BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ا ۆيرۋستىق گەپاتيتى جايلى اتا-انالارعا نە ٴبىلۋ قاجەت؟

فوتو: Atameken Business Channel

ا گەپاتيتىن لاس قول اۋرۋى نەمەسە سارىاۋرۋ دەپ تە اتايدى. ول اۋرۋمەن كەز كەلگەن جاستاعى ادامدار، ٴبىراق بالالار مەن جەتكىنشەكتەر جيىرەك اۋىرادى، دەپ حابارلايدى baq.kz اقپارات اگەنتتىگى.

قوعامدىق دەنساۋلىق ساقتاۋ ۇلتتىق ورتالىعىنىڭ ٴباسپاسوز قىزمەتىنەن حابارلاعانداي، ينفەكسيا كوزى اۋرۋ ادام بولىپ تابىلادى. گەپاتيت ۆيرۋسى اعزادان ىشەك ارقىلى شىعادى جانە ناجىستەن تابىلادى. دەنى ساۋ ادامنىڭ اعزاسىنا ول اس قابىلداۋ كەزىندە، سونداي-اق ۆيرۋسپەن لاستانعان تاماقپەن جانە سۋمەن لاس قول ارقىلى ەنەدى. ناۋقاستىڭ تابەتى ناشارلايدى، وڭ جاق قابىرعا استىندا اۋىرسىنۋ، لوقسۋ، ٴجيى قۇسۋ پايدا بولادى جانە دارەتىنىڭ سيپاتى وزگەرىپ، ٴناجىسى تۇسسىزدەنەدى، نەسەبى كۇڭگىرتتەنەدى، كوزدىڭ اعى سارعىش ٴتۇستى بولا باستايدى. كەيدە دەرتتىڭ باستالۋى گتۇماۋعا ۇقساس بولادى. بۇل كەزەڭدە ناۋقاس قورشاعان ادامدار ٴۇشىن وتە ٴقاۋىپتى، سەبەبى ۆيرۋس اعزادان ەرەكشە قارقىنمەن شىعارىلا باستايدى. اۋرۋ سارىاۋرۋدىڭ بەلگىسى بىلىنبەي-اق، جاسىرىن تۇردە ٴوتۋى مۇمكىن.

اۋرۋدىڭ العاشقى بەلگىسى پايدا بولعان كەزدە دەرەۋ دارىگەرگە جۇگىنۋ قاجەت. ناۋقاس بالانىڭ مەكتەپكە دەيىنگى بالالار مەكەمەسىنىڭ توبىندا نەمەسە مەكتەپ سىنىبىندا قاسىنداعى بارلىق بالاعا اۋرۋ جۇقتىرۋ قاۋىپتىلىگىن تۋدىرادى. سىرقاتتىڭ قاۋىپتىلىگىن ەسكەرە وتىرىپ، وزدىگىنەن ەمدەلۋگە جول بەرمەۋ قاجەت.

ماڭىزدى:

-جەكە باس گيگيەناسىنىڭ ەرەجەلەرىن ورىنداۋ، ٴبىرىنشى كەزەكتە، قولدى ٴجيى جۋۋ، اسىرەسە اس ازىرلەۋ كەزىندە;

- تاعامعا تەك تازا كوكونىستەر مەن جەمىستەردى پايدالانۋ; ٴقاۋىپسىز اۋىز سۋ تۇتىنۋ جانە كەزدەيسوق سۋ كوزدەرىنەن سۋ تۇتىنۋ تاۋەكەلىن بولدىرماۋ.

- گەپاتيتكە قارسى ۋاقتىلى ۆاكسينالاۋدان ٴوتۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي