، سول الاقانىڭىزدىڭ بىرىنە قارايسىز.

بۇل سىزىقتار جۇرەكتەن، بىلىمنەن، ومىرىڭىزدەن اقپاراتتار بەرە الادى.

1. جۇرەك سىزىعىنىڭ انىقتامالارى: بۇل سىزىق سانا-سەزىمنىڭ تۇراقتىلىعىن، رومانتيكالىق قاتىناستاردى جانە اشۋشاڭدىعىڭىزدى بايقاتادى.

ا) سۇق ساۋساقتىڭ تۇسىنان باستالعان بولسا; ماحابباتتا جولى بولعان، باقىتتى ادام ەكەنىڭىزدى بىلدىرەدى

ٴا) ەگەر سىزىق ورتانتەرەكتىڭ تۇسىنان باستالعان بولسا; رومانتيكالىق قاتىناستا ماتەرياليست، ٴتىپتى كەيدە ولىمگە باس تىگۋگە دايىن جان.

ب) ەگەر سىزىق سۇق ساۋساق پەن ورتانتەرەكتىڭ ورتاسىنان باستالعان بولسا; اسىرەقىزىلشىل، تەز جاقسى كورىپ، تەز ۇناتاتىن ادام.

ۆ) سىزىق قىسقا، ٴتۇزۋ بولسا; رومانيكالىق قارىم-قاتىناستا تىم ٴالسىز دەگەنمەن توسەك قاتىناسىندا اسا سەزىمتال جان.

گ) ٴومىر سىزىعىمەن تۇيىسكەن بولسا; ماحابباتى تىم قىسقا ادام.

ع) ۇزىن ٴارى تولقىن-تولقىن بولىپ كەلسە; سەزىمى ەركىندىكتى قالايتىن جان.

د) ٴتۇزۋ، ٴبىلىم سىزىعىمەن پارالەل بولسا; كوڭىل كۇيىنىڭ قۇبىلىسىن جاقسى ۇستاپ تۇرا الاتىن ادام.

ە) سىزىق ورتاسىندا شەڭبەر بولاتىن بولسا; دەپرەسسياعا ۇرىنعان، كوڭىلىندە قاياۋى بار جان.

يو) جۇرەك سىزىعىن ورتاسىنان بولگەن ۇساق-ۇساق سىزىقتار بولسا; كوڭىل-كۇيىندە، جۇرەگىندە جاراسى بار جان.

2. ٴبىلىم سىزىعىنا قاراپ بولجام جاساۋ:

ادامنىڭ تانىمىن، ينتەلەكتۋالدىق قابىلەتىن، دانالىعى مەن پايىمىن بايقاتادى. سونىمەن قاتار، جاندۇنيەڭىزدىڭ ايناسى بولار رۋحانيات سىزىعى ٴسىزدىڭ قانداي نارسەگە، نەگە قابىلەتتى ەكەنىڭىزدى دە تانىتادى.

ا) سىزىق تىم قىسقا بولسا; دەنە قيمىلدارىن، فيزيكالىق كۇش جۇمساۋدى جاقسى كورەتىن ادام.

ٴا) قيسىق، تىكەلەي ٴتۇزۋ ەمەس سىزىق بولسا; شىعارماشىلىق ادامى.

ب) ٴومىر سىزىعىنان بولەك تۇرسا; شىم-شىتىرىق وقيعالارعا قۇشتار، شىنايى ٴومىر سۇرگەندى قالايتىن ادام.

ۆ) تولقىندى سىزىق; قيىنشىلىقتارمەن ۇزاق كۇرەسۋگە شىدامسىز، ٴبىر نارسەنى كوبىرەك ويلانۋعا ٴتوزىمى جەتپەيتىن جان.

گ) تەرەڭ ٴارى ۇزىن سىزىق; ويى انىق ٴارى ناقتى ادام ەكەنىن بىلدىرەدى.

ع) ۇزىك سىزىق; سانا-سەزىمنىڭ دۇرىس ەمەستىگىن كورسەتەدى.

3. ٴومىر سىزىعىن وقۋ:

باسبارماقتى بىلەكتەن باستاپ الاقاننىڭ ىشىمەن سۇق ساۋساق ەكى ورتاسىنا قاراي اينالدىرا سىزىلعان سىزىق. بۇل سىزىق ومىردەگى نەگىزگى وقيعالاردى، تاعدىردىڭ جازۋىن، دەنساۋلىق جانە ٴومىر جاسىڭىزدى انىقتايدى.

ا) باس بارماققا جاقىن سىزىلعان بولسا; ومىردەن تىم شارشاعان ادام.

ٴا) جاقسى دوعالانا يىلگەن بولسا; كۇشتى ادام

ب) ۇزىن ٴارى تەرەڭ سىزىق; ۇزاق جاسايتىن ادام

ۆ) قىسقا ٴارى كومەسكى سىزىق; وزگەلەردى وڭاي الدايتىن ادام.

گ) جارتىلاي شەڭبەر ٴتارىزدى سىزىق; كۇش قايراتى مىعىم، جۇرەكتى جان.

ع) دوڭەس، الاقاننىڭ جيەگىنە جاقىن سىزىق; قارىم-قاتىناس بارىسىندا اسا ساق، اقىلمەن ارالاساتىن ادام.

د) ٴومىر سىزىعى بىرنەشەۋ بولسا; ۇزاق جاس جاسايتىن، تەك قانا ەرەجەمەن ٴومىر سۇرەتىن جان.

ە) سىزىقتىڭ ورتاسىندا شەڭبەر بولسا; ومىرىندە جاراقات العان ادام

يو) ٴومىر سىزىعىندا ۇزىك بولاتىن بولسا; ٴومىر جولىندا كۇتپەگەن وزگەرىستەر بولعان جان.

سونىمەن قاتار ادامنىڭ قولىنىڭ پوشىمىنا قاراپ ونىڭ مىنەز-قۇلقىن دا انىقتاۋعا بولادى.

1. جەر: ٴتورتبۇرىشتاۋ، بىلتىعىر ساۋساقتى، قالىڭ تەرىلى، ورتانتەرەگى ۇزىن ادام - ويلاۋ قابىلەتى تەرەڭ، كەيدە قىڭىر، جاۋاپكەرشىلىگى جوعارى جانە ماتەرياليست.

2. اۋا: ساۋساقتارى ۇزىن ٴتورتبۇرىش پىشىندەس، الاقاننىڭ ۇزىندىعى ساۋساقتارىنىڭ ۇزىندىعىنا قاراعاندا قىسقا، باس بارماعى تومەن ورنالاسقان، قۇرعاق تەرىلى، اياۋشىلىق تانىتارلىقتاي جاعدايداعى ساۋساقتاردىڭ يەسى - قوعامعا جاقىن، اڭگىمەگە جانى قۇشتار، الدەكىمدى باسسالىپ تەرگەپ-تەكسەرمەيتىن، كەز كەلگەن نارسەنى كەز كەلگەن جاعدايدا جاساپ كورۋگە قۇمار جان.

3. سۋ: الاقانى ۇزىن ٴارى سوپاق، ۇزىن، يكەمدى ساۋساقتى، الاقانىنىڭ ۇزىندىعى ساۋساقتارىنىڭ ۇزىندىعىمەن بىردەي بولعانىمەن الاقاننىڭ ەنى تار ادامدار شىعارماشىل، تاپقىر، جاناشىر، ەموسياعا بەرىلگىش بولعانىمەن ۇيالشاق، ٴوز ماقساتى بار، كەز كەلگەن نارسەنى ۇندەمەي-اق تىندىرادى.

4. وت: الاقاننىڭ ٴپىشىنى ٴتورتبۇرىش، قىزعىلت سىزىقتى تەرىلى، قىسقا ساۋساقتى، الاقانى ورتانتەرەكتەن ٴسال ۇزىنداۋ ادام ناعىز بىلىق، وپتيميست، ساناسى دالەلدى، كەيدە ٴوزىمشىل دە بولا الاتىن، البىرت، اشىق مىنەزدى بولىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي